魷魚遊戲
魷魚遊戲

魷魚遊戲|奶仔 何廣沛拍搞笑版 冇港版李政宰 製作認真男一有驚喜

影視娛樂

廣告

韓國劇集《魷魚遊戲》熱爆全球,已有風聲第二輯會開拍,香港代表亦唔執輸,由奶仔方紹聰、何廣沛及郭子豪開設的「食腦 BrainStorming」頻道,拍了《魷魚遊戲》土炮電影版,男主角冇搵到勁似李政宰的譚俊彥,由奶仔擔綱演出,雖然只係惡搞片,但奶仔認真演出,娛樂性豐富。

撰文:東方新地 圖片:「食腦 BrainStorming」影片截圖及劇照、譚俊彥IG

《魷魚遊戲》惡搞版

繼《魷魚遊戲》後,《魷魚遊戲-終極幻想》篇隆重推出,不過就係香港土炮版,由奶仔方紹聰、何廣沛及郭子豪主理的《食腦BrainStorming》頻道重磅打造。

《魷魚遊戲-終極幻想》造型劇照。(圖片來源:《魷魚遊戲-終極幻想》劇照)
《魷魚遊戲-終極幻想》造型劇照。(圖片來源:《魷魚遊戲-終極幻想》劇照)
早前奶仔與何賡沛、郭子豪走出街搵途人大玩《魷魚遊戲》中的韓國傳統遊戲。(圖片來源:食腦頻道影片截圖)
早前奶仔與何賡沛、郭子豪走出街搵途人大玩《魷魚遊戲》中的韓國傳統遊戲。(圖片來源:食腦頻道影片截圖)

奶仔孭飛佔戲甚重

在食腦的YouTube頻道介紹中,《魷魚遊戲-終極幻想》表明李政宰、孔劉、譚俊彥 、123木頭人、打畫片、舐椪糖等等全部都係無嘅!全片由奶仔孭飛,何廣沛與郭子豪都係做配角。

奶仔升呢做男一,突別落力。(《魷魚遊戲-終極幻想》劇照)
奶仔升呢做男一,特別落力。(《魷魚遊戲-終極幻想》劇照)
《魷魚遊戲-終極幻想》冇翻版李政宰譚俊彥,亦冇港版木頭人炎明熹。(圖片來源:譚俊彥IG)
《魷魚遊戲-終極幻想》冇翻版李政宰譚俊彥,亦冇港版木頭人炎明熹。(圖片來源:譚俊彥IG)

為攞參賽資格向無綫劈炮

《魷魚遊戲-終極幻想》中,奶仔身穿綠色的運動衫,跟足原版主角的造型,他日思夜想為參加魷魚遊戲無所不用其極,因為原劇的參賽者要窮途末路才有資格被邀請,甚中一幕奶仔扮打電話畀無綫,聲言辭職唔撈,因為唔想銀行戶口有錢,不過任憑佢點樣努力備戰,都係打唔通魷魚遊戲個電話,最後更被扮演收數佬的郭子豪糟質,迫他簽下賣身契。雖然是搞笑片,不過奶仔七情上面,製作亦非常認真,值得一讚!

奶仔其中一幕打電話畀無綫!(圖片來源:《魷魚遊戲-終極幻想》影片截圖)
奶仔其中一幕打電話畀無綫!(圖片來源:《魷魚遊戲-終極幻想》影片截圖)
奶仔向無綫辭職,因為冇嘢撈又窮到燶先有資格參加魷魚遊戲。(圖片來源:圖片來源:《魷魚遊戲-終極幻想》影片截圖)
奶仔向無綫辭職,因為冇嘢撈又窮到燶先有資格參加魷魚遊戲。(圖片來源:圖片來源:《魷魚遊戲-終極幻想》影片截圖)
奶仔搵何廣沛組隊參加,點知搞咗好耐都未打得通個電話報名參加。(圖片來源:《魷魚遊戲-終極幻想》影片截圖)
奶仔搵何廣沛組隊參加,點知搞咗好耐都未打得通個電話報名參加。(圖片來源:《魷魚遊戲-終極幻想》影片截圖)
郭子豪飾演收數佬。(圖片來源:《魷魚遊戲-終極幻想》劇照)
郭子豪飾演收數佬。(圖片來源:《魷魚遊戲-終極幻想》劇照)
奶仔參加唔成魷魚遊戲仲爭到一身債,最後被郭子豪威迫簽下賣身契。(圖片來源:《魷魚遊戲-終極幻想》影片截圖)
奶仔參加唔成魷魚遊戲仲爭到一身債,最後被郭子豪威迫簽下賣身契。(圖片來源:《魷魚遊戲-終極幻想》影片截圖)
奶仔、郭子豪與何廣沛成立「食腦」頻道,早前曾拍片惡搞無綫劇,三人表示是向無綫劇集致敬!(圖片來源:「食腦」頻道影片截圖)
奶仔、郭子豪與何廣沛成立「食腦」頻道,早前曾拍片惡搞無綫劇,三人表示是向無綫劇集致敬!(圖片來源:「食腦」頻道影片截圖)

由奶仔領銜主演的《魷魚遊戲-終極幻想》

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地