玲玲友情報｜安德尊尷尬提「死對頭」 問起1樣嘢即語塞唔識答
廣告
J2節目《玲玲友情報》每集都會邀請不同的嘉賓傾吓偈，而日前播出的一集主題為「好人唔係咁樣做」，玲玲師傅再次邀請「大王」的安德尊作客，大談做好人之道。安德尊除了在節目中被玲玲師傅大讚外，更自爆與「死對頭」李錦聯結怨的因由，親解多年傳聞……
玲玲師傅重提受安德尊恩情
玲玲師傅在節目中提到，自己與安德尊當年是珍姐曾勵珍拉攏二人認識，玲玲師傅表示︰「嗰時書展出書，自己啱啱出道無人識、無錢，好多嘢都係打心口。已經搵咗家燕姐同記者嚟，仲爭個司儀，珍姐介紹我搵安德尊。」記者會後安德尊分文不收便離開，她補充︰「我塞極利是畀佢都唔要，仲掉返畀我，呢份恩情我好記得。」
安德尊親解與李錦聯「結怨」原因
大王在圈中出名人緣好，試過台前幕後迫爆錄影廠，為他慶祝生日。但玲玲師傅重提大王多年前的一位「天敵」，當時二人合作下午節目一個煮食環節，當事人呼之欲出，她說︰「以前見佢哋做節目會不斷有『火花』，好想知佢哋私下係點。」大王借機解開多年不和傳言，認真的說︰「平時我哋相處嘅模式，都好似節目咁，其實我對佢okay㗎。」但被問到雙方關係時，能言善道的大王一時語塞，接住解釋︰「我同你講點解，因為我成日干涉佢嘅生活，佢成日飲酒，我勸佢『你唔好再飲啦，又傷身，又會騷擾到側邊其他人』，由頭到尾就係唔准飲酒。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：TVB、TVB《都市閒情》截圖、YouTube@HK E News
