江嘉敏
江嘉敏

江嘉敏拍《野外步出》玩飛索 鏡頭前醜態盡現 失儀爆粗瘋狂尖叫

影視娛樂

廣告

無綫J2台新戶外節目《野外步出》出街,由男主持方紹聰(奶仔)帶住一班藝人開闢香港各地景點,首集嘉賓是江嘉敏,平時聲大大最叻撩事鬥飛的是非花旦江嘉敏,今次要佢玩飛索竟然驚到甩晒碌,在鏡頭前真性情盡現,爆粗又瘋狂尖叫,總之就冇晒儀態,佢啲仇家應該睇得好開心。

撰文:東方新地 圖片:《野外步出》影片截圖、《Star Talk》影片截圖、江嘉敏IG圖片、東星圖片

江嘉敏與奶仔方紹聰早前一齊接受訪問,江嘉敏完全唔介意公開自己拍節目出醜。
江嘉敏與奶仔方紹聰早前一齊接受訪問,江嘉敏完全唔介意公開自己拍節目出醜。
玩飛索前,江嘉敏仲好神氣同奶仔合照。
玩飛索前,江嘉敏仲好神氣同奶仔合照。

 

 

江嘉敏打頭陣出洋相

無綫J2台節目《野外步出》首集由江嘉敏打頭陣勇闖東龍島,主持方紹聰(奶仔)為人活潑生鬼最識搞氣氛,沿途探問江嘉敏的工作趣事,二人本來相安無事,點知其中一個環節要挑戰懸崖飛索,江嘉敏竟在鏡頭前突然性情大變。早前奶仔聯同幾位女嘉賓一齊上《Star Talk》接受訪問,江嘉敏自爆在懸崖邊喊足個半鐘先肯踏出第一步。

節目一開始都係行吓山,江嘉敏與奶仔邊行邊玩,仲笑得好開心。
節目一開始都係行吓山,江嘉敏與奶仔邊行邊玩,仲笑得好開心。
去到懸崖邊,江嘉敏已經開始喊,一喊就口喊足個半小時。
去到懸崖邊,江嘉敏已經開始喊,一喊就口喊足個半小時。
江嘉敏望落山,大叫「好do高!」
江嘉敏望落山,大叫「好do高!」

江嘉敏爛口一面

節目終於出街,江嘉敏平時形象都唔係好,今次就加現晒形。抵達目的地後,江嘉敏單看教練示範飛索已嚇至腳震,奶仔成功飛越後,輪到江嘉敏出場,但她竟然想縮沙,擾攘一段長時間,在崖邊喊足個半小時才肯試飛,不過就由頭驚到尾,叫到斷氣都唔收聲,不停講「我唔得啦!」、「黐線」、「我唔敢」等,睇過條片就知江嘉敏把聲有幾煩,去到崩潰邊緣的她更加忍唔住問可唔可以爆粗,對住鏡頭大嗌:「好do高呀,我唔玩啦!」

江嘉敏激動到問劇組人員可唔可以爆姐?
江嘉敏激動到問劇組人員可唔可以爆姐?
江嘉敏搞足個半鐘都唔肯去馬,導演擔心攝影機沒電,恐嚇她冇電就要明天再拍,江嘉人敏惟有硬著頭皮。
江嘉敏搞足個半鐘都唔肯去馬,導演擔心攝影機沒電,恐嚇她冇電就要明天再拍,江嘉人敏惟有硬著頭皮。
全世界等江嘉敏踏出第一步,主持人奶仔亦忍唔住爆粗叫她快啲。
全世界等江嘉敏踏出第一步,主持人奶仔亦忍唔住爆粗叫她快啲。
江嘉敏全程都是大叫,嘈到爆!
江嘉敏全程都是大叫,嘈到爆!
江嘉敏史上最醜最冇儀態演出。
江嘉敏史上最醜最冇儀態演出。

 

江嘉敏半空吊繼續鬧人

踏出第一步後的江嘉敏又衝口而出大叫:「我收山啦,我唔拍劇啦!」劇組更狠心把她停在半空,令江嘉敏驚到花容失色,被半空吊將近10秒的她繼續鬧唔停,主持人與劇組都被她鬧勻,明知江嘉敏有畏高都安排她去玩飛索,一定係江嘉敏平時得罪人多稱呼人少啦!

吊在半空的江嘉敏繼續喊驚大鬧主持奶仔與劇組人員。
吊在半空的江嘉敏繼續喊驚大鬧主持奶仔與劇組人員。
江嘉敏話自己幾乎大部份鏡頭都係素顏。
江嘉敏話自己幾乎大部份鏡頭都係素顏。

 

好彩江嘉敏都有自知之明,叫大家睇片唔好開得太大聲!
好彩江嘉敏都有自知之明,叫大家睇片唔好開得太大聲!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地