酒店
酒店

入住荃灣某酒店疑撞鬼 網民:鬼壓床、朋友Feel到有靈體

熱話

廣告

早前有網民指,自己與朋友入住一間荃灣酒店,不題半夜突然被鬼壓床,廁所更突然瘋狂沖水。除了聽到「鬼食泥咁款」的聲音,朋友都見到房內有靈體,整個過程真係相當嚇人!網民即刻留言狂估究竟是邊間酒店咁邪!究竟發生甚麼事呢?

撰文:CY|圖片來源:unsplash、香港討論區、《愛回家之開心速遞》|原文刊於:GOtrip

網民去荃灣酒店過夜撞鬼 鬼壓床仲睇見有靈體 留言狂估邊間酒店

早前,有網民於香港討論區以「去荃灣某酒店staycation撞鬼 被鬼責 廁所水自動沖」為題,發文分享日前酒店入住經歷,指自己與2位朋友入住一間荃灣酒店打算玩兩日一夜,結果卻變成驚魂夜,真係相當嚇人!

酒店 事主形容房間有落地玻璃,可以望海景,似乎裝修相當豪華!示意圖)
事主形容房間有落地玻璃,可以望海景,似乎裝修相當豪華(示意圖)!(圖片來源:[email protected]

事主分享,自己剛入房間已經感到房間有異常。「一入到房冇耐我已經耳鳴 ,然後有少少頭赤赤,以為自己感親,都冇咩理。」然而,在深夜時分,在事主快將入睡時,他突然感到有「人」在房間內不斷行走。「然後feel到有嘢壓落我身體,我完全郁唔到。」事主稱,當時自己半邊身麻痹接近5分鐘,想叫都叫唔到!

酒店 之後廁所更傳來恐怖聲響,事主嚇到徹夜難眠!示意圖)
之後廁所更傳來恐怖聲響,事主嚇到徹夜難眠(示意圖)!(圖片來源:[email protected]

然而,事件仍然未告一段落。事主話被鬼壓的同時,忽然聽到廁所傳來沖水聲。「望一望個鐘,5點3,身邊兩個朋友仍然瞓到豬頭咁。」嚇到事主即刻用被蓋住個頭等天光。「之後我都唔敢再瞓番。」直到離開酒店,樓主向身邊友人分享經歷,友人才透露其實一早已經感覺有古怪。「Feel到間房有一大一細嘅靈體,不過佢哋只係好奇冇惡意,話我因為時運低先咁喎!」

事主話酒店位於荃灣。
事主話酒店位於荃灣。(圖片來源:[email protected]

究竟邊間酒店咁猛鬼?除了在標題透露酒店位於荃灣,事主更畀足線索,話:「間酒店超高,房間用色好暗。」「冇記錯係分咗兩座,一座矮一座高。」加上荃灣酒店其實並不算多,各位網民好踴躍回覆猜測酒店名稱。雖然事主直到最後都未有透露酒店名稱,不過似乎仍然無法撲滅網民們的熱情,依然估得相當熱烈。大家又覺得是哪一間酒店呢?

精彩網民留言

酒店 網民笑鬼故流出後可以搞靈探Staycation,一定好旺場!
網民笑鬼古流出後,可以搞靈探Staycation,一定好旺場!(圖片來源:香港討論區)
究竟係邊一間酒店?事主狂畀Tips,網民就瘋狂估!
究竟係邊一間酒店?事主狂畀tips,網民就瘋狂估!(圖片來源:香港討論區)
有網民就話依間酒店出晒名邪,成日會撞鬼!
有網民就話呢間酒店出晒名邪,成日會撞鬼!(圖片來源:香港討論區)
依間酒店真係咁邪?網民似乎估到酒店名,更大爆同集團位於港島的酒店都一樣咁猛鬼!
呢間酒店真係咁邪?網民似乎估到酒店名,更大爆同集團位於港島的酒店都一樣咁猛鬼!(圖片來源:香港討論區)
仲有網民Keep住留言,話間酒店出名好猛鬼!
仲有網民keep住留言,話間酒店出名好猛鬼!(圖片來源:香港討論區)

 

資料來源:香港討論區「去荃灣某酒店staycation撞鬼 被鬼責 廁所水自動沖」

網民原文

唔開名唔出相,不過我畀少少tips大家都一定知
我諗大家都估到啦

上星期就同2個朋友去左玩兩日一夜
因為間酒店其實係氹氹圈設計
所以冇所謂尾房,不過酒店當日就安排左Corner房畀我地
大啲仲有一個好大嘅落地玻璃,景好靚
但係一入到房冇耐我已經耳鳴,然後有少少頭赤赤
以為自己感襯,都冇咩理

我地個晚玩到3點幾大家就瞓教,兩位朋友好快就瞓著
反而我就瞓唔到,而且成日FEEL到好似有「人」喺間房行黎行去
喺我差唔多瞓著,半夢半醒之際我忽然一邊身麻痺咗

然後FEEL到有嘢壓落我身體,我完全郁唔到,耳仔聽到好多人講野
啲聲係鬼食泥咁款「errr….. wa…..」,但個陣我完全郁唔到
想叫又叫唔到,都維持咗呢個狀態起碼5分鐘
忽然間,個廁所沖水啲沖水聲令我成個人醒左
望一望個鐘,5點3,身邊兩個朋友仍然訓到豬頭
究竟係邊個沖廁所?但我肯定冇聽錯
因為沖完廁所,係會有半分鐘至一分鐘嘅去水聲
之後我都唔敢再瞓返,用被蓋住個頭等天光
Check out 同朋友講返呢件事個陣
其中一個朋友話其實佢FEEL到間房有一大一細嘅靈體
不過佢哋只係好奇冇惡意,話我因為時運差先咁喎

如果住酒店時出現奇怪事件,都咪話唔驚!
如果住酒店時出現奇怪事件,都咪話唔驚!(圖片來源:《愛回家之開心速遞》)

關鍵詞
香港酒店

最新吃喝玩樂資訊