JPEX|KOL娜美被爆曾為加密貨幣招攬生意 好姊妹Kimi急割席!
娜美疑曾為jpex招攬生意證據
JPEX風波牽涉城中不少藝人同KOL,網民翻出娜美疑似為jpex招攬生意證據,網上推廣jpex相關資料,包括利用邀請碼開户、分享平台操作、更設有聚會同上堂學習加密貨幣。更有網民曬出娜美疑似出席有關了解加密貨幣課堂的活動。
![jpex kol 有網民曬出娜美疑似出席有關了解加密貨幣課堂的活動。](https://imgs.weekendhk.com/wp-content/uploads/2023/09/01a93a0c-4ae0-4864-b15c-20cbf78edafc_913906293650ab4403d01a-769x1024.jpg)
娜美發聲明澄清:8月已經約滿
不過,娜美亦有發聲明指,表示「本人並沒有與任何無牌Crypto交易所作任何形式合作」,她又指本年7至8與CryptoPARD加密貨精合作,8月已經約滿,至於其YouTube頻道的宣傳片已經全數下架。
![jpex kol 至於其YouTube頻道的宣傳片已經全數下架。](https://imgs.weekendhk.com/wp-content/uploads/2023/09/2c0a0304-0ad1-476c-bb6d-ed88e177f8a1_70105566650ab82a74910-1024x772.jpg)
好姊妹Kimi割席: 一早提娜美唔好掂加密貨幣
另一方面,曾參加ViuTV的《美選D.n.A》30歲的趙詠瑤(Kimi)稱原本與娜美是朋友關係,一早提娜美唔好掂加密貨幣,但亦因此事搞到決裂收場,她表示早在5月知道娜美接相關工作時已提醒她,「不過每個人有自己嘅選擇⋯我都不便阻止⋯」她再說:「之後幾個月大家因為觀念上嘅分歧,佢已經unfollow左我,所以佢而家嘅狀況,我真係唔太清楚⋯」她更坦言朋友關係有時真係好化學。
![jpex kol 曾參加ViuTV的《美選D.n.A》30歲的趙詠瑤Kimi)稱原本與娜美是朋友關係,一早提娜美唔好掂加密貨幣](https://imgs.weekendhk.com/wp-content/uploads/2023/09/355396979_815261526664323_5839934256380554811_n_98694124650ab5510be39-819x1024.jpg)
網民嘲娜美超級黑氣石:掂乜衰乜
由於JPEX風波未完,網民猜測林作、陳怡之後,會否到娜美被捕,更有不少網民指娜美「燈力」強勁!網民笑指娜美早前同霍哥經常出雙入對,結果微辣事件爆出後,遭全城鬧爆兼迅速摺埋,霍哥更宣布離開微辣。如今娜美被指為jpex招攬生意,JPEX同樣爆出連串負面新聞。網民紛紛留言:「娜美真係痴咩死咩,超級黑氣石」、霍哥無左間公司仲無埋條女」、「正式宣傳霍哥再次單身」、「娜美掂乜衰乜」。
![jpex kol 霍哥 霍哥早前與娜美蜜遊澳門,合照sweet到爆。](https://imgs.orientalsunday.hk/wp-content/uploads/2023/07/9b64b804-6606-42bd-94d4-b4d617a1dafe_6198957626426706acd879-822x1024_162022457164af917a82557-822x1024.jpeg)
霍哥堅.出手攬娜美同遊台灣
被封為「微辣清泉」的霍哥,最近經常同娜美出雙入對,早前在IG攬到實兼拍片「送上門」,已令不少網民認為二人已過電,正在熱戀中,不過霍哥最終都無承認到。近日霍哥又孖娜美出post,仲要一齊展開台灣之旅,娜美被霍哥攬腰,整個人輕輕靠著霍哥,右手似乎都有回應霍哥,2人更露出甜笑。
![jpex kol 霍哥 霍哥近日出post「台灣之旅~~」](https://imgs.orientalsunday.hk/wp-content/uploads/2023/07/jeffreyfok_224_358468403_18369095551042808_6667575587169851814_n_36110638964af925dd5a28-819x1024.jpg)
網民:今次堅攬腰喎!仲帶埋一齊去旅行,仲唔係女友?
照片一出即引起網民熱議,齊齊恭喜霍哥得米抱得美人歸,仲係咁叫霍哥快啲承認戀情,話一定會祝福2人:「真霍手!」、「今鋪真·霍哥隻手」「通常一個大話講得多、多人講,就會變成真。所以我相信霍哥而家係有女」、「表情唔同咗,應該真係一齊咗」、「今次堅攬腰喎!仲帶埋一齊去旅行,仲唔係女友?」、「霍哥你係咪拍拖呀,係就講岀黎啦。個個都會祝福你哋㗎」、「恭喜霍哥搵到真愛」、「霍哥廚房應該已成歷史,變霍美廚房」、「個個都第一時間都係放大黎睇係咪真係阿霍隻手」、「佢哋一定有路」、「抱得美人歸!」、「咪以為淨係fok哥攬住,其實nami都有架」不過都有網民認為霍哥都係脫唔到單,原因係見到娜美衣領上有帶咪,可能只係一同去工作,加上除咗第一張合照外,第4張有出現微辣的Black Joe,笑指娜美只係煙幕「點睇都係似同joe一齊多啲」。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!