足球女將2｜媚姨個女Cathy植詠珊帶傷復出踢波 為一個原因重拾比賽熱情

Cathy植詠珊身份曝光 原來係ViuTV熟面孔

當Cathy植詠珊在《足球女將2》中亮相時，不少觀眾都覺得佢個樣好面善，原來佢就是2021年聯同媽媽「媚姨」一齊參加ViuTV節目《阿女又戀嚟》的母女檔成員！當時母女二人的溫馨互動已經令觀眾留下深刻印象，而Cathy的清純外貌更是吸引了不少粉絲關注。2022年，佢更在ViuTV游水劇《ISWIM》中飾演一位靚女Sales，在Edan為Miss買衫的情節中「問題」多多，搞笑演技令觀眾印象深刻，可見佢在ViuTV的曝光度相當高！

帶傷停踢一年後復出 坦言想重拾比賽樂趣

在《足球女將2》中，Cathy坦誠分享了自己的足球經歷，原來佢之前因為受傷關係，已經有差不多一年時間沒有踢球。佢在節目中表示「之前整親，其實都冇踢一年左右，所以希望可以喺呢度重拾返練習同比賽嘅樂趣」，對於一個曾經因傷停踢的球員來說，重返球場需要極大勇氣，而Cathy選擇在鏡頭前分享這段經歷，更顯示了佢的真誠和正面態度！

律師樓文員兼職演員 多重身份展才華

除了足球員和演員身份外，Cathy在現實生活中其實是一位律師樓文員，展現了佢在學業和工作上的認真態度。同時，佢亦會偶爾參與演員拍攝工作，可見佢在不同領域都有所涉獵。

網民期待足球場上表現

隨著Cathy的身份曝光，網民紛紛表達對佢的支持和期待。有觀眾留言「原來係媚姨個女！難怪咁面善」、「佢喺《ISWIM》入面好搞笑」、「律師樓文員又踢波又做演員，真係好勁」、有網民更表示「支持Cathy重拾足球熱情，加油！」

《ISWIM》Cathy植詠珊 勁讚Edan份人好好

植詠珊（Cathy）客串《ISWIM》，同Edan一齊演出，訪問時第一句就大讚Edan份人好好，雖然拍劇時要keep住角色李馬榮cool爆的性格，但開機前後都有同Cathy傾偈，又提到有留意過《阿女又戀嚟》這個節目，講到同Cathy阿媽媚姨的對手戲時，又大讚媚姨好搞笑，Cathy仲特別提到Edan得知她已33歲時，對她說：「你唔似咁老！」真係好識𠱁人開心！

Cathy演技獲媚姨讚賞

今次Cathy同阿媽媚姨雖然都有份演出《ISWIM》，但Cathy透露兩人並無對手戲，而自己的戲份喇僅只一場，不過就透露媚姨仲有機會出場！Cathy還在社交網上載了一段媚姨的錄音，內容係媚姨大讚阿女的演技：「好自然，好好，好過我好多！」

客串電影《失衡凶間》拍檔任賢齊

講到有不少網友都大讚Cathy今次演得好自然，她表示現在正跟陳炳銓學做戲，希望可以轉型做演員。原來在拍《ISWIM》前，Cathy已拍過一部電影《失衡凶間》，都係由《ISWIM》導演馮志強執導，Cathy在其中客串一角，她笑言這次演出係做回老本行記者，雖然對白不算多，但最開心是可以和小齊哥（任賢齊）合作，仲有機會同小齊哥一齊傾計、食宵夜㖭！

人氣被反超被叫「媚姨囡囡」

現年33歲的Cathy曾做過空姐又做過報紙記者，到2018年加入有線做娛樂新聞主播，到2021年初離開有線後，與阿媽媚姨一同參加了ViuTV節目《阿女又戀嚟》，卻意外地令媚姨人氣急升，Cathy笑言她有好多朋友都好鍾意睇媚姨主持的節目《Auntie你好》：「以前啲人見到我阿媽都會叫佢做『植詠珊阿媽』，依家就變咗叫我做『媚姨囡囡』！」

Cathy為Now體育台主持節目

雖然人氣被媚姨反超，但Cathy笑指「都係開心嘅」，而且媚姨的高人氣，亦帶挈到囡囡有更多人認識，對她的事業亦有幫助，現時她正在為Now體育台主持節目《他們的Day off》，介紹運動員們在訓練以外的日常生活，她直言雖然好想轉型做演員，但現階段她係咩都唔介意做，同時也會做足準備，等機會到來。

其他Cathy靚相合集：