​​【出發旅行前必睇！】港鐵推出機場快綫優惠！雙重乘車優惠＋打卡精選

王菀之聲演機鐵仔 陪大家興奮「出發」

由王菀之聲演嘅機鐵仔首度推出單曲《飛得去旅行》，歌曲改編自黎明嘅《眼睛想旅行》，唱出大家嘅興奮心情，歌曲會喺機場快綫車站內播放，無論係去程定回程，都有機鐵仔陪你興奮「出發」！如果想隨時感受到旅行嘅喜悅，仲可以上YouTube即時收聽歌曲！

即聽《飛得去旅行》：https://youtu.be/PTvUfpv1UnE

想同家人朋友分享飛得去旅行嘅喜悅，最直接梗係send張WhatsApp Sticker曬下命啦！機場快綫最近亦推出咗「飛得去旅行WhatsApp Sticker 」，可愛活潑嘅機鐵仔化身Sticker，講出不同生活化句子，啱晒經常用WhatsApp嘅大家，快啲上MTR Mobile Download啦！

優惠第一彈 — 小童免費 長者半價乘車優惠

港鐵再次推出長者及小童乘車優惠，一家大細出行就啱晒喇！由2022年12月16日至2023年1月29日，乘搭機場快綫由香港站、九龍站或青衣站往返機場，3至11歲持有效小童八達通嘅小朋友可享免費乘車優惠，而65歲或以上持有效長者八達通或樂悠咭嘅長者則可享半價八達通車費優惠，咁無論小朋友定長者都可以享受舒適嘅乘車體驗！

優惠第二彈 — 機場快綫 x 預約的士平台etaxi 提供的士來回轉乘優惠

趕唔切上機係旅行惡夢！想輕輕鬆鬆出發？MTR Mobile幫到你！機場快綫將與預約的士平台etaxi合作，由2022年12月16日至2023年6月30日，提供一站式購票兼預約的士服務，方便大家由港九新界往來機場快綫站，而家仲有轉乘優惠添！

由市區出發往機場時，只要經 MTR Mobile 跳轉至etaxi預約的士前往香港站、九龍站或青衣站，即可以7折購買機場快綫成人及小童單程票前往機場站。

去完旅行成身散晒，唔通仲要排隊同人迫？唔使煩～只要經etaxi以正價購買機場快綫成人及小童單程票由機場站出發，並預約的士由香港站、九龍站或青衣站前往目的地，即可賺取30%車票等值之的士車費回贈以扣減的士車資，仲可以喺指定「預約的士上客區」上車，唔使再排隊等的士！

機鐵仔主題列車＋精品套裝 啱晒鐵路迷打卡兼收藏！

鐵路迷有福了！機鐵仔列車登場喇！由2022年12月16日開始，一架以機鐵仔為主題嘅機場快綫列車將會投入運作，每節車卡佈滿得意可愛機鐵仔圖案，乘客一上車就可以同機鐵仔打卡留念！

而機鐵仔作為機場快綫旅遊大使，於2022年12月20日至24日亦會喺香港站、九龍站同青衣站快閃現身，派發限量版精品套裝，有齊出門必需防疫裝備，先到先得，送完即止！記得寫低日子過嚟同機鐵仔影相加攞禮品喇！

想知更多優惠詳情，即上MTR網站：

https://www.mtr.com.hk/ch/customer/main/ael-travel-again-promotion.html

(Presented by MTR)