獨家!53歲鄧兆尊G奶新歡「買大送細」    情侶裝遊街露勝利笑容
獨家!53歲鄧兆尊G奶新歡「買大送細」    情侶裝遊街露勝利笑容

獨家!53歲鄧兆尊G奶新歡「買大送細」 情侶裝遊街露勝利笑容

向來女人緣超旺的鄧兆尊,原來已經和拍拖三年的三奶Claire和平分手,紅顏突三缺一,兆尊並冇失落,因為火速有G奶新歡攝位,繼續過其四人同行一家親生活。日前,新歡賣甩阿大阿二獨霸兆尊,襯晒同色系情侶裝拍拖出巡,身穿藍黑色紗裙的G奶新歡,上圍驕人完全符合兆尊鍾情口味,兩人行街不時打情罵俏,新女友更離奇地帶同一位年約十多歲女孩同行,兆尊仍非常受落,更慈父上身對女孩呵護備至,除幫手攞戰利品,又排隊買飲品侍候周到,對一大一細極之體貼!難怪得兆尊特寵的新三奶,經常風騷展示勝利笑容!

原文刊於《東方新地》

鄧兆尊G奶新歡獨享溫柔

最近兆尊就自爆同三奶Claire已和平分手,並火速有新三奶補位。在新冠肺炎疫情下,日前兆尊便帶同新歡出巡抖氣,風騷放閃。曾經話過三個女友已經夠晒數的兆尊,果然少一個才加一個,他曾分享馭女術,透露相處之道最重要是一視同仁,會公平分配時間,每星期分別陪每位女友兩晚,第七天才是私人時間。

兆尊孖G奶新歡L小姐拍拖出巡,新女友還帶同一個十多歲女孩同行,不過兆尊就冇畀多個電燈膽悶親,還心情大靚對一大一細照顧周到,同女友買完嘢,更幫手攞戰利品,相當體貼。
兆尊孖G奶新歡L小姐拍拖出巡,新女友還帶同一個十多歲女孩同行,不過兆尊就冇畀多個電燈膽悶親,還心情大靚對一大一細照顧周到,同女友買完嘢,更幫手攞戰利品,相當體貼。
貼住行傾偈,兆尊仲著緊望實女友。

他坦言:「當日主打嘅女友可以決定畀唔畀另外兩位女友加入,如果唔介意,就可以一齊食飯。」這日所見,好明顯主場的新三奶,未有讓大婆及二奶加入同行,寧願獨享兆尊溫柔。一向鍾情上圍豐滿女人的兆尊,新歡貫徹他口味,身穿藍黑色貼身紗裙的她,孭住一個Gucci手袋,但上圍迫爆更矚目,目測最少有38G驕人身材,疫情下因要經常戴口罩,新三奶還特別著重眼部化妝,打扮冶艷!

三年前,兆尊50歲生日宴,當時甚得寵的前三奶 Claire,與大婆Carmen及二奶車厘子同枱食飯非常和諧,不過,影相亦有莊閒之分,大婆Carmen伴住兆尊企前排,二奶三奶則在後排,不過依家Claire已Out,唔知新「3C兵團」又係點排位?

「買大送細」三人同行

早前兆尊就透露新女友姓陳,可稱呼她做L小姐,去舊迎新後「3C女友團」不用瓦解。同時駕馭三女,對於別人羨慕目光,兆尊卻晒命表示一切皆天意安排,坦言自己愛自由獨處,但偏偏女人緣旺,緣份來到避也避不了!看他跟G奶新歡拍拖甜到漏,確實緣份一觸即發,並肩行傾到笑唔停,見他突然攤開手掌伸給女友看,已經令身旁女友露出滿足笑容,嘴角含春的新三奶明顯對兆尊極之冧,而兆尊也一臉享受不時騎騎笑,更詭異是,當日女友還帶同一位年約十三、四歲的女孩同行,多個電燈膽仍無阻兆尊拍

拖情趣。

鄧兆尊與G奶新歡著晒同色系情侶裝行街,並肩邊行邊傾相當開心,馭女有術的兆尊,突然攤開手伸給女友看,幾句甜言蜜語,已經氹到女友笑不攏嘴!

雖然一直三人行,但兆尊仍毫不介意,對同行女孩還非常呵護,心情特靚的兆尊,對住新歡話題特別多。

激罕慈父上身照顧周到

以往同「3C女友團」出巡,兆尊總是霸氣有女爭住服侍,特別是二奶車厘子,最愛幫手攞嘢,完全唔使兆尊操勞,相反今次同新三奶拍拖,兆尊全程倒過來照顧周到,行街有收穫,更幫手攞住戰利品,早已表態不婚不生孩子的他,慈父上身對同行女孩表現呵護,過馬路時又不時回頭著緊望到實,非常緊張,行行吓女孩想飲珍珠奶茶,兆尊二話不說去買飲品,一大一細則輕鬆企在門外等他,簡單一杯珍珠奶茶,已經逗樂女友,真係冧女至高境界!

兆尊對新歡及女孩照顧周到,過馬路時更著緊回頭望到實。
兆尊負責買嘢飲,G奶新歡同女孩在店外傾偈等候。
兆尊慈父上身,對同行女孩照顧周到,享受另一種拍拖情趣。
多女埋身的兆尊,曾經話過自己吸引女人的地方是夠抵得諗,當日行街見口渴,兆尊即服侍周到親自為女友買珍珠奶茶,對女友錫到燶。
一直以來,兆尊將三位紅顏知己安插在灣仔三頭住家,當日所見,兆尊與G奶新歡行完街,送女友及同行女孩返到寓所附近先離開,原來新歡又係住灣仔區。

手揸15億財產 53歲鄧兆尊經驗分享大婆、二三奶和平相處之道53歲鄧兆尊手揸15億財產   經驗分享大婆、二三奶和平相處之道

女人緣旺的鄧兆尊,同時擁有三位紅顏知己仍能和睦共處,相當有本事,還經常霸氣一拖「3C女友團」出巡,正印Carmen、二奶Cherry(車厘子)及三奶Claire同框幸福畫面司空見慣!但原來拍拖三年的三奶Claire,已和兆尊和平分手,紅顏突三缺一,兆尊並冇失落,原來火速有G奶新歡攝位,繼續過其四人同行一家親生活。

原文刊於《東方新地》

鄧兆尊火速有新三奶補位

父親是已故慈善伶王新馬師曾(鄧永祥),在因父之名下成長的鄧兆尊,演藝成就未及爸爸輝煌,不過兆尊就遺傳了爸爸多情基因,也是四兄妹中感情生活最多姿多彩一個,年屆53歲仍冇成家計劃,但同時擁有三個女友享盡齊人福,除了一起已經廿年的正印Carmen和二奶車厘子Cherry對他死心塌地,幾年前更多個三奶Claire加入,被指有「3C女友兵團」侍奉周到,令唔少男人羨慕又妒忌。不過,最近兆尊就自爆同三奶Claire已和平分手,並火速有新三奶補位。

兆尊孖G奶新歡L小姐拍拖出巡,新女友還帶同一個十多歲女孩同行,不過兆尊就冇畀多個電燈膽悶親,還心情大靚對一大一細照顧周到,同女友買完嘢,更幫手攞戰利品,相當體貼。
兆尊孖G奶新歡L小姐拍拖出巡,新女友還帶同一個十多歲女孩同行,不過兆尊就冇畀多個電燈膽悶親,還心情大靚對一大一細照顧周到,同女友買完嘢,更幫手攞戰利品,相當體貼。
三年前,兆尊50歲生日宴,當時甚得寵的前三奶 Claire,與大婆Carmen及二奶車厘子同枱食飯非常和諧,不過,影相亦有莊閒之分,大婆Carmen伴住兆尊企前排,二奶三奶則在後排,不過依家Claire已Out,唔知新「3C兵團」又係點排位?

手揸15億財產樂做鑽石王老五

去年母親洪金梅(祥嫂)肺癌離世,有指祥嫂留下15億遺產給兆尊四兄妹,加埋之前出售永祥大廈及楚留香物業套現,以及現仍手持的大幅西貢地皮,身家豐厚的兆尊,卻享受做鑽石王老五,即使被細佬兆榮及細妹小艾催婚,仍堅持不婚主義,更直言一夫一妻制令他非常困擾。據兆尊好友透露:「佢講明唔會結婚,話同任何一個女友結婚,另外兩個都會唔開心,亦同女友有共識唔會生小朋友,佢覺得一紙婚書唔代表啲咩?最緊要大家相處開心!佢雖然多情,但就有情有義,加上佢脾氣好,對女人又肯遷就,照顧晒三房嘅生活費,亦唔大細超,女友們都畀佢馴服!」

去年七月初,祥嫂因肺癌離世, 兆尊與細佬兆榮及小艾送別母親後,將祥嫂骨灰龕安葬在元朗三萬呎的永祥苑,有指祥嫂留下15億遺產給兆尊四兄妹,令四人財產暴升。

身家以億計的鄧兆尊財力雄厚,他就表示早年入娛樂圈亦只為圓母親祥嫂做星媽心願,不過一做就十幾年,當中參與演出的《皆大歡喜》令人印象深刻。
11年退出享受生活的他,卻在前年復出客串ViuTV劇《VR驅魔人》。

分享馭女術:時間分配要公平、有共同通訊群組

享盡齊人之福,兆尊仍能將時間分配妥當,全因他大膽給女友們設有共同通訊群組,乜都清楚公開,成功令女友貼貼服服!據知情人說:「就因為夠坦白,唔會收收埋埋,班女友更加想箍實佢,所以反而會聽聽話話,就算同前三奶志向不同分開,都係好和平下決定,依家新女友加入,佢亦一早知會大婆同二奶,大家有晒共識,獨處時點相處係一回事,但時間分配
一定公平,大家就唔會有怨言!」他曾分享馭女術,透露相處之道最重要是一視同仁,會公平分配時間,每星期分別陪每位女友兩晚,第七天才是私人時間。他坦言:「當日主打嘅女友可以決定畀唔畀另外兩位女友加入,如果唔介意,就可以一齊食飯。」

爸爸新馬師曾有四個老婆,女人緣旺的兆尊絕不比爸爸遜色,同時擁有三位紅顏知己的他,同三奶Claire未分手前,本刊曾拍到兆尊帶同二奶車厘子及三奶Claire去銅鑼灣行街,兩位紅顏更夾擊要兆尊買鑽錶,不過此情已不再!
兆尊與大婆Carmen一起超過二十年,關係已由女友昇華至親人,07年仍未發胖的Carmen,五官輪廓甚清秀。
兆尊成功令身邊女人唔會為佢爭風呷醋,前三奶Claire(右)與二奶車厘子(右二)17年結伴孖兆尊及小艾看草蜢演唱會。

為方便出入三頭家省卻遙遠路程,兆尊將三女友安頓住於同一區,跟大婆Carmen同住永祥大廈,二奶與前三奶都住灣仔區,而得寵新三奶,亦在他安排下住灣仔區。馭女有術,兆尊跟三個弟妹亦相處融洽,現時四兄妹同住灣仔永祥大廈唔同樓層,方便互相照應。不過於03年以近億出售業權的永祥大廈,他們亦有心理準備業主會隨時收樓。據知情人士透露:「佢四兄妹感情好好,住埋同一棟樓方便照顧,兆榮一家四口住喺永祥大廈頂樓,碧玉就同廿幾隻貓一齊住,小艾則同兒子住另一層,不過佢哋都計劃
好收樓之後會搬去邊,兆榮計劃搬去跑馬地,碧玉就想移居大馬,至於小艾就想搬入元朗!」

即使將來四兄妹遠距離分隔,相信有三位紅顏知己侍候周到的兆尊,仍不愁寂寞!

一直以來,兆尊將三位紅顏知己安插在灣仔三頭住家,當日所見,兆尊與G奶新歡行完街,送女友及同行女孩返到寓所附近先離開,原來新歡又係住灣仔區。
曾與母親祥嫂發生爭產風波,兆尊四兄妹非常齊心,現時四人分別住在永祥大廈唔同樓層,方便相互照應。

關鍵詞
鄧兆尊

最新吃喝玩樂資訊