瀧宴日本料理 – 銅鑼灣餐廳 必食自家製醬汁煮南非鮑魚
瀧宴日本料理｜瀧宴日本料理位於銅鑼灣Sugar+ 26樓，是一間高級日本料理餐廳，主打鐵板燒和刺身。餐廳擁有落地玻璃，可飽覽維港和維園美景，營造出浪漫氛圍。主廚精心設計的Tasting Menu包羅萬有，從南非鮑魚、季節刺身到美國頂級牛柳，每道菜都展現了日本料理的精緻和細膩。餐廳以新鮮食材和精湛廚藝聞名，為食客帶來視覺和味覺的雙重享受。人均消費約為$401-800，適合各種特別場合和慶祝活動。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
瀧宴日本料理 – 銅鑼灣餐廳 必食自家製醬汁煮南非鮑魚目錄
編輯精選推薦：
銅鑼灣日本菜推介2025 – 30間必食銅鑼灣日本菜：入口即溶京都姬牛/火炙黑毛和牛壽司/松葉蟹肉海膽炒飯
銅鑼灣午餐推介2025 – 30間必食銅鑼灣午餐：八色小籠包拼盤 / 50cm巨型海鮮鍋 / 芝士焗龍蝦
銅鑼灣晚餐推介2025 – 30間必食銅鑼灣晚餐：入口即溶京都姬牛 / 醬油蟹配50cm巨型海鮮鍋 / 蜂蜜黃油炸雞
銅鑼灣下午茶推介2025 – 30間必食銅鑼灣下午茶：醬油蟹配50cm巨型海鮮鍋 / 極上澳洲和牛壽喜燒 / 芝士薯條配雙層牛肉漢堡
銅鑼灣宵夜推介2025 – 9間必食銅鑼灣宵夜：椰子雞湯底火鍋 / 開心果沙冰 / 姚姚酸菜魚
瀧宴日本料理銅鑼灣 | 預約電話/地址/交通一覽
瀧宴日本料理｜餐廳介紹 鐵板燒/日本料理/維港景觀
瀧宴日本料理的菜單充分展現了日本料理的精髓和創新。自家製醬汁煮南非鮑魚是餐廳的招牌菜之一，鮑魚鮮嫩多汁，醬汁味道濃郁，令人回味無窮。季節刺身拼盤包括油甘魚、鯛魚和吞拿魚赤身，每一片都新鮮肥美，入口即化。野生生猛龍蝦肉質彈牙鮮甜，配上龍蝦膏更是濃郁可口。美國頂級牛柳則是另一亮點，肉質軟嫩多汁，搭配特製海鹽和蒜片，口感層次豐富。香煎鵝肝伴自家製醬汁外脆內軟，黑醋醬汁的微酸完美平衡了鵝肝的油膩。餐廳還提供創新的吞拿魚蓉米餅，將傳統壽司與創新元素結合，為味蕾帶來驚喜。建議預訂Tasting Menu，體驗主廚精心安排的多道菜式，感受瀧宴日本料理的精湛廚藝和用心。無論是商務宴請還是浪漫約會，瀧宴日本料理都是絕佳之選。
瀧宴日本料理｜網民食評
瀧宴日本料理食物質數、環境及氣氛如何？根據Google評論，目前瀧宴日本料理總平均分數為4.4星，看看網民如何評論瀧宴日本料理吧！
Eatingirls的食評：
去咗銅鑼灣Sugar+ 26樓嘅瀧宴日本料理食鐵板燒，真係超級滿足呀！😍 環境真係一流，落地玻璃可以飽覽維港同維園嘅景色，真係好靚！✨餐廳裝修都好有心思，燈光柔和，氣氛浪漫💕講返食物，我哋叫咗個Tasting Menu，真係道道都精彩！😋首先係自家製醬汁煮南非鮑魚，鮑魚好腍好入味，個醬汁少少辣，好惹味！跟住季節刺身3款，新鮮肥美，入口即溶！金鎗魚腩手卷用餅代替紫菜，好特別！師傅調味得啱啱好，金鎗魚腩蓉入口即溶，真係好正！👍🏻 茶碗蒸好有驚喜，好多蟹肉，蛋味香濃，好滑！季節吸物係蜆湯，清甜鮮美，好滋潤！主菜方面，野生生猛龍蝦龍蝦肉爽口彈牙，令人回味無窮！🤤 香煎鵝肝伴自家制醬汁鵝肝煎得外脆內嫩，油脂豐富，入口即化！個醬汁甜甜哋，好夾！美國頂級牛柳可以揀厚燒或者薄燒，我哋兩種都試咗，厚燒口感豐富，薄燒就比較嫩滑，各有千秋！跟住係煙肉香蒜炒飯，粒粒分明，好香口！最後嘅炒什菜同甜品都好出色！總括嚟講，瀧宴日本料理無論係食物、環境定服務都無可挑剔！💯 師傅手勢一流，食材新鮮，每道菜都好有心思！真心推薦俾大家！💖#瀧宴日本料理 #鐵板燒 #銅鑼灣美食 #香港美食 #相機食先 #foodie #hkfoodie #omakase #日本菜 #高質 #推介\
餐點：5/5|服務：5/5|氣氛：5/5
Jasmine Yuen的食評：
男朋友生日前夕上咗嚟間餐廳慶祝，Openrice見到佢個tasting menu好吸引，一個menu咩都有哂：魚生刺身，鮑魚，龍蝦，鵝肝，牛柳，係慶祝生日嘅好地方。然後去完真係冇令我哋失望！佢哋每一道菜都展示咗廚師嘅用心同日本料理嘅細膩，無論係食材質素、烹調手法定擺盤，都係一場視覺同味覺嘅饗宴。佢哋餐廳服務都做得好周到，上菜速度快。Wow! 第一道菜就食鮑魚，太奢華了吧！南非鮑魚選用咗醬油底嘅自家製醬汁長時間慢煮，令鮑魚充分吸收咗醬汁嘅鹹香，入口鮮甜而有嚼勁。配搭嘅蘿蔔亦同樣吸收咗醬汁嘅精華，柔軟而入味，作為開場菜式，呢道菜係非常好嘅開始。🐚🍢季節刺身係由油甘魚、鯛魚同吞拿魚赤身組成。每款魚生都係當季最鮮美嘅選擇，油甘魚脂肪分佈均勻，入口即化；鯛魚清淡爽口，肉質細緻；吞拿魚赤身則富有彈性而無過多油脂，味道鮮甜。呢個刺身拼盤擺盤精美，魚生新鮮度極高，絕對係日式料理中不可或缺嘅部分。🍣🐟吞拿魚蓉米餅嘅呢道菜比咗我好多驚喜！將傳統嘅壽司飯同吞拿魚蓉結合，並搭配特別嘅米餅，整體口感層次超級豐富！吞拿魚蓉配上蔥花，味道清新。好特別嘅係，呢度用嘅鹽係用米粉製成，呈片狀，係一道非常有創意嘅點綴，鹹味恰到好處，令人覺得非常新鮮有趣。🍘🍚海鮮茶碗蒸嘅蒸蛋質感絲滑，內裡有本菇同白果，增添咗口感嘅層次。而醬汁係用蟹肉同蟹汁製成，鹹度適中，帶有濃郁嘅鮮味。每一口都充滿咗海鮮嘅香氣，非常適合作為一個輕盈但味道豐富嘅中段菜式。🥚🦀季節吸物係蜆清湯。呢道蜆清湯非常鮮甜，湯底清澈，充滿咗蜆嘅鮮味，係令我覺得自己去咗日本嘅感覺！呢個湯不但平衡咗前面刺身同煮物嘅口感，亦為後續嘅重口味菜式做好咗準備。蜆肉嫩滑，湯底嘅鮮甜讓人一試難忘。🍲🐚野生龍蝦係呢餐嘅重點之一，龍蝦肉質非常彈牙又鮮甜，佢哋真係煮之前喺水缸嗰度拎龍蝦，現點現劏。廚師特意將龍蝦膏同龍蝦肉一齊炒，令味道更加濃郁。整體口感豐富而唔會過重，龍蝦膏嘅香氣充滿咗每一口龍蝦肉，驚艷了我！🦞🔥香煎鵝肝用咗自家製嘅黑醋醬汁，鵝肝煎得外脆內軟，口感非常豐富。鵝肝本身非常肥美，入口即化，而黑醋醬汁帶有輕微嘅酸味，恰恰中和咗鵝肝嘅油膩感，令整道菜變得更加平衡。呢道菜絕對係高級料理中嘅一大亮點。🍴🦢美國頂級牛柳我哋叫咗五成熟，上枱嘅時候熟度剛剛好。牛肉口感超級軟嫩，入口即化，帶有好濃嘅牛味，真係頂級嘅味道！肉質非常鮮嫩不特止，仲充滿咗肉汁，每一口都係極致嘅享受，唔捨得食哂佢！🥩🇺🇸煙肉香蒜炒飯作為一道副菜，炒得粒粒分明，煙肉帶有香脆嘅口感，蒜香撲鼻。呢個炒飯簡單但味道豐富，特別適合配搭較重口味嘅主菜。🍚🥓炒什菜主要係以芽菜為主，清脆爽口，同時帶有輕微嘅焦香味，中和吓之前比較重口味嘅主菜。🥬最後嘅甜品 – 抹茶紅豆布甸係一個完美嘅收尾，抹茶嘅微苦配上紅豆嘅甜，口感軟滑而唔會過甜。呢個甜品非常清爽，為整個餐單畫上咗一個完美嘅句號，令人食完後有一種舒適嘅滿足感。加埋一杯熱茶，perfect！🍵🍮我哋離開嘅時候都覺得好滿足，走嘅時候都決定唔到今餐最好食係咩，因為樣樣嘢都咁好味！佢哋無論係海鮮定肉類，每一道菜都充滿誠意。如果你鍾意精緻嘅日本料理，呢個品嚐菜單絕對係一次難得嘅體驗！\
餐點：5/5|服務：5/5|氣氛：5/5
Fish Tse的食評：
✨磯煮鮑魚, 鮑魚非常入味，而且好大隻，我本身都好鍾意食鮑魚，所以都幾鍾意呢一個煮法嘅鮑魚呢一個係日本嘅煮法喺出邊都好少地方可以食到. 而且餐廳喺鮑魚下邊加咗自家製嘅大根，口感都幾清爽幾好食！✨刺身三點，包括有池魚中拖羅同埋秋刀魚，而家秋天呢一個季節食就最好食，秋刀魚非常肥美，而且魚味濃郁又香, 鍾意食秋刀魚嘅朋友唔可以錯過！中拖羅非常肥美，而且油香非常豐富，我本身都非常鍾意食吞拿魚。覺得佢吞拿魚嘅質素同日本嗰啲簡直係一樣。加埋餐廳自家製嘅Wasabi， 正！✨香煎鵝肝。鵝肝嘅味道非常好食，而且絕對冇蘇，加埋多士同埋餐廳特別條配嘅醬汁，簡直係另一個層次，熱辣辣香煎鵝肝真係非常好食！✨美國頂級牛柳，時間方便控制得好好見到牛肉嘅肉身都係呈現出粉紅色睇得出餐廳喺烹調嘅時間控制得非常好，顯得廚師嘅功架！美國頂級嘅牛柳本身味道同埋肉質都非常鮮嫩，加埋餐廳粉紅色嘅海鹽。同埋干蒜片一齊食，令到成個口感更加多元化！✨野生龍蝦，餐廳用咗西澳龍蝦，非常新鮮係喺魚缸即刻拎出嚟，龍蝦用返本身龍蝦頭嘅膏去烹調出佢嘅調味，簡單嘅調味令到成個龍蝦嘅鮮味更加突出，龍蝦亦都非常爽口彈牙，食得出龍蝦，非常新鮮，我同朋友對呢一個龍蝦讚不絕口！✨炒飯，廚師非常細心問我哋使唔使走蒽因為我同朋友都唔食蔥，每一粒炒飯到粒粒分明，而且再加埋煙肉嘅香味令到成個飯嘅味道更加昇華！簡直係大滿足！\
餐點：5/5|服務：5/5|氣氛：5/5
新假期最新精選銅鑼灣餐廳推介
Bilibala Yakitori Bar – 銅鑼灣餐廳 必食厚燒牛舌
螢雪 – 銅鑼灣餐廳 滙豐銀行 HSBC信用卡最新飲食優惠 必食赤海膽
Takumi Mixology Salon – 銅鑼灣餐廳 滙豐銀行 HSBC信用卡最新飲食優惠 必食Yamanashi Guiyang Plum
新假期最新精選類似餐廳推介
瀧宴日本料理有什麼特色菜式推薦？
瀧宴日本料理的特色菜式包括自家製醬汁煮南非鮑魚、野生生猛龍蝦、美國頂級牛柳、香煎鵝肝伴自家製醬汁和季節刺身。餐廳的Tasting Menu更是包羅萬有，讓食客可以一次品嚐多種精緻日本料理。
瀧宴日本料理的環境如何？
瀧宴日本料理位於銅鑼灣Sugar+ 26樓，擁有落地玻璃，可飽覽維港和維園美景。餐廳裝修精緻，燈光柔和，營造出浪漫氛圍，非常適合約會或慶祝特別場合。整體環境高雅舒適，為食客提供愉悅的用餐體驗。
