梁思浩
梁思浩

MIRROR演唱會|梁思浩鬧足花姐半個鐘 炮轟高層認錢唔認人

影視娛樂

廣告

MIRROR紅館演唱會於7月28日第4場發生嚴重事故,李啟言(阿Mo)被懸掛的巨型屏幕跌下擊中受重傷。事件至今一個星期,除了COLLAR昨回應事件外,一眾VIU系高層則集體潛水,包括MIRROR的經理人花姐(黃慧君);而演唱會監製Fran9更以進入法律程序為促大眾收口,不過而梁思浩於8月2日主持網台節目《大家「真」瘋騷》時,談到該事件,終開火怒轟花姐︰「有一個人我覺得成件事係難辭其咎㗎,嗰個就係阿花!」

梁思浩 MIRROR
(圖片來源: youtube@大家真瘋Show影片截圖)

梁思浩大讚阿姐城城敢發聲 連登仔好勇敢

梁思浩、李思蓓和Mandy主持《大家「真」瘋騷》時談到MIRROR演唱會的慘劇,梁思浩提到在事件發生後,有幾位名人迅速發聲猶如英雄,分別是王貽興、「阿姐」汪明荃和郭富城;他說︰「有好多人都會避而不談,尤其圈中人,有時覺得好多圈中人為咗搵食,點解唔談論呢?費事得失人。」梁思浩又大讚連登仔敢發聲,指他們始終抓緊重點,就是要求VIU TV高層出來交待,他指現在事件發生這麼久,沒有一個人出現,又指人人都話唔關自己事,沒有一個人去願意承擔。旁邊李思蓓隨後又補充,佢哋(MIRROR)個演唱會為何有這麼多爭議,是因為門票收費「賣到爆晒飛」,絕對有呢個資源去做好個演唱會,而高層則無做過。

梁思浩 MIRROR演唱會 mirror 最後全場大合唱,場面感動。
MIRROR紅館演唱會上月28日發生嚴重事故,餘下八場騷被逼腰斬。(圖片來源:郭進榮攝)

梁思浩連珠炮轟一眾高層只識搵錢

梁思浩續說︰「我真係做過演唱會監製,我係有權對呢件事發言。第一,所有錢銀、所有嘅嘢都係由你控制嘅,即係話個演唱會賣晒飛㗎啦,你已經賺硬咗錢㗎啦,你條數已經返咗嚟,你加幾多嘢落去你唔係蝕住做啊嘛,你係賺住做啊嘛,但你賺住做你仲喺度慳。」他又說,「喺呢個危難中,有人會選擇沉默,或者逃避。甚至我成日都話如果你要做一個監製,你要做一個經理人,你哋搵緊錢㗎嘛,你哋點解唔肯有膊頭企出嚟,你要班細路仔去面對呢?嗰12個細路仔好慘喎。係啊!所以你話今次係咪要人出嚟交代呢?都咁多日啦。」

他又說:「我夠膽講一樣嘢,我都係俾人哋轟㗎喇,我一噏個名就俾人哋轟㗎喇,但係我唔怕嘅,我從來覺得係有嗰句講嗰句,你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」他又說︰「幫你搵錢㗎喎!你袋錢就袋落袋啦?」有網民見梁思浩落足力狠狠「插花」留言問:「153派你嚟嘅?」

梁思浩 MIRROR
(圖片來源:now新聞直播截圖)

梁思浩矛頭直指MIRROR的經理人花姐

梁思浩說:「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」梁思浩又說:「同埋你當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險,rehearsal有危險,你唔係新人嚟嘛,你做得監製,你錢就袋落袋,責任唔使你孭啊?呢個世界冇咁唔使找錢嘅午餐㗎!」

李思蓓之後也總結,12個小朋友係可以幫公司賺好多錢,她勸喻相關高層都要認清楚,「佢哋都係人嚟,唔好物化佢成為一個生財工具,呢啲小朋友係人嚟。」

梁思浩 MIRROR演唱會
(圖片來源:新Monday編輯部)

即睇片重溫:

魯庭暉監製Fran9舞蹈員昨到警署錄口供

據本地傳媒報道,MakerVille行政總裁魯庭暉昨日(4日)下午3時到達警署協助調查,而MIRROR演唱會監製Fran9(林浩源)及其中一名舞蹈員則於西九龍總區總部錄口供。

梁思浩 MIRROR 姜濤 魯庭暉
MakerVille行政總裁魯庭暉昨日(4日)下午3時到達警署協助調查。(圖片來源:MakerVille記者會截圖)

COLLAR事件後首度現身 So Ching無出席

昨日(4日)COLLAR終於打破其公司MakerVille、ViuTV與旗下藝人潛水局面,首度現身電台出席節目《叱咤樂壇》,惟身為阿Mo女朋友的成員So Ching缺席,只餘7位成員宣傳新歌,並在受訪時完全避談意外事件。

梁思浩 MIRROR COLLAR
(圖片來源:IG@903music)

Gao回應支持 Ivy生日願望贈So Ching

COLLAR在商台宣傳新歌《OFF/ON》,在訪問開始時,主持謝茜嘉邀請幾位回應最近的意外事件,七位在場成員打招呼及回應均面帶憔悴,有氣無力,神情落寞,與過去的朝氣蓬勃有極大落差。隊長Gao回應提問時說:「好衷心多謝大家關心我哋,我哋默默收到唔同界別嘅人鼓勵,收到大家嘅愛,想同大家講:我哋OK!希望大家都平安!希望好嘅事會發生,我哋會帶住大家畀嘅力量,繼續努力繼續做好我哋,散發正能量。」被追問有甚麼說話同So Ching講時,阿Gao則回答:「多謝大家關心佢,希望繼續相信佢哋同支持佢哋,同埋畀多少少空間同時間佢哋,相信佢哋會好!」

梁思浩 MIRROR COLLAR
(圖片來源:IG@ivyysooo)

撞正Ivy So生日黯然許願

另一方面今日正好是成員蘇雅琳(Ivy So)的生日,謝茜嘉提起這件事時成員似乎不在狀態,Ivy則回答:「多謝畀祝福畀我嘅人,以前唔係好相信生日許願,合埋眼吹蠟燭就算,但今年有兩個願望,首先而家覺得健康好緊要,希望身邊嘅人都健健康康,第二個願望想送平安畀隊友So Ching同傷者,再送畀所有表演者,送上無限祝福!」而許軼(Day)表示多謝粉絲一直以來的支持,給予團隊COLLAR好多溫暖。

梁思浩 MIRROR COLLAR 撞正Ivy So 正日生日。
撞正Ivy So 正日生日。(圖片來源:IG@ivyysooo)

網民怒氣未消 繼續追擊MakerVille

COLLAR出席訪問後網民普遍為其不值,紛紛指責MakerVille仍要求COLLAR繼續偶像活動,並猜測MakerVille為要賠錢而繼續推展活動,嘲諷公司當意外無發生過,令COLLAR處境相當尷尬。

梁思浩 MIRROR COLLAR
(圖片來源:連登討論區娛樂台)
梁思浩 MIRROR COLLAR
(圖片來源:FB留言截圖)

梁思浩為何直指演唱會意外最大責任係花姐?

梁思浩在網台節目中怒轟一班高層只係識賺錢,又直指花姐最難辭其咎,佢認為責任在於⋯⋯詳見:梁思浩鬧足花姐半個鐘

花姐如何面對坊間的指責?

在MIRROR演唱會事故後一星期,一直未有公開現身的MIRROR經理人花姐終於都在IG發聲⋯⋯詳見:花姐首度開腔回應

撰文:東方新地圖片來源:youtube@大家真瘋Show、資料或影片來源:原文刊於東方新地