《聲秀》兩大Daddy對決！譚耀文為盲眼蕭凱恩搵原唱特訓｜蘇永康自認「爸爸」買早餐照顧學員勁窩心！

譚耀文為蕭凱恩跳出Comfort Zone 竟搵原唱露雲娜親授

今集焦點絕對是譚耀文（譚哥）與視障學員蕭凱恩（Michelle）的師徒情！為了讓擅長古典曲風的Michelle迎來突破，譚哥特意為她挑選極具挑戰性的R&B歌曲《講男講女》，更親自到Michelle屋企附近進行一對一特訓。最令人感動的是，譚哥為了讓Michelle能掌握歌曲精髓，竟託盡人情卡，成功邀請到原唱者露雲娜親臨錄音室指導！露雲娜見到Michelle後亦大派定心丸，鼓勵她說：「You can do so well, I am sure」，令Michelle信心大增。在正式表演時，Michelle的表現脫胎換骨，不但揮灑自如，譚哥更在台上溫柔地騰出手臂讓她挽著，給予無限支持，畫面極之溫馨，完全融化了現場觀眾及評審的心。

蘇永康自認「爸爸」金句連發：爸爸is everywhere

另一位「Daddy系導師」蘇永康（阿公）亦不遑多讓，對學員甄敏芳（Jenny）發揮無微不至的父愛mode！由於Jenny自認缺乏自信，阿公在排練期間不斷給予肯定及情緒價值，更語重心長地說：「希望佢透過呢個比賽，可以遇到多啲同路嘅朋友。」在表演前，阿公更以「爸爸」自居，向Jenny溫馨叮囑：「你唔好當我喺身後，爸爸 is everywhere。」事後Jenny更在台上大爆阿公的貼心行徑，原來比賽當日早上，阿公擔心她因緊張而不吃東西，竟然專程買了愛心早餐給她，令她感動不已。二人合唱《來夜方長》，雖然被評審取笑像「爸爸娶了女兒」，但卻贏得一致好評。

原唱露雲娜激讚蕭凱恩 預告開電視力撐

對於今次能夠親自指導後輩蕭凱恩，原唱露雲娜事後接受訪問時對Michelle讚不絕口，坦言自己深受感動！她表示：「首歌唔易唱，我第一次聽 Michelle 唱我好開心，因為佢好乖、練熟晒啲歌詞，同埋佢把聲同唱功都非常之好。」露雲娜更被Michelle的真誠所打動，大讚：「我好鍾意佢，佢好開心正面同真誠，好感動到我，個人真誠唱起歌上嚟都特別好聽。」她更揚言，節目播出當晚一定會打開電視支持Michelle，可見Michelle的努力和才華已成功獲得原唱的最高肯定，絕對是實力證明！

評判團一致讚好 趙增熹驚訝：聽到一把新嘅聲

兩位導師的心血沒有白費，學員的表現成功俘虜了所有評審！一向手緊的評判趙增熹在聽完蕭凱恩的演唱後，毫不吝嗇地給予極高評價：「我一聽到佢（Michelle）開口係好大嘅 surprise，係一把新嘅 Michelle 嘅聲。」而郭偉亮（Eric Kwok）亦大讚：「你有晒感情、氣聲、轉音、好多 Tone，好 interesting，同埋最主要你係有 passion。」至於蘇永康的演出，評審舒文更笑稱他唱功再上一層樓：「（阿公）比當年唱得仲好咗。」連陳奐仁（Hanjin）亦點頭稱讚：「呈現得簡單、舒服、well done！」看來今集賽果將會相當激烈！