深圳火鍋7大人氣店推介！即叫即切溫體牛/ 新鮮現撈海鮮/ 養身雲南野菌湯底
深圳火鍋7大人氣店推介！即叫即切溫體牛/ 新鮮現撈海鮮/ 養身雲南野菌湯底
1. 汕頭八合里海記牛肉店
汕頭八合里海記牛肉店主打地道潮汕風味，最大賣點係即叫師博即切嘅溫體牛，牛肉質素及新鮮度有保證。專門食較為罕有少見嘅牛肉部位例如：吊龍伴、三花趾、牛樸肉、胸口膀等等…菜單亦有多款手錘牛丸任君選擇！而且價錢唔貴，全部都係人民幣¥28-48內有交易。啱曬一大班牛魔王過嚟狂食肉！
| 汕頭八合里海記牛肉店（水圍店） | |
| 地址 | 深圳市福田區水圍村178棟敬老院1-2樓 |
| 營業時間 | 上午11時至晚上11時 |
| 前往方法 | 深圳地鐵4、7、10號綫福民站D出口步行約5分鐘 |
2. 潤園四季椰子雞火鍋
食得清淡注重健康嘅朋友可以嘗試潤園四季椰子雞火鍋。招牌椰子湯底味道清新爽口，員工會在客人面前即場開椰子，用新鮮椰青水及椰肉做嘅火鍋湯底確保天然「零添加」，再配上肉質香甜嘅嫩滑文昌雞簡直是絕配～店內另一名物為臘味煲仔飯，米飯粒粒分明加上特製醬汁，分量足之餘更有脆脆鍋巴。
| 潤園四季椰子雞（卓越INTOWN店） | |
| 地址 | 深圳市福田區福華三路與金田路交叉口卓越intown3樓 |
| 營業時間 | 上午11時至晚上10時 |
| 前往方法 | 深圳地鐵1、4號綫會展中心站E出口步行約6-8分鐘 |
3. 杉姐老火鍋
鍾意食辣嘅你千祈唔好錯過傳統成都麻辣火鍋- 杉姐老火鍋，用上多種香料製成嘅正宗牛油鍋底辣度十足，加入任何食材都非常容易煮得入味。店內食品都非常打卡able：造型超得意嘅熊貓竹面及多款色彩豐富嘅特色甜品！
| 杉姐老火鍋（深圳總店） | |
| 地址 | 深圳市南山區南光社區南山大道1112號綜合樓1樓 |
| 營業時間 | 上午10時半至凌晨2時 |
| 前往方法 | 深圳地鐵11、12號綫南山站C出口步行約5分鐘 |
4. 芸山季·雲南野生菌火鍋
芸山季主打養身火鍋，湯底採用18種每天空運到店的不同雲南野菌包括：牛肝菌、白玉凝脂肝菌、雞油菌等等熬製而成，打邊爐前記得飲返幾碗先。而雞就選用雲南林間走地雞，肉質緊緻味濃，同菌菇味好夾！
| 芸山季·雲南野生菌火鍋（萬象城店） | |
| 地址 | 深圳市羅湖區書城路1號華潤萬象城三期5樓502號鋪 |
| 營業時間 | 上午11時至晚上10時 |
| 前往方法 | 深圳地鐵1、2號綫大劇院站C出口步行約5分鐘 |
5. 粵陳記煲仔粥（深圳首店)
粵陳記煲仔粥打破傳統粥水火鍋模式，採用一人一鍋的形式，客人可以走出座位自己挑選配各種食材！新鮮現撈海鮮、即炸豆品、手工肉丸、蔬菜菌菇…選擇豐富令人眼花繚亂， 每樣食材由人民幣¥5至56元不等，CP値高～清淡嘅粥水湯底更能帶出食材的原汁原味！
| 粵陳記煲仔粥（深圳首店) | |
| 地址 | 深圳市深圳寶安區建安二路164號 |
| 營業時間 | 上午11時至晚上10時 |
| 前往方法 | 深圳地鐵12號線流塘C出口步行約5分鐘 |
6. 珮姐老火鍋
長期排隊嘅重慶火鍋人氣店珮姐老火鍋，菜單有齊手切鮮牛肉、煙煙靭靭嘅鮮鴨血、脆嫩屠場鮮毛肚、千層肚等特色食材，配上炒完再發酵了240小時，味道濃厚嘅紅油鍋底，非常惹味啊～
| 珮姐老火鍋（福田直營店） | |
| 地址 | 深圳市福田區民田路138號城建購物公園北園150-152號 |
| 營業時間 | 上午11時至晚上10時 |
| 前往方法 | 深圳地鐵2、3、11號線福田B出口步行約12分鐘 |
7. 京莊·銅鍋涮
京莊·銅鍋涮主打正宗北京火鍋，一定唔可以唔叫嘅就係佢嘅羊肉，因為係從內蒙古自營牧場空運過來精選180天嘅羔羊肉，所以食起嚟非常之嫩滑冇騷味，怕食羊嘅人士可以一戰！
| 京莊·銅鍋涮（華僑城店) | |
| 地址 | 深圳市深圳南山區香山東街9號華僑城東部市場3樓303號 |
| 營業時間 | 上午11時至晚上10時 |
| 前往方法 | 深圳地鐵2號線僑城北站B出口步行約8分鐘 |
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
