有冇試過喺街頭見到佢哋拎住螢光棒跳舞呢🕺💫？

佢哋唔單止活躍喺香港本地舞台，仲喺高雄駁二光流祭御宅藝螢光棒舞蹈比賽中奪得最佳團隊獎🎖，為香港御宅藝寫下一個里程碑🎉！

御宅藝（又叫「打藝」）最初源自日本，係粉絲喺偶像演唱會應援用嘅舞步或者打call動作。但隨住文化演化，加埋大家嘅創新神技🔥。呢種由螢光棒加入舞步組成嘅應援藝術，已經成為一種獨立嘅視覺表演盛宴🎉！

而喺香港，「翼 – Elytra」係其中一個將御宅藝推到主流舞台嘅團隊，佢哋仲將「打藝」進化，變成結合音樂、舞蹈同燈光嘅專業表演✨

除咗經典嘅《Megu Megu Fire》等嘅日本神曲⚡️，「翼 – Elytra」仲推廣香港版本嘅打藝，好用心加入廣東音樂，打造屬於香港嘅打藝風格。例如佢哋曾經用Lolly Talk嘅《三分甜》設計「打藝」表演，呢條短片喺Instagram上爆紅，成功抓住大家眼球🤩

希望「翼 – Elytra」未來會帶到更多精彩表演俾大家睇！📣 期待佢哋愈來愈多嘅舞台呀💪🏻！
受訪者︰翼 – Elytra @elytra.wotagei
（Sachi、誠、Maru）

在 Instagram 查看這則貼文新假期 Weekend Weekly（@weekendweekly）分享的貼文