杜如風拍《解風東京2》豪購無上限 懶理地震預言 反而擔心另一樣嘢？
廣告
由「日本旅遊達人」杜如風（Helen）主持的《解風》系列，登陸TVBPlus（82台），橫跨關東、關西及九州，成為該台王牌旅遊節目，更是收視保證。上周五Helen再度出走日本，懶理地震預言時間迫近，本住「我不入，誰入？」的精神，二刷《解風東京》，貫徹「拍到邊買到邊」風格，搜刮
當地最貼地「食玩買瞓」情報。
杜如風無懼地震預言：唔驚得咁多
Helen在個人IG貼出機場跟工作人員拍的大合照，並留言「人強馬壯嘅拍攝團隊又返嚟啦！我哋準備就緒，向東京出發！go go go！」她接受訪問時透露此次拍攝包保令觀眾耳目一新，她說︰「會有上次《解風福岡》咁精彩嘅小劇場同其他構思，包保有驚喜，同盡量多啲footage畀觀眾，一定精彩。」
對於有預言日本將會爆發大地震，Helen表示沒有看過該本預言漫畫，亦沒有太大擔心︰「日本係福地逢凶化吉，亦都唔驚得咁多。反而擔心東京太多好嘢，拍唔切啦。」她笑言東京新事物永遠介紹不完，因為拍攝趕不上新店舖及新事物出現，到當地旅遊更是永不會悶。
杜如風：我去買嘢從來都冇上限
另外從照片所見Helen帶同三個大喼同行，相信除出鏡服飾外，相信已預留空間擺放戰利品，被問到購物預算時，她豪言︰「我去買嘢從來都冇上限，亦唔會限住自己一個budget買嘢。」Helen的購物慾可以從18歲求學時期說起，試過一口氣買了35萬元衣服，代價是被媽咪剪掉所有信用卡。她笑言每趟出埠拍節目都是「白做」，因為大部報酬都花在購物上。此外，日本漫畫《我所看見的未來》於1999年出版，內裏記錄了作者龍樹諒15個「預知夢」，其中10則「夢境」都一一應驗，包括「日本311大地震」。龍樹諒下一預測是「2025年7月5日日本將有毀滅性大地震」，因此令不少有意「回鄉」的港人猶豫。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：TVB
