韓文app
韓文app

實用韓文app推介!!! 4個手機app輕鬆學韓文

旅遊

廣告

想學好韓文又唔想駛錢學?今次推薦嘅4個 韓文app 操作簡單,容易上手,全部都有真人發音㗎。只要用手機下載以下幾個app,就可以輕鬆安坐在家中學好韓文,想學好韓文可以先從簡單嘅單字入手,慢慢累積自然聽得明韓劇講緊咩啦,到時想去韓國搵返個太陽的後裔就易如反掌啦!

1. 韓文app 單詞教學!準確掌握基礎字母

呢個app可以同時學習「字母」、「音節」同「字表」,仲有韓文鍵盤同測驗比大家試玩,click入去「字母」就可以母音、子音逐個睇!

 

「韓文101」app

「韓文101」app介面

app入面提供基礎韓文母音、子音嘅真人發音同寫法,可以隨時轉換頁面,仲有埋單字可以加深印象!背好基礎發音之後,可以試下click入右上角個剔到做個快速測驗!

完成測驗後會統計用咗幾多時間同成績,計返平均分,睇下自己有冇進步!

除左「字母」之外,click入去「音節」仲有得學發音原理同寫法,非常方便!

 

語言:繁體中文
系統:AndroidiOS
費用:免費

2.邊學邊寫!跟著教學試寫韓文

想學好韓文除咗聽都要識寫,「韓文發音」將韓文字母清晰分類,仲可以自己郁手寫同嘗試組合母音、字音,韓文速成冇難度!

「韓文發音」app

「韓文發音」app介面

除咗認識字音、母音,仲可以學埋拼寫韓文㗎!有真人發音聽返,click入去仲可以揀自己試寫,寫過一次自然印象更深刻啦!

有咗基本概念之後,可以試下挑戰幾個元音嘅基礎拼音!仲有進階嘅韓文複合詞、多音節詞等,輕鬆掌握韓文!

最後當然唔少得要學習主題單字,呢個app嘅單字教學以主題分類,可以一次過睇哂唔同顏色、唔同動物嘅韓文啊!
語言:繁體中文
系統:iOS
費用:免費

3.常用句式!遊走韓國必備句子

學完單字不如試下升級學下簡單對話啦!「Korean Lingocards」有齊實用嘅簡單會話,有埋羅馬拼音,配合真人發音十分容易上手,如果發音基礎比較弱嘅話咁樣學都係另一條捷徑嚟㗎!
 

「Korean Lingocards」app

「Korean Lingocards」 app介面

呢個app已經將常用短句分好唔同類型,按照自己唔同需要click入去就可以搵到想學嘅句子啦!

就咁學韓文照住讀似乎悶咗啲喎!呢個app特別之處在於要儲經驗值嚟解鎖下一個主題!每聽一次經驗值就會上升,要達到下一關要求嘅級數先可以click入去,咁樣就更加有動力聽多幾次,學好韓文啦!
語言:繁體中文
系統:AndroidiOS
費用:免費

4.融入韓國!進階句式輕鬆交談

想學更進階嘅韓文對話就可以用「學韓語」練習啦,去到韓國隨時遇到心儀對象都唔會口啞啞!學幾句問候語同餐廳嘅阿珠媽傾下計話唔定會有個折頭添㗎!

「學韓文」app

「學韓文」app介面

呢個app同樣分好類比大家揀,有啲比較深嘅句式可能要讀多幾次啦!如果只係記得一兩個字,可以click右上角search完整句子,萬一唔識都可以聽返真人發音,好快可以變成半個韓國人啦!

學定幾句到時去到同阿珠媽傾計又得,遇到心儀對象都可以講幾句打開話題,唔洗再指手劃腳咁雞同鴨講啦!

 

語言:繁體中文
系統:Android
費用:免費

最新吃喝玩樂資訊