32歲陳庭欣廚箍實彩豐行老闆  為釣金龜啞忍花弗男友
32歲陳庭欣廚箍實彩豐行老闆  為釣金龜啞忍花弗男友

32歲陳庭欣廚箍實彩豐行老闆 為釣金龜啞忍花弗男友

拍拖將近兩年,表面感情穩定,實情充滿暗湧,陳庭欣同彩豐行老闆楊振源呢一對,周不時就傳出情變,甚至出現進擊的小三、小四意圖或企圖奪愛,想嫁豪門嘅宏願雖然未至於撻 Q,不過遙遙無期絕對唔明朗,呢個時候可以做嘅唔多。

原文刊於《東方新地》

陳庭欣突男友退股健身中心

最近楊振源突然退股去年9月開幕嘅健身中心,而陳庭欣卻繼續留守做代言人,又代解畫指男友只想專注本來的美容生意,令外界有無限猜測,所以陳庭欣醒目喇,勤力開工拍劇、努力做好自己,盡人事箍得幾耐得幾耐先啦!

去年尾男友被貼街招踢爆偷食小三,陳庭欣一於少理,3月寵物鸚鵡四歲生日,就同父母、男友齊齊切蛋糕慶祝,順手又晒吓恩愛宣示主權。
去年尾男友被貼街招踢爆偷食小三,陳庭欣一於少理,3月寵物鸚鵡四歲生日,就同父母、男友齊齊切蛋糕慶祝,順手又晒吓恩愛宣示主權。

32歲陳庭欣唔理男友退股 繼續做健身中心代言人 下廚箍實彩豐行老闆

嫁入豪門仲有暗湧,正忙緊拍攝新劇《陀槍師姐2020》嘅陳庭欣只要唔使開工,一定會黐實男友陪仔至上。
嫁入豪門仲有暗湧,正忙緊拍攝新劇《陀槍師姐2020》嘅陳庭欣只要唔使開工,一定會黐實男友陪仔至上。

下廚箍實彩豐行老闆

箍住男人嘅心,其中一個方法都係要賢良淑德入得廚房箍住男人個胃先!暫時都仲係男方圓方豪宅女主人嘅陳庭欣日前就專程去到九龍城街市買餸掃糧,仲勞師動眾搵埋爸爸幫手做司機車出車入,仲要泊喺街市附近等候方便上落。準老闆娘唔易做,準老闆娘嘅爸爸亦一啲都唔輕鬆,囡囡唔知係要採購長期食糧定煮九大簋,由天光買到傍晚,出入幾轉街市,更唔放過路邊每間水果、雜貨舖,玩足大半日,等到陳爸爸都狂放蚊,辛苦晒!

每個恨嫁入豪門嘅女星背後,都有一個任勞任怨嘅廿四孝爸爸。一早搬去圓方男友豪宅嘅陳庭欣日前去九龍城買餸,就搵爸爸幫手做司機。
每個恨嫁入豪門嘅女星背後,都有一個任勞任怨嘅廿四孝爸爸。一早搬去圓方男友豪宅嘅陳庭欣日前去九龍城買餸,就搵爸爸幫手做司機。
行完街市又行水果、雜貨舖,餸菜、水果、日用品執齊都就嚟天黑,終於等到陳庭欣返上車,陳爸爸都放晒蚊。
行完街市又行水果、雜貨舖,餸菜、水果、日用品執齊都就嚟天黑,終於等到陳庭欣返上車,陳爸爸都放晒蚊。

32歲陳庭欣唔理男友退股 繼續做健身中心代言人 下廚箍實彩豐行老闆

走咗咁多轉買到車尾箱擺滿,陳庭欣都仲未肯離開,上車又諗清諗楚睇吓有冇執漏嘢先。
走咗咁多轉買到車尾箱擺滿,陳庭欣都仲未肯離開,上車又諗清諗楚睇吓有冇執漏嘢先。

陳庭欣被指為入豪門啞忍多時

去年在劇集《多功能老婆》演進擊的小三搶晒fo的陳庭欣 (Toby),回到現實,同億萬富商男友彩豐行老闆楊振源 (Benny)拍拖年多,去年曾被進擊小三攻陷,令兩人感情出現暗湧;以往經常人前人後晒恩愛,在剛過去的聖誕節先大晒陪男友慶生過節合體放閃,點知轉個頭,男友被踢爆秘密收埋小三陳潔玲及小四阿Yu,一直被蒙在鼓裡的她,正印地位危危乎!男友被揭花弗專攻巨乳妹,陳庭欣還要維護男友為他解畫,兼在元旦日在IG貼實男友咀住上演恩愛騷, 為釣金龜入豪門繼續啞忍!

32歲冠軍港姐陳庭欣,同彩豐行老闆楊振源(Benny)拍拖一年多愛得甜蜜, Toby更早已由住開的啟晴村搬入男友位於圓方的豪宅同居,早前Benny投資開設健身中心, Toby性感拍廣告做生招牌,變身老闆娘為男友生意谷盡宣傳,又孖住過聖誕甜蜜放閃。

早前陳庭欣為男友大搞party慶生,兩人還襯晒一身火紅 色,陳庭欣翹到男友實一實,大晒正印地位。
早前陳庭欣為男友大搞party慶生,兩人還襯晒一身火紅 色,陳庭欣翹到男友實一實,大晒正印地位。
聖誕當日,陳庭欣才高調晒出陪男友慶生兼過聖誕節合照,當時還開心在社交網留言表示,自去年起每年聖誕就多個意義,因為聖誕適逢是男友生日,可惜未到新年,就爆出男友收埋小三新聞,認真諷刺!
聖誕當日,陳庭欣才高調晒出陪男友慶生兼過聖誕節合照,當時還開心在社交網留言表示,自去年起每年聖誕就多個意義,因為聖誕適逢是男友生日,可惜未到新年,就爆出男友收埋小三新聞,認真諷刺!
爆出男友收埋小三及小四,陳庭欣仍力挽正印地位,元旦更同男友Benny咀住慶祝踏入2020年,大搞恩愛騷!
爆出男友收埋小三及小四,陳庭欣仍力挽正印地位,元旦更同男友Benny咀住慶祝踏入2020年,大搞恩愛騷!

有米男友小三小四全屬巨乳妹

以為打風打唔甩,誰知男友Benny日前被人貼街招唱衰,指他與Toby好友 阿Yu有染,直指兩人是「狗男女」,還指Toby是傻港姐、被利用!不過,事件 爆出後,Benny原來已撇甩女友與友人飛日本滑雪,懶理傳聞自己繼續開心,留低Toby收拾殘局,可惜來不及解畫,兩人感情再起波瀾,再傳出阿Yu原來只係小四,小三其實是大胸港姐陳潔玲,感情關係錯綜複雜。

被爆收埋小三, Benny (右一)還丟低女友 Toby 同友人飛日本滑雪,更未受傳聞影響心情,玩得非常開心!
被爆收埋小三, Benny (右一)還丟低女友 Toby 同友人飛日本滑雪,更未受傳聞影響心情,玩得非常開心!
陳庭欣的富貴男友楊振源( Benny ),上年 12 月底被人 貼街招大爆收埋小三阿 Yu ,爆料人更直指陳庭欣是傻港姐、被利用,而阿 Yu 更是陳庭欣朋友。
陳庭欣的富貴男友楊振源( Benny ),上年 12 月底被人 貼街招大爆收埋小三阿 Yu ,爆料人更直指陳庭欣是傻港姐、被利用,而阿 Yu 更是陳庭欣朋友。
有傳 Benny 不止一腳踏兩船,阿 Yu 原來只是小四,真正小三其實是有翻版陳姸希之稱的港姐陳潔玲,兩女更同是大胸一族,身材比 Toby 更火辣!
有傳 Benny 不止一腳踏兩船,阿 Yu 原來只是小四,真正小三其實是有翻版陳姸希之稱的港姐陳潔玲,兩女更同是大胸一族,身材比 Toby 更火辣!

主動埋身一心嫁豪門 做後母幫手湊前妻兩子

據知情者透露:「Toby 性格好進取,當年彩豐行有份贊助港姐選舉,佢之後搵機會主動埋Benny身,將人哋前度Ruby(劉依靜)踢走,為咗箍實男友,成日check住Benny行蹤,好快就搬入Benny屋企同居,又幫Benny湊仔(Benny同前妻所生的兩個兒子),藉以融入Benny家庭,不過, Benny有米又有事業,可以話係鑽石筍盤,一路好多女 埋身,又點會𥄫得實?有時Benny一句話開會,都會甩佢底,所以爆出有小三、 小四,其實佢都心中有數!」

Benny 投資過千萬開設健身中心, Toby 性感拍廣告做生招牌。
Benny 投資過千萬開設健身中心, Toby 性感拍廣告做生招牌。
更碌盡人情卡幫男友搵藝人出席開幕禮及上健身室做 Gym 谷宣傳,相當落力!
更碌盡人情卡幫男友搵藝人出席開幕禮及上健身室做 Gym 谷宣傳,相當落力!

不過,自從識咗富貴男友由屋村妹升呢,陳庭欣一直心急想嫁入豪門上岸,即使男友被揭花弗,為保正印地位亦只好啞忍。據知情者透露:「佢喺男友公司同健身中心都放咗線眼,所以呢排Christy(陳潔玲)成日上健身中心打躉,佢早就收到風,但又唔敢過問男友,惟有一得閒就突擊落去踩場,件事爆出嚟,佢真係好唔開心,呢排返電視城開工,都冇厘神氣,唔似得以前咁神采飛揚,雖然口講話冇嘢,但Benny冇將件事同佢解釋清楚,佢又唔敢強硬詐型,怕適得其反,真係有苦自己知!」 剃人眼眉者反被人剃眼眉,唔通真係定律!

被指係小三的陳潔玲(中)據悉經常到 Benny 的健身中心打躉,擺明車馬向陳庭欣挑機。
被指係小三的陳潔玲(中)據悉經常到 Benny 的健身中心打躉,擺明車馬向陳庭欣挑機。
就算知道男友多女埋身,陳庭欣仍為入豪門繼續啞忍,日前坐男友名下的七人車返電視城開工。
就算知道男友多女埋身,陳庭欣仍為入豪門繼續啞忍,日前坐男友名下的七人車返電視城開工。
雖然帶住副超遮咗半塊面,仍可見她皺晒眉心事重重!
雖然帶住副超遮咗半塊面,仍可見她皺晒眉心事重重!

關鍵詞
陳庭欣

最新吃喝玩樂資訊