美食新聞報道｜伍倩彤蔡景行直擊葵廣 甜蜜互餵平民和牛Taco 行仔一句話冧暈女神！

伍倩彤蔡景行直擊葵廣 掃街天堂名不虛傳

葵涌廣場（葵廣）向來以小食店密集、性價比高及美食種類繁多而聞名，被譽為「掃街天堂」。節目中，行仔率先街訪食客，不少人都大讚葵廣優點，紛紛表示：「多嘢食集中，一個地方有齊」、「價錢親民」、「近地鐵站」，更有食客直言：「可以留低嘅店舖，一定唔難食」。可見葵廣在香港食客心目中的地位超然，是發掘平民美食的必到之處，難怪吸引Gillian與行仔前來朝聖。

Gillian喪食迪拜開心果格仔餅 激讚：終於唔係劣質貨！

二人首站光顧一間甜品屋，Gillian一眼便被近期大熱的「迪拜開心果朱古力格仔餅」吸引。她興奮解釋：「其實迪拜開心果朱古力都出咗一段時間，之前食嗰啲都係劣質版，呢款滿滿嘅開心果餡，望落好吸引。」試食後，Gillian大讚格仔餅鬆軟且甜度適中，更能嚐到開心果粒及沾滿醬料的麵包絲，笑言終於一解之前吃到「劣質貨」的烏氣。接著他們體驗了新奇的「Bring your own chips」，客人可自攜零食，由店家加入自家醬料及配菜，Gillian試後大讚：「佢嘅配料都好豐富，有青瓜、洋蔥、蕃茄同幾款肉可以揀。呢款零食 mix 咗之後，係別有一番風味。」

蔡景行冧功大爆發 甜蜜互餵和牛Taco冧暈Gillian

掃街尾聲，行仔帶Gillian品嚐意想不到的貴價食材——和牛。小店主打金絲鐵板和牛taco壽司及鰻魚和牛丼，油香豐膩的和牛讓二人食指大動。最高潮的畫面出現在行仔與Gillian「你一啖、我一啖」互相餵食壽司和丼飯，氣氛瞬間變得極度曖昧。行仔更趁機大展冧功，補上一句：「最出色係同你一齊食」，即時逗得Gillian心花怒放，露出甜絲絲的笑容，場面充滿粉紅泡泡，閃瞎一眾觀眾！