「金至尊珠寶 X Peter Rabbit (比得兔™) 」降臨屯門V city 勁多限量優惠＋復活節必到打卡位！ @Miss Sunny

Mar 20 2018

又到復活節，點少得兔仔同復活蛋！諗起兔仔，唔少人都會諗起家喻戶曉嘅英國童話故事「Peter Rabbit ™ (比得兔™)」，故事中嘅比得兔最鍾意偷食蔬果，感覺活潑又頑皮。今個復活節，金至尊珠寶就將呢個經典故事帶嚟屯門V city，除咗發售超靚嘅全新「Peter Rabbit™ (比得兔™) 」系列足金、純銀等產品，仲有好多可愛嘅打卡位，喺指定日子仲可以見到限時店長陳嘉桓Rose，最啱同朋友去打卡呃like！

(presented by 金至尊珠寶)

必到打卡位：薰衣草田園影相區

一進入會場，唔單止有Peter Rabbit陪你影相，仲有一大片薰衣草田園靚景，當然要立刻selfie打卡先！

6個必搶真心推介！

除咗打卡之外，現場仲有好多「Peter Rabbit ™ (比得兔™)」嘅新品、限量品同優惠放送！

真心推介 1：限量版金章

第一款必搶嘅係「Peter Rabbit 連金章」限量版禮包，有約40cm珍寶比得兔毛公仔，送俾女朋友一定冧爆！仲有限量版「Benjamin連金章」禮盒首次喺展銷會率先發售，兩款都包含一個刻有比得兔經典造型嘅0.1克金章，別具收藏價值！

真心推介 2：超精緻「Peter Rabbit ™(比得兔™)」硬金琺瑯彩吊墜

呢個系列嘅硬金吊墜以「Peter Rabbit ™(比得兔™」故事中嘅經典造型為設計概念，可愛嘅立體款式配搭琺瑯彩顏色，而且仲刻有「PR」字眼，刻工精緻。佢嘅設計仲靈活多變，既可配襯頸鍊，亦可扣在手繩，配襯唔同造型，可愛得嚟又夠晒特別！

真心推介 3：「Peter Rabbit ™ (比得兔™)」足金路路愛積木手繩系列

鍾意Pastel色調嘅話，一定唔可以錯過呢款以積木為設計概念嘅手繩！足金積木上嘅圖案以「Peter Rabbit ™ (比得兔™)」故事情節嚟設計，例如比得兔嘅經典造型、比得兔最鍾意偷食嘅蔬果、喺叢林中起舞嘅蝴蝶等，童年回憶返晒嚟！

真心推介 4：「Peter Rabbit ™ (比得兔™)」The Silver Lining純銀系列

唔鍾意太花巧嘅話，純銀手鍊可能係你杯茶！佢以簡約設計為主，自由配搭精緻嘅比得兔、小動物同經典場景中嘅物件吊飾，戴上手鍊，就好似戴住一本故事書一樣，簡約又夢幻。

真心推介 5：「Peter Rabbit ™ (比得兔™)」The Golden Adventure足金擺件

金至尊珠寶今次仲特別推出咗三款Peter Rabbit足金擺件，當中包括園林花卉主題同蘋果樹小屋主題，仲有一款迷你版經典造型。三款都有可愛嘅Peter Rabbit足金擺件做主角，放喺屋企裝飾真係非常吸睛！

真心推介 6： Peter Rabbit精品推介

現場仲有一系列精美嘅Peter Rabbit精品出售：時鐘、水壺、陶瓷碗等等，每款都精緻又實用！

心心眼消息：「金至尊珠寶 X Peter Rabbit ™(比得兔™)」系列指定產品95折優惠！

展銷會場內仲有好多購物優惠：「金至尊珠寶 X Peter Rabbit ™(比得兔™)」系列指定產品有95折優惠；購買任何「金至尊珠寶 X Peter Rabbit ™(比得兔™)」系列產品滿HK$1,800，仲可以獲贈「Peter Rabbit ™(比得兔™)」陶瓷杯一隻（數量有限，送完即止），放喺office用一流！