港女15分鐘起飛前登機被拒！怒轟地勤：點解唔叫班機等埋我｜網絡熱話

登機被拒強調自己並沒有寄艙行李冀地勤致電閘口「等埋佢」

事主在《香港討論區》以「國泰職員係咩態度？」發文，她乘搭國泰航空，在飛機起飛15分鐘前到地勤櫃台辦理登機手續，強調自己並沒有寄艙行李，問地勤「仲趕唔趕得切？」

地勤則不慌不忙地回應「趕唔切㗎喇，搭飛機唔同搭巴士呀！」事主不滿地勤沒有協助她趕上飛機之餘，更不憤地勤「仲講埋啲有骨嘅說話」，又認為地勤「可以即刻打電話畀閘口叫人等埋我但佢無咁做」。

事主發爛不離開 要地勤協助重新訂位

事主及後要改期飛，地勤用一張載有改期細節的字條交予事主，叫事主自行訂位，令事主怒火中燒，認為地勤「hea過公務員」，事主發爛不肯離開現場，地勤因此用櫃台的電話協助事主預訂改期的機位及發出登機証。

事主對上述事件怒罵國泰地勤，「既然國泰質素淪落如此，我以後唔搭CX，CX應該考慮炒班老屎忽，請過班新人，唔會識寸人，佢態度就係跟規矩辦事，唔好搞到佢咁，咁航空公司轉晒自助登機，唔好請人囉！」

網民圍攻事主 主張地勤無錯

事主發文當然以為其觀點會獲認同，卻反遭網民圍剿，「15分鐘你當搭巴士呀，你仲要過入境安檢，仲話打電話去架飛機等埋你？你邊位呀？有本事就自己買架私人飛機囉咁叻！」、「我會建議CX將你列入黑名單」；有網民更直言，「唔覺得地勤有問題」，也有網民半帶嘲諷地留言，「反省下自己先啦，尊貴的香港人」。

原文：

資料來源：香港討論區