MIRROR
MIRROR

Mirror官方手燈$360被嫌貴反應兩極 鏡粉最嬲係要自備電芯!

影視娛樂

廣告

MIRROR官方社交網在周二(7月12日)宣布推出官方應援手燈「MIRROR Official Light Stick」,售價為360港元,引來不少網友不滿,狠批手燈定價太貴,指台灣天團五月天的應援手燈都只係賣50至60港元,相差太遠!其實MIRROR早在2018年開首個演唱會時,都賣過應援手燈,不過當時售價只係200港元!

Mirror
MIRROR官方手燈。(圖片來源:ig@mirror.weare)

「MIRROR Official Light Stick」可連接手機App

MIRROR官方今次因應即將舉行的演唱會,推出應援手燈「MIRROR Official Light Stick」,據介紹係有齊12款MIRROR成員嘅專屬燈色,除咗可以手動切換燈色之外,手燈喺演唱會現場仲可以跟隨中央控制指令,配合節奏及舞台效果自動切換燈色,而喺屋企睇網上直播嘅鏡粉,亦可以將手燈連接MakeALive app,手燈同樣可以隨著中央控制指令自動變色。不過原來這個售價360港元的MIRROR官方手燈,只係包含手燈1枝、專屬掛繩1條及收納袋1個,而唔包含電池,使用者須自備3粒AAA鹼性電池。

Mirror
每個MIRROR成員都有專屬燈色。(圖片來源:ig@mirror.weare)
Mirror
售價360港元的MIRROR官方手燈,包含手燈1枝、專屬掛繩1條及收納袋1個。(圖片來源:ig@mirror.weare)
Mirror 詳情
詳情(圖片來源:ig@mirror.weare)

網民留言:ATMiro

有鏡粉大讚今次手燈設計好靚,話一定會買來紀念,但亦有不少鏡粉留言指手燈價格太貴,當鏡粉係「水魚」,更指出五月天都只係賣緊$50、60一枝:「ATMiro」、「講真設計唔靚 仲要賣$360 點解要咁對Miro呢?」、「搶錢?」、「可唔可以唔好再當fans係水魚…不停食錢」、「Um入會一舊錢 直播一舊錢 手燈又一舊錢 真係第一次見枝手燈要360,當miro水魚真係」、「MIRO = 全港最大水魚」、「嘩,360蚊一支,天團五月天之前先賣緊50-60蚊支,你地真係好勁呀」、「725開場725開售?你玩x我地呀?」、「唔好再貴啲,比完440又比360 直播又話二三百蚊 miro啲錢好好賺」等等。

Mirror 粉絲留言
粉絲留言(圖片來源:ig@mirror.weare)
Mirror 粉絲留言
粉絲留言(圖片來源:ig@mirror.weare)

2018年應援手燈賣$200

其實MIRROR早在2018年舉行首個演唱會時,亦有推出過官方應援手燈,當時售價為一支200港元,亦被指為「韓星價」,而當時官方推出的手燈因為並無如韓星手燈一樣有中央控制的設計,因此亦曾被指索價太貴。同時其造型亦被指炒襲韓國男團HIGHLIGHT的應援手燈。

MIRROR 左邊為MIRROR在2018年推出的官方應援手燈,右邊為HIGHLIGHT的應援手燈。
左邊為MIRROR在2018年推出的官方應援手燈,右邊為HIGHLIGHT的應援手燈。(圖片來源:網上圖片)

手燈疑抄超人迪加變身器

有網民搵出紀念超人迪加25週年時推出的Ultra Replica系列,暗黑迪加變身器同卡蜜拉變身器的圖片,指款式同「MIRROR Official Light Stick」好相似。又指淘寶都有相似款式的MIRROR應援手燈,賣緊29.9人民幣(即約34.9港元)。

Mirror
超人迪加變身器系列25週年紀念版(圖片來源:超人迪加官方截圖)
Mirror
網民搵到淘寶只售29.9(圖片來源:淘寶截圖)

Baby MIRROR公仔被質疑抄BTS

早前Mirror推出的BABY MIRROR公仔都被網民拍抄韓國男團的BTS公仔「bt21」。

Mirror
(圖片來源:IG@ahfa0908)
Mirror
(圖片來源:miro官網截圖)
Mirror
(圖片來源:bt21官網截圖)
Mirror
(圖片來源:bt21 baby官網)

Mirror官方手燈有多少個顏色可以揀?

Mirror官方推出應援手燈「MIRROR Official Light Stick」,指手燈係經過反覆測試及改良後推出,有12隻色俾你揀,除了手燈之外,仲包括了一個專屬…詳情請看

在什麼時候可以購買?

想購買的你可以留意,「MIRROR Official Light Stick」會在尖沙咀The ONE…詳情請看

圖片來源:ig@mirror.weare,超人迪加官方截圖,淘寶截圖,IG@ahfa0908,bt21 baby官網,miro官網截圖,bt21官網截圖資料或影片來源:原文刊於NewMonday