menu
Sanrio

聖誕旅行準備!playpop x Sanrio旅遊系列 必搶可愛頸枕/收納袋

旅遊

廣告

聖誕假期就快到,人未放假,心已經飛咗去旅行啦!想沿途打卡更加開心,又點少得帶埋可愛嘅旅伴一齊出發?玩具「反」斗城獨家推出全新 playpop x Sanrio「Off to Travel」系列,Hello Kitty 同一班人氣好友已經換上期間限定嘅出遊新裝,化身多款超實用嘅旅行好物,陪你正式開啟 Holiday Mode!

長途機必備!陪你舒服出走兼隨時掃貨

去旅行搭長途機或者坐火車,最緊要坐得舒服,一個可愛嘅頸枕絕對係好幫手。今次系列嘅頸枕有齊 Hello Kitty、Kuromi、Cinnamoroll、Pompompurin 同 Hangyodon 五大角色圖案,配搭粉紅、紫、藍、黃同綠色等柔和色調,等你喺旅途中都可以舒服叉足電。

Sanrio (圖片來源:官方圖片)
(圖片來源:官方圖片)
Sanrio (圖片來源:官方圖片)
(圖片來源:官方圖片)

除咗休息,去旅行當然要瘋狂 Shopping!毛公仔匙扣連環保袋就最啱帶出街,平時係一個小巧可愛嘅角色毛公仔掛飾,打開就會變成印滿圖案嘅隨身袋,一物兩用,實用又可愛,去買手信或者日常外出都非常方便。

行李都要扮靚靚!搶眼配件輕鬆打卡

旅行嘅儀式感,由機場出發嗰一刻就開始!想行李箱喺行李輸送帶上一眼就認出,一定要換上搶眼嘅裝備。系列推出咗鮮黃色嘅行李帶,印滿 Sanrio 好友嘅出遊造型,為行李箱增添亮眼色彩。再配埋同系列嘅角色行李牌,粉絲可以按自己喜好揀選專屬旅伴,未到目的地已經忍唔住想打卡。另外仲有鮮黃色嘅主題護照套,每次喺機場攞本護照出嚟都零舍開心,完美為假期揭開序幕。

執行李變得超治癒!輕鬆收納旅行裝備

好多人覺得執行李好頭痛,但有咗靚靚收納袋就變成開心事!旅行收納袋以柔和色調配搭角色圖案,幫你將衣物同旅行小物分類整理得井井有條,打開個篋一目了然。如果係去週末小旅行,或者想帶定個袋去裝戰利品,摺疊旅行袋就係完美首選。袋身採用簡約灰色,配上亮黃色提帶同可愛角色圖案,帶住周圍去都輕鬆百搭。仲有一款亮黃色提帶環保袋,集合多位角色嘅可愛造型,無論係旅行買嘢定週末行街都好啱用。

Sanrio (圖片來源:官方圖片)
(圖片來源:官方圖片)
Sanrio (圖片來源:官方圖片)
(圖片來源:官方圖片)

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略、富士山28大景點、福岡自由行懶人包及東京自駕遊路線。

關鍵詞
旅遊
圖片來源:官方圖片

Close

投票支持你嘅心水食店,
即送可口可樂®或無糖可口可樂®汽水換領券!