深圳串燒燒烤店5大推介 手臂粗瀨尿蝦/炭燒活鰻魚/即叫即開燒生蠔 附交通
廣告
深圳串燒燒烤店推介｜內地人氣連鎖餐廳「木屋燒烤」已經進軍香港開分店，其實深圳仲有好多各有特色又抵食嘅燒烤店！記者今次為大家整合咗5大深圳串燒店，每一間都啱哂約埋一眾好友邊吹水邊歎美食，有興趣即睇詳情。
深圳串燒燒烤店5大推介！手臂粗瀨尿蝦/ 炭燒活鰻魚/ 即叫即開燒生蠔
深圳串燒燒烤店推介｜1. 李記湛光蠔莊
李記湛光蠔莊故名思義招牌菜就係燒生蠔，老闆擁有自家嘅生蠔養殖場，所以全部蠔都經過嚴格挑選，新鮮之餘非常肥美！即叫即開配上秘製蒜蓉用炭火燒製，平均一隻只需人民幣¥6，CP值超高呀！
餐廳詳情
名稱：李記湛光蠔莊（深圳保利店）
地址：深圳市南山區海珠社區文心六路4號保利文化廣場B1-N114
前往方法：深圳地鐵11號綫後海站E2出口步行約5分鐘
營業時間：下午5時半至凌晨2時半
深圳串燒燒烤店推介｜2. 輝記炭燒海鮮
鍾意食海鮮嘅朋友仔千祈唔好錯過輝記炭燒海鮮！呢度基本上有齊常見嘅海鮮，每一款都係Mega Size：手臂咁大嘅爆膏瀨尿蝦、聖子王、九節蝦、加拿大生蠔⋯全部都非常新鮮之餘重要燒得啱啱外脆內嫩！
餐廳詳情
名稱：輝記炭燒海鮮（福田店）
地址：深圳市福田區南園路9號
前往方法：深圳地鐵1號線科學館站C出口步行約5分鐘
營業時間：晚上6時到凌晨12時半
深圳串燒燒烤店推介｜3.白玉串城·朝鮮族烤串
很多串燒店主打即叫即燒，而呢間白玉串城就主打「自己串燒自己燒」！大家可以將串燒放到枱上的自動旋轉火爐，串燒會自動燒之餘，更保證燒得夠均勻！
餐廳詳情
名稱：白玉串城·朝鮮族烤串（卓悅Intown店）
地址：深圳市福田區卓越intown商場2樓L215-217鋪
前往方法：深圳地鐵1、4號線會展中心站 E出口步行約6分鐘
營業時間：中午11時至晚上12時
深圳串燒燒烤店推介｜4. 豐豪燒烤
開業19年一直人氣高企嘅豐豪燒烤主打港式燒烤，菜單種類選擇勁多：桂花蜜汁雞翼、超大條章魚鬚、脆皮肥腸、砂鍋海鮮粥、泰式燒豬頸肉應有盡有⋯人均消費都只係人民幣¥150-200左右！
餐廳詳情
名稱：豐豪燒烤（福寧店）
地址：深圳市福寧街67號
前往方法：深圳地鐵7號線赤尾站E出口步行約8分鐘
營業時間：下午5時半至凌晨4時
深圳串燒燒烤店推介｜5.韓牛大叔炭火燒肉（君悅閣店）
一大班朋友約出黎想啤啤佢梗係要配翻餐韓式燒烤啦～招牌菜炭燒鮮活鰻魚有專人負責現殺再燒得金黃香脆、油脂飽滿，諗起都流晒口水！另有黑粉炸雞、拉絲芝士粟米、韓牛拼盤影相一流～
餐廳詳情
名稱：韓牛大叔炭火燒肉（君悅閣店）
地址：深圳市燕南路君悅閣9號
前往方法：深圳地鐵2號線燕南站A出口步行約3分鐘
營業時間：中午11時半至晚上11時59分
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：今天開心了嗎@小紅書、小精靈探店@小紅書、金金的日常@小紅書、瑪麗肉@小紅書、AA@小紅書
