【慳錢懶人包】 杏花新城 運動專區嚴選30件至抵產品 實行型在起跑線 @Jetso文

而家港島區都有outlet行喇,交通方便得多! 杏花新城 2個月前已翻新,打造成一個佔地43,000呎嘅運動專區,引入近30個品牌(如adidas、Converse、Descente Shop、New Balance、Nike、Under Armour等),既有專業之選,亦不乏多個潮牌,連同名設計師crossover嘅系列都有。

(Presented by Paradise Mall)

攝影:東

呢度大部分店舖以7折或以下發售,有啲店舖嘅至抵產品更玩日日轉款(或每個禮拜轉款),隨時有驚喜著數!花多眼亂唔知點揀?Jetso文率先踩場睇過,搵咗30件至抵產品,部分更低至2折!入場前一定要刨定呢個懶人包,仲要download埋手機app「Smart Fit Paradise」,儲夠積分攞埋禮物。

型人心水、潮人必逛

以下介紹嘅4個潮牌,都係全店7折。adidas除咗有經典嘅三間款,仲有潮人最愛嘅梅花Originals系列,買2件仲額外有8折,新款產品近至今年夏季新品都有,依家買嚟著都唔out。Converse除咗係全店7折,仲玩「Daily Special」,每日轉新款以35折發售,真係心心眼!11月30日前買滿$500更送$100優惠券。Descente Shop網羅Descente、le coq sportif、Munsingwear等牌子,要搵潮牌或outdoor服飾如滑雪服飾呢度買真係抵。巴西人字拖品牌Ipanema專門店,全港只此一間,部分鞋款仲有半價。

 

 

 

 

 

 

 

 

 

 

 

 

 

 

型在起跑線上的專業之選

Free Running Pro直情係跑步同跑山裝備嘅總匯,ASICS、Hoka One One、Salomon、Mizuno等專業級品牌都有,連行山補給食品都可買到,運動服和運動鞋買2件有正價8折優惠。Under Armour呢間outlet店集齊全線產品,包括跑步、足球、籃球、健身等運動裝備,連哥爾夫球服、功能內衣同小童運動衫都有,全部7折或以上。

 

 

 

 

 

 

 

 

 

 

 

做個健康型人

Skechers嘅運動鞋同悠閒鞋全部以舒適為主,近年嘅新款愈來愈潮,仲搵埋韓國人氣組合EXO出任亞太區代言人,潮人定必忍唔住入手。全店以2至8折發售,有唔少2、3折產品仲係boot款,入冬必備啦!Holos新活方專賣保健、按摩及復康儀器、用品及補健食品,坊間嘅公價貨品呢度部分會有8或9折,值得直接嚟呢度選購。

 

 

 

 

 

 

 

杏花新城 「勁、型運動區」
地址:杏花新城東翼1樓(港鐵杏花邨站)(顯示地圖)
營業時間:11am – 10pm

最新吃喝玩樂資訊