「上到車」都要避開隱藏開支！買火險識格價供樓30年慳到15萬｜東張西望

Mar 8 2023

最近樓市升溫，不少準業主都心郁郁想上車！但對於樓宇結構的安全保險就未必人人都知！《東張西望》就進行街訪，發現市民對火險認知度不足，更就指出，有人更換保險公司買火險，每年保費前後相差達 $5,100，如果供樓供30年咁計，可以慳10幾萬！立即睇睇點買火險先夠精明！

火險普遍市民對火險有誤解，以為只對火災所做成的損失有保障。 — 普遍市民對火險有誤解，以為只對火災所做成的損失有保障。

甚麼是火險？

買樓一闊三大，除了首期，當中更有大量衍生的開支，印花稅、律師費、保險等等一大埋，計計埋埋都要額外預多一百幾十萬。當中火險就是必不可少的項目之一，每個業主向銀行申請按揭貸款時都必須購買，跟銀行買還是自己上網買的保障分別不大，都是保障樓宇結構因火災、水浸或其他天災所引起的損毀。

火險不少新手業主都會貪方便，做按揭時會跟銀行一併購買火險，但跟自己上網買的火險保障其實差不多，但保費可以有很大差異。 — 不少新手業主都會貪方便，做按揭時會跟銀行一併購買火險，但跟自己上網買的火險保障其實差不多，但保費可以有很大差異。

3大投保額計算方案大不同

簡單來說，火險的投保額計算方案有 3個，分別是物業重建價值費用、原有按揭額以及尚餘按揭貸款額，普遍用尚餘按揭貸款額計算較便宜。

火險基本上火險只為通過銀行按揭的要求，自然愈平愈好。如果識格價，自行購買，長遠的確可以慳唔少！ — 基本上火險只為通過銀行按揭的要求，自然愈平愈好。如果識格價，自行購買，長遠的確可以慳唔少！

自行購買火險業主：一年相差 $5,100

以往近9成受訪者都係貪方便跟銀行買火險，隨著市場出現了不少虛擬保險公司，愈來愈多人選擇自己上網投保火險。根據最近 OneDegree 的調查發現，近一半受訪者投保後，火險價錢與之前跟行或者中介人購買相差近一倍，所以業主應該在購買火險前多做資料搜集，以降低長遠開支！

火險 OneDegree共同創辦人郭彥麟表示有客人向銀行借貸 300萬，分 30年供，銀行火險為借貸額 0.2%，一年保費達 $6,000。轉保險公司後，火險保費只是 $900，每年保費前後相差達 $5,100。以供樓 30年計算，保費最多慳了15萬！ — OneDegree共同創辦人郭彥麟表示有客人向銀行借貸 300萬，分 30年供，銀行火險為借貸額 0.2%，一年保費達 $6,000。轉保險公司後，火險保費只是 $900，每年保費前後相差達 $5,100。以供樓 30年計算，保費最多慳了15萬！

銀行營運守則列明，不會要求業主一定要跟銀行或銀行建議的保險公司購買，即是說，業主絕對有選擇的權利。少數怕長計！業主們買火險之前千萬不要貪方便，記得上網比較清楚價錢，以最合理價錢，換來最大保障！

關鍵詞

火險買樓入市業主

圖片來源：東張西望