必試新鮮 手打闊麵 火炭 5大隱秘餐廳 |掃街王
必試新鮮 手打闊麵 火炭 5大隱秘餐廳 |掃街王

必試新鮮 手打闊麵 火炭 5大隱秘餐廳 |掃街王

放假都係想輕鬆吓,冇錢去旅行但又想去d少人嘅地方輕鬆抖一抖,不妨考慮入新界區。今次掃街王帶大家到火炭工業區搵美食,有 手打闊麵 、超治癒花茶、教你DIY卡通熱香餅、同平價All Day Breakfast等等,呢5間隱秘餐廳環境都好舒適,令你可以將煩惱一一拋諸腦後!

1.每日新鮮即製 手打闊麵 +奇味汽水

新店Stand Up Pasta於火炭開業未到一個月,已經有唔少打工仔嚟幫襯,呢度仲可以立食,畀成日坐office的打工仔「運動」吓。店舖由一位酒店廚師和曾於中環煮私房菜十多年的廚師打理,希望客人可以以火炭價錢,品嚐中環美食。

手打意大利闊麵因為製作需時,由麵團變做麵條要用半日時間去預備,因此每日限量20份,而且只有中午12點至3點先供應。餐牌每星期都會有不同,記者試了西班牙黑毛豬手打意大利闊麵,麵條爽口,而且不會黏在一起,番茄味清新,更有少許芝士,令番茄味更突出,以為細細盒唔夠飽,但其實好足料好飽肚。
每個午餐都包餐湯或咖啡,餐湯亦會每2至3日會轉一款。手打牛肝菌野菌湯,牛肝菌味濃,湯內 更有野菌碎,口感非常豐富。

standuppasta
如果不想立食,店舖亦有少量座位提供。

西班牙黑毛豬手打意大利闊麵 $68(包餐湯或咖啡)

手打闊麵
由麵團變做麵條製作需時,因此每日只出售20份。
火炭_Stand Up Pasta_西班牙黑毛豬手打意大利闊麵
手打闊麵夠爽口,而且麵條不會黏在一起,番茄味清新,黑毛豬肉質彈牙,足料又飽肚。

意式欖油辣蒜片配⼤⻁蝦天使麵 $78(包餐湯或咖啡)

火炭_Stand Up Pasta_意式欖油辣蒜片配大虎蝦天使麵
天使麵條幼細煙韌,大虎蝦新鮮夠大隻,蒜香味重, 十分惹味。

露筍自家香草醬意大利飯 $68(包餐湯或咖啡)

火炭_Stand Up Pasta_露荀自家香草醬意大利飯
每星期都會推出一款素食,露筍意大利飯配自家調配香草醬,謝絕味精,夠健康。

英國奇味汽水 $20/支

呢度仲有好多來自英國國飲品,味道非常奇特,鍾意試新嘢的朋友可以挑戰吓。蒲公英牛蒡汽水,味道像京都念慈菴加可樂,非常特別。而玫瑰味檸檬汁,比普通檸檬汁甜,有淡淡玫瑰味,但甜度剛剛好。

火炭_Stand Up Pasta_英國汽水
由左至右:檸檬汁、古法可樂、玫瑰味檸檬汁和蒲公英牛蒡汽水

英國果汁 $18

火炭_Stand Up Pasta_英國果汁
午餐可以加$10配果汁或汽水。
(由左至右:蕃茄汁、梨汁、接骨木花汁汽水、草莓檸檬汽水)
Stand Up Pasta
地址:火炭山尾街19-25號宇宙工業中心地下D1舖(顯示地圖
營業時間:星期一至六 10:30-17:00;星期日休息
電話:2191 0128

2. 教你DIY卡通熱香餅

早前有介紹過,呢間Lov Lov Coffee推出平民價學拉花咖啡,宜家仲有得自製卡通熱香餅,想整咩公仔都得,整完仲可以好好品嚐自己嘅作品,畀忙碌都市人嚟到輕鬆吓、減減壓。

唔想食熱香餅,仲可以試整鯛⿂燒和3D立體公仔咖啡,鯛⿂燒有朱古力同芝士兩款口味,而咖啡可自選鮮奶咖啡、牛奶朱古力、綠茶鮮奶和紫薯鮮奶4款口味。店主仲會好用心教你每一個步驟,非常細心。

玩完一輪仲可以留喺度慢慢歎,兩位店主都非常好客,而且環境舒服,食吓嘢傾吓計,一流!

⾃製雪糕卡通熱香餅$58

火炭_笠笠咖啡_自製雪糕卡通熱香餅
首先,要畫出卡通公仔的外形。
lovlov2
熱香餅變金黃色後,再將卡通公仔填滿。
火炭_笠笠咖啡_自製雪糕卡通熱香餅
梳乎蛋熱香餅大功告成!

自製雪糕鯛⿂燒 $55

火炭_笠笠咖啡_自製雪糕鯛魚燒
鯛⿂燒製作過程比較簡單易學。鍾意食甜d可以選擇朱古力味,芝士味則比較淡。

自製3D立體公仔咖啡 $65

火炭_笠笠咖啡_自製3D立體公仔咖啡
3D立體公仔咖啡製作時要非常專心,因為畫公仔步驟十分仔細。紫薯鮮奶由新鮮紫薯製成,紫薯味非常濃郁,味道不太甜。
火炭_笠笠咖啡
放假約成班friend嚟玩吓hea吓,都係一個唔錯嘅選擇。

Lov Lov Coffee
地址:火炭坳背灣街41-43號安華工業大廈4B室(顯示地圖
電話:94683617
營業時間:星期一至三:10:30-6:30pm;星期五:12-8pm;星期六、日及公眾假期:12-5pm
Facebook:http://www.facebook.com/lovlovcoffeestorepage

3.少女最愛 超治癒癒花茶

行到入嚟呢間瑜茶舍,望到以白色為主、簡約純樸的設計,空間感非常大,已經有一種遠離繁囂的感覺,非常舒服,慢慢飲返杯茶,成個人即刻放鬆哂。

呢度茶的種類很多,女生可以揀茉莉金花茶,因為可以望住茉莉金花慢慢喺水中開花,非常治癒,而且味道帶點甘香,聞到淡淡花香仲可以鬆弛神經。如果諗唔到飲咩茶,店主要拎各種茶葉為你一一介紹講解,視乎你的口味,睇你適合飲咩茶。

以免太逼太焗促,茶舍最多只能容納16人,店主指假日比較多人嚟,經常滿坐,有時更會舉行茗茶會,所以都要睇你嘅彩數喇。

火炭_瑜茶舍
茶舍面積雖然不算大,但店內簡約的設計,令空間感非常大。
瑜茶舍_店主
店主不時會舉辦茗茶會,教人茶道,分享品茶心得。

茉莉金花茶 $65/位

火炭_瑜茶舍_茉莉金花茶
茉莉金花由人手束成,金黃色茶湯帶點甘香,更聞到淡淡花香,有助鬆弛神經,而呢款茶只可以沖一次,因為加水會將花沖散。
瑜茶舍
睇住朵花慢慢開,真係好療癒。

生普洱 $85/位

火炭_瑜茶舍_生普洱
生普洱比大家在茶樓飲開的普洱茶湯顏色較淡,味道亦不算濃,易入口,有少許苦澀。
白牡丹 連茶點 $130/位

火炭_瑜茶舍_白牡丹
白牡丹屬白茶,淡金黃色茶湯,清醇微甜帶花香。而茶點包括秋葵、紅棗合桃和杏仁酥。

中國茶 x 西餅

茶舍每個周末都會同不同餅店crossover,上星期有綠茶糯米糍仙人掌蛋糕,非常受歡迎,想知會有咩蛋糕就要留意佢哋facebook page喇。

yuteahouse

買茶葉返去 慢慢再嘆過

飲完茶想再回味,可以另外買茶葉返屋企,一盒茶葉價錢由$98至$300不等,而茶餅價錢由幾百元至幾千元,視乎你想要邊款茶葉。

火炭_瑜茶舍_茶葉

瑜茶舍
地址:火炭坳背灣街33-35號世紀工業中心14樓B室(顯示地圖
營業時間:星期一至日 11:00-18:00
電話:2359 3988

4.性價比高All Day Breakfast

平時出街食個All Day Breakfast閒閒哋都要$100,拾悦咖啡嘅全餐$80有找,仲包你凍飲一杯,味道絕對唔伏,仲有驚喜添!All Day Breakfast一共有5款,可以按照自己饑餓程度去選擇,最豐富有8款食物,有沙律、野菌牛乳滑蛋、香草雞扒、火腿、煙肉、雞肉香腸、茄汁豆和牛角酥。炒蛋做得最出色,蛋夠香而且炒得非常滑,雞扒肉質嫩滑,夠入味,煙肉肥瘦剛好,亦都好juicy。但要留意,All Day Breakfast只在每日下午3點3至6點供應。 另外,店舖可以單點牛角酥,可配牛乳滑蛋煙肉、吞拿魚洋蔥沙律、牛乳鹹牛肉滑蛋、煙三文魚、巴馬火腿,連雪糕都有。記者當日去到已經賣哂,可想而知呢度嘅牛角酥係幾受歡迎。

火炭_拾悦咖啡
Cafe位於商場內,座位不算多,午飯時間更坐滿人,仲要排隊等食lunch。
火炭_拾悦咖啡 1
店內有落地玻璃設計,食嘢時可以欣賞出面環境,休息一下。

Full breakfast $76(包凍飲一杯)

火炭_拾悦咖啡_fullbreakfast
炒蛋味道有驚喜,蛋夠香而且炒得非常滑,而雞扒肉質嫩滑,夠入味。因為牛角酥賣哂,所以用牛油多士代替。

牛角酥配牛乳滑蛋煙肉 $39

#牛角包配滑旦lol TakShing Wong(@tsswong_stanley)張貼的相片 於 張貼


小食併盤(一份)$49

火炭_拾悦咖啡_小食拼盤
小食拼盤有薯角、餃子、蜜糖雞翼、蒜蓉包、雜菜沙律。雞翼甜而不膩、薯角和餃子都炸得很香脆,但蒜蓉包略嫌不夠脆口。

日式咖喱煙鴨胸飯 $62(包凍飲一杯)

火炭_拾悦咖啡_日式咖喱鴨胸飯
日式咖喱有紅蘿蔔、薯仔做配料,咖喱少甜不辣,鴨胸肉夠厚身爽口。
拾悦咖啡
地址:火炭山尾街18-24號沙田商業中心1樓16號舖(顯示地圖
營業時間:星期一至六 8am-9pm;星期日 11am-9pm
電話:2750 3533

5.銀髮送上環球素食

支持長者就業的社企銀杏館,4年前於火炭開辦餐廳 「華麗冰室」,在工廠區做大眾化食堂,滿足一眾打工仔口味,但近日毅然轉營為全素食館。

餐館本月正式開業,是該區首間全素食餐館,繼續由銀髮軍做侍應,送上近20款多國菜,包括中、日、韓、 越、西式,而「是日精選」則是天天新款,講明全部不落味精。跟餐自家煲靚湯可於半自助bar 枱免費再添,加$5還可任飲飲品,不少打工仔皆為了杯抵飲即磨咖啡而來!

食材方面,因應時節,部分來自旗下「樂活有機農莊」,例如椰菜、蘿蔔、生菜、油麥菜等,想知當日有什麼新鮮時令蔬果,一入門口的小木桌上就有樣本展示。農莊同樣由長者經營,由farm to table,都由一班活寶為你送上,款款都是良好佳品!

餐廳可看到山景,新裝修 以木為主,簡潔清新,而 椅子蓋上椅套重用,環保 抵讚!
餐廳可看到山景,新裝修以木為主,簡潔清新,而椅子蓋上椅套重用,環保抵讚!

樂活素漢堡配有機沙律菜 $68

樂活素漢堡配有機沙律菜 $68
自家秘製醬汁,菠蘿經烤製,香口juicy ;而薯菜是連皮烤焗,亦較健康。

越式春卷撈檬配自家製漬菜 $48

越式春卷撈檬配自家製漬菜 $48
春卷鬆脆香口;另外記者最愛其細節﹕素魚露用上有機辣椒,而亮眼點是上面的蘿蔔花,是自家醃漬有機蘿蔔,開胃清新。

地道薑粒菜脯炒飯配港式蜜味素叉燒 $55

地道薑粒菜脯炒飯配港式蜜味素叉燒 $55 炒飯甚有驚喜:用五穀米加入菜脯、紅蘿蔔、 西芹、粟米及本地種薑粒,口感豐富。
炒飯甚有驚喜:用五穀米加入菜脯、紅蘿蔔、西芹、粟米及本地種薑粒,口感豐富。

店內士多設table to home

店內設「銀髮士多」,不時有多出的有機菜賣,而貨品一半是自家出品,另有餐廳所用的食材及配料如無蛋意粉、 橄欖油等,用膳後覺得啱口味的可以在此買走。

08 copy

Untitled-1
有機鹹柑桔特價$168/250g、 甜醋有機紅菜頭 $58/250g、 自家製薑味曲奇試食價$25

 

華麗耆素
地址:火炭桂地街10-14號華麗工業中心406室(顯示地圖
營業時間:星期一至六11am-3pm
查詢:3996 8353

最新吃喝玩樂資訊