韓國 夏日 美妝品
韓國 夏日 美妝品

空氣劉海+最潮唇妝+防黑頭 | 街頭直擊5大韓妹熱捧 韓國 夏日 美妝品

旅遊

廣告

明白大家都愛掃韓國護膚妝物,仲要未必係揀人人都知的大牌去追捧,反而好相信韓妹嘅真實用家反應。編輯部在弘大攔途截擊20歲以下嘅學生妹sss,睇睇佢哋最近又用緊咩人氣 韓國 夏日 美妝品 。

Text:CKL | Photo:Woody

01 | 擁有韓式空氣劉海:Staroll USB髮圈

韓式空氣劉海仲流行?係,熱潮係稍退咗,但係依然熾熱,人氣女團Blackpink的Rose全新MV〈As If It’s Your Last〉裡面首次嘗試空氣劉海造型,立即被人狂讚可愛,而且望落更年輕。

Blackpink MV YouTube截圖
Blackpink MV YouTube截圖

要keep住空氣劉海,一定要用髮圈,仲要係無時無刻得閒就用一用。韓國坊間有好多款USB髮圈,但據聞連EXID嘅Hani都用嘅「Staroll」最受歡迎。

「Staroll 髮圈」購自Olive Young
「Staroll 髮圈」購自Olive Young
髮圈有38mm同埋50mm大細圈選擇,只要捲住1分鐘已經有理想/你想嘅鬈度。
髮圈有38mm同埋50mm大細圈選擇,只要捲住1分鐘已經有理想/你想嘅鬈度。

「身邊個個朋友都係用呢個牌子,叉電時間只需要2-3分鐘,好方便。最重要係有50mm大圈選擇,令空氣劉海造型更加自然。」

大學生김이주 20歲
大學生김이주(20歲)

02 | 預防黑頭必備:COSRX白頭水

熱到死嘅夏天又係面油白頭黑頭蒲頭嘅季節,對女仔嚟講,有黑頭簡直肉酸過生暗瘡。所以响黑頭未成形前,已經用定產品預防,去白頭嘅專用護膚品。韓妹界最近大熱推介COSRX AHA7白頭水,只要敷响鼻頭上,約5分鐘洗走即可,一星期兩次,就可擁有白滑鼻頭。品牌強調成分係75%蘋果水、7%果酸成分Glycolic Acid,算係mild唔怕太刺激,但店員都建議不宜用得太密。

大型Aland專賣護膚品counter的都會見到。
大型Aland專賣護膚品counter的都會見到。

TGIF💆🏻

A post shared by COSRX official_for ALL💓 (@cosrx) on

「關於鼻嘅保養我哋全部女同學都會用COSRX AHA7;味道唔係太好聞,但勝在works,用完後好少會生白頭黑頭。」

大學生양현진(21歲)
大學生양현진(21歲)

碌碌碌的香體膏揮發性低,碌兩碌可以香半日。近日大熱嘅有TonyMoly年輕副線LABIOTTE(話說我覺得TonyMoly已經感覺好年輕),之前推出嘅酒樽形唇彩瘋魔韓國全城,新出嘅隨身小香膏都係用酒樽形,瘦瘦長長大過潤唇膏少少,放入袋易收藏。

雖然韓國香體膏有好多種,韓妹話揀LABIOTTE係因為佢強調無任何酒精成分,只用成分天然的基底油,敏感肌也一定用到。

香體膏有好多種,揀Labiotte係因為佢強調無任何酒精成分,只用成分天然的基底油,敏感肌一定用到。(available @弘大Labiotte專門店)
購自弘大LABIOTTE專門店

總共有4種味,韓妹推介呢款橙色Fine Fever係用柑橘油做基底;香氣好清新亦好突出,唔會俗氣。

Labiotte柑橘味香體膏
LABIOTTE柑橘味香體膏

「一系列香體膏香味都好清新,而且唔係用酒精成分,香氣可以keep好持久。搽响手臂內側或者手腕部位,每一個動作都會聞到香氣,好醒神。」

大學生박샘이 20歲:「一系列香體膏香味都好清新,而且唔係用酒精成分,香氣可以keep好持久。搽晌手臂內側或者手腕部位,每一個動作都會會聞到香氣,好醒神。」
大學生박샘이 (20歲)

04 | 金所炫代言勁斷貨唇妝:Peripera

Peripera系列唇妝,價錢平又多色揀,一直都係韓妹的心水,加上仲有10代人氣女星金所炫代言,更加受歡迎。Peri’s Ink Velvet今年SS全新5色一出即賣斷巿,我走咗幾間Olive Young先買到1支#15色Girlish Red。

金所炫代言以來,Peripera唇妝都勁斷貨,尤其桃紅色最難搶!
金所炫代言以來,Peripera唇妝都勁斷貨,尤其桃紅色最難搶!

搽嘅時候質感好水潤,但係得出嘅唇色係霧面感,最重要係持久6個鐘都唔甩色。

Peri’s Ink Velvet #15色Girlish Red唇妝(購自Olive Young)
Peri’s Ink Velvet #15色Girlish Red唇妝(購自Olive Young)

「Peripera肯定係我哋嘅心水唇妝品牌,每次出新色都會一窩蜂衝去買。顏色靚選擇多而且好顯色,最近嘅Ink Velvet身邊個個朋友都搶#13色Charming Coral,但好難買,成日斷貨。」

高中生김정은(18歲)
高中生김정은(18歲)

05 | 穴位按摩Mask:Mediheal面膜

Mediheal嘅Mask款式多又夠搞鬼夠噱頭,一直好受超級熱愛自拍嘅韓妹歡迎,老實講除咗噱頭其實佢哋嘅Mask又係幾works所以先受歡迎嘅。強調所有產品都係經皮膚科醫生測試,咁就可以保證安全啦。

近排最人氣一定係呢款布滿晒穴位按摩位置嘅Mask啦。一拎上手就見到好多點點,放上面後就跟住點點去按壓下當按摩舒緩下囉。怕位置唔啱最好係對好兩邊眉頭嗰兩點位置先放上面。

Mediheal穴位按摩mask
Mediheal穴位按摩Mask

「Mediheal的Mask好多花款,高中時的同學仔個個都會買來用,自拍夠噱頭嘛。呢款可以配合按摩穴位好好玩呀,有種一物二用感覺,係價錢貴少少不過都接受到。」

大學生이주연、임수빈、강세희(全部19歲)
大學生이주연、임수빈、강세희(全部19歲)

延伸閱讀:

空氣劉海+最潮唇妝+防黑頭 | 街頭直擊5大韓妹熱捧 韓國 夏日 美妝品