港男揸車返工大呻好後悔：貴過搭巴士5倍＋上下班要行多30分鐘 ｜玩樂熱話
廣告
唔少人都希望擁有自己的Dream car，期望可以自己揸車享受駕駛樂趣。不過日前有網民分享首次揸車返工的體驗，發現費用是乘搭公共交通工具的5倍，令他認為自己不適宜駕車上班，慨嘆「都係搭巴士」。
網民第一次揸車返工即後悔 費用係搭巴士5倍⋯
上下班要行多30分鐘 自嘲：都係搭巴士啦
樓主在FaceBook群組泊車優惠及收費情報區（香港）發文，指他第一次渣車返工，大清早就要起身準備，更指公司沒有停車位，樓主要將愛車泊在沙田愉翠苑的停車場中，然後步行15分鐘才回到公司，下班同樣要步行15分鐘返回停車場拎車，令樓主認為揸車返工不如想像中「爽」。
樓主初嘗揸車返工後，除了感到辛苦，更發現揸車返工的費用昂貴，是乘搭公共交通工具的5倍，還未計算行車的油費。停車場日間泊車索價95，而城門隧道來回又要$10，還未計算油錢。相反，樓主指乘搭43X巴士上班，來回車費不用$20，又可以在車上睡覺。放工後可以想去邊就去邊，毋須將車子駛回家。樓主慨嘆應驗群組金句「你都係撘巴士啦」。
網民：揸得車就唔好呻啦！
帖文一出隨即引起網民熱議，有網民認為「日泊95元已經好平喇喎」、「養車養得咁辛苦，做乘客比較適合」、「如果你公司無位泊，然後你最近既車場要行15分鐘，我建議都係唔好揸，只會辛苦自己」；亦有網民認為揸車係買私人空間，稱「揸車係我全日唯一私人空間嘅時候，我平時都坐係車，唔想上翻屋企」、「揸車係買私人空間，唔使同陌生人大脾貼大脾」。
亦有人認同樓主「好有同感，之前返工日日都揸，因為公司有位任泊，今年轉咗返觀塘，搭巴士好過，瞓又得，玩電話又得，仲爽！」
網民留言（圖片來源：FaceBook群組泊車優惠及收費情報區（香港））
網民第一次揸車返工即後悔的原因是？
費用係搭巴士5倍⋯更多詳情
為何不適宜駕車上班？
上下班要行多30分鐘更多詳情
圖片來源：電影《電影之神》截圖、《盲俠》劇照、FaceBook群組泊車優惠及收費情報區（香港）、資料或影片來源：FaceBook群組泊車優惠及收費情報區（香港）
