打風假期
打風假期

對抗李氏力場打風假期 這些機會……@杜遊珍

旅遊

廣告

上星期8號風球捱唔過下晝,大家齊齊迫巴士返工,真係多得李氏力場宇宙級CP 值發功!次次要宣布停課停工,天文台都被插到體無完膚,鬼咩,本港勞工處守則建議「落波」後2個鐘內返工嘛,諗起好似好耐都未試過享用全日 颱風假期 。

撰文: 杜遊珍 | 相片 : 互聯網

香港就話有力場護航,其他地方遇上打風又有咩玩法?阿珍嘅台灣朋友仔就話,多數瞓之前就知道有無得放「颱風假」,因台灣政府寫明前一晚7至10時前就要發布停唔停課、放唔放假,如果天氣深夜轉差,最遲凌晨 4 時半前都要發布。相反日本就無咁爽,「颱風假」非老馮,唔少公司要求員工打風都要準時上班,更有人會租公司附近商務旅館過夜。睇完天堂與地獄,我哋天文台跟「科學準則」來決定停唔停、幾時停工,下次惟有繼續靠眾人念力留住個風啦!

我曾在大阪上班差不多7年,但是連一天颱風假也沒有。假設星期五有颱風,上班族星期四下班之後,直接去公司附近飯店住宿,早上走路上班。如果遲到,可能會被上司罵。(節錄自「色色的日本人的歐吉桑」FB)

台灣有不少討論指政府太早確定「颱風假」,很易「估錯」,上月颱風尼伯特侵襲,北部卻風雨不大,餐廳及戲院照開,有得玩唔玩咩?!