狀王之王｜玲瓏香吻宋世傑 盡顯女性美態姚子羚揭祕臨場變裝之謎
由張達明監製、林子聰任總導演、林子聰及韓辰辰任編審的《狀王之王》，逢周一至五晚九點半翡翠台播映。今晚（1 日）一集，除了會揭開「蜘蛛精殺人案」終極謎底，宋世傑（王浩信飾）與玲瓏（姚子羚飾）關係亦會有突破性發展！在昨晚（1 月 31 日）釋出的官方預告，姚子羚以超女性化打扮加一個華麗轉身現身宋世傑面前，配以嫣然一笑夠晒粉紅。據知玲瓏與宋世傑今晚緊接這場極唯美的「華麗邂逅」後將會極速成親，宋世傑更會喊唔停，至於逼婚成功的玲瓏則會豪邁喪笑，相映成趣。
劇組今日發布宋世傑與玲瓏「華麗邂逅」官方劇照，子羚全程以淡妝上陣。原來拍攝場口當日正值嚴寒，不過為了不影響美感，姚子羚全程「零暖貼」上陣，幸有劇組貼身照顧，令拍攝順利完成，子羚謂：「拍嗰日真係好凍，但因為要落水都黐唔到暖包，除咗埋位前著大褸包住保暖，劇組佢哋好好，有 book 到暖爐畀我之餘，佢哋放嘅係暖水，所以浸住喺暖水度拍都還可以，唔算好凍。」子羚笑言是次拍攝算是「久違了的大露背」，並透露原來是「長褲」變「短褲」：「場戲我要著住肚兜加短褲仔，原本條褲再長啲，但因為拍咗出嚟覺得冇乜美感，所以即場轉做短褲，等成個身形望出嚟好睇啲。至於大露背嘅戲我其實都好耐冇咁拍過，不過最緊要拍出嚟靚，因為都係講宋世傑模糊間見到個靚女，但佢又唔認得係冇鬚嘅玲瓏。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
