香港新景點?!?! 油菜花海背後
時間：12:30pm
地點：沙螺洞村張屋士多對開
生態價值僅次米埔
前身是荒田的油菜花海，位於大埔東北的沙螺洞，這裡是高地峽谷，四周被高山環抱，溪流蜿蜒穿梭於樹林、灌木叢、草地和荒廢的稻田，形成了多樣性的濕地生境，更是全港最重要的蜻蜓棲息地。而於新自然保育政策下，其生態價值被評為全港第二高，僅次於國際重要的米埔內后海灣拉姆薩爾濕地。
漁護署新自然保育政策12個優先加強保育地點排名：
1. 后海灣拉姆薩爾濕地
2. 沙螺洞
3. 大蠔
4. 鳳園
5. 鹿頸沼澤
6. 梅子林及茅坪
7. 烏蛟騰
8. 塱原及河上鄉
9. 拉姆薩爾濕地以外的后海灣濕地
10. 嶂上
11. 榕樹澳
12. 深涌
「呢度將打造成世外桃源！」
當人人陶醉於花海中拍攝時，突然有把雄壯的聲音從遠處舊屋大叫：「紅衫嗰位，唔好踩入去花海，唔係得你一個嚟影！」這位正是「打造」這片花海的張記士多老闆張先生。
走入士多，看到張先生舉起手上兩大疊紙說：「這裡是香港唯一的油菜花田，我哋實質是造福香港市民，你睇下幾多市民認同，每日都有五、六百人嚟，我哋已經收集咗幾萬人簽名支持保留（花海），唔好講到我破壞。」
無論沿路入村， 或是士多前， 都早已掛滿白底紅字的Banner，有的寫著「慶祝沙螺洞玩完，地府收錢！」、「張家苦等三十三」、「養仔帶頭賣祖業」，明顯地這花海背後，並不只為打造「世外桃源」。
張先生續說：「我是沙螺洞村民權益會會長，我哋呢度畀一間公司收購咗，話幫我哋起返所有屋畀返村民住，一拖就40年，我由20幾歲等到60幾歲。佢哋現時想發展成骨灰龕，我極力反對發展，並打算將現有的土地，種晒花花木木，畀全香港市民嚟觀賞，打造沙螺洞成一個世外桃源。」他所說的收購，是村民早年將房產賣掉給沙螺洞發展有限公司，公司承諾興建高爾夫球場暨度假式物業，並替村民興建新居所，但計劃於2000年遭城規會否決。其後政府鼓勵公私合營保育項目，發展公司便改建議興建骨灰龕，並承諾對保育周邊生態，同時將所得利潤分給村民作一筆過現金補償，但遭村民及環團反對，現時仍在拉鋸角力。
不過種油菜花，為何會被說成破壞生態？原來美麗的腳下花田，原是一片濕地，是「自然保護區」及「具特殊科學價值地點」所保護地帶。而去年10月， 世界自然基金會（WWF）已發現有掘泥車將植被清除並翻土， 近日更變成了這片金黃花田。而將片濕地變成乾地，對村內的蜻蜓、螢火蟲的繁殖造成嚴重影響，若使用農藥或化肥種植，更會污染一帶溪水。
現場直擊！
為打龍可以去到幾盡？
網民反應：
油菜花事件後，唔少網民都在即時寫文解讀花田背後，或分享昔日走過的沙螺洞景像，其中建築師Bryan 寫的一編「青山下俗氣的一片鎘黃」就有過千人讚好及share；而攝影師Francis So 也上載了一張相片，命名「再見螢火蟲」。
環團點睇：
