方力申同Stephy分手後四年冇拖拍 陳瀅篤爆小方媾過佢

影視娛樂

廣告

方力申和鄧麗欣(Stephy)拍拖十年,由婚訊變分訊,Stephy現和台灣藝人王子邱勝翔發展姊弟戀。方力申在節目《Tiger’s Talk》上直言分手後四年來一直單身,同場嘉賓陳瀅立即爆料指小方媾過佢,曾約單獨食飯,搞到小方勁尷尬。

原文刊於《東方新地》

 方力申、唐詩詠及陳瀅在最新一集清談節目《Tiger
方力申、唐詩詠及陳瀅在最新一集清談節目《Tiger’s Talk》任嘉賓,互相爆料。

由伍詠薇、阿Bob林盛斌主持的《Tiger’s Talk》最新一集,邀請了聲稱單身的方力申、唐詩詠、陳瀅任嘉賓,方力申同鄧麗欣呢對鏡頭前後的真拖友,拍拖十年未能修成正果,最後分手收場,Stephy其後戀上台灣藝人王子,小方在節目中坦言分手後近四年來未有新戀情。

 小方在節目指自己分手後一直未有新戀情,因為大家會以為同佢一齊便要「埋單」一定要結婚生仔,可能因此而令女仔退步。
小方在節目指自己分手後一直未有新戀情,因為大家會以為同佢一齊便要「埋單」一定要結婚生仔,可能因此而令女仔退步。

阿Bob爆方力申要求介紹後生女

 小方話阿Bob曾為他介紹女仔,但一個係剛喪夫一個係剛離婚,阿Bob話小方想要後生女,小方坦言:「因為都想生小朋友,我係大仔有壓力呀﹗」
小方話阿Bob曾為他介紹女仔,但一個係剛喪夫一個係剛離婚,阿Bob話小方想要後生女,小方坦言:「因為都想生小朋友,我係大仔有壓力呀﹗」
 小方又話過去拍拖,冇一個女仔同佢傾到結婚問題,被阿Bob追問:「上一段嗰個都冇?」小方立即口窒窒答:「最後先做咪冇用囉﹗」在旁的唐詩詠即笑佢自己設陷阱畀自己﹗
小方又話過去拍拖,冇一個女仔同佢傾到結婚問題,被阿Bob追問:「上一段嗰個都冇?」小方立即口窒窒答:「最後先做咪冇用囉﹗」在旁的唐詩詠即笑佢自己設陷阱畀自己﹗

小方約女次數:「一隻手數到﹗」

主持之一阿Bob話小方好少約異性單獨約會,所以錯失不少姻緣,小方解釋:「因為係我出道嗰個年代好多狗仔隊,慣咗收埋自己,所以我人生同單身而又有機會發展嘅女仔係好少,一隻手數得晒。」

 陳瀅話自己過去唔知自己想要甚麼類型男仔,所以一直在找尋。
陳瀅話自己過去唔知自己想要甚麼類型男仔,所以一直在找尋。

爆小方屎橋媾女法

小方話自己甚少約女單獨出街,陳瀅立即玩踢爆:「佢(指小方)有約過我,有一日突然問我可唔可以同佢單獨食飯,但後來冇發生到嘅,事緣因為疫情我由溫哥華返嚟,佢怕我悶就叫我打電話畀個星座專家,個星座師傅話我2023、24年會同個點樣點樣嘅男仔結婚,個男仔係屬猴嘅,之後我打番畀小方,同佢講個師傅同我講咗啲乜,佢話個師傅又係咁同佢講,佢又咁啱係屬猴嘅,所以懷疑佢畀錢個師傅。」陳瀅踢爆小方曾對她有意,更暗笑小方的屎橋媾女法未能成事﹗

 陳瀅突然自爆自己ready結婚,遇合適唔介意做主動,隨後立向小方伸手,又除下自己戒指遞給小方,示意對方為自己戴上,當眾「逼婚」。
陳瀅突然自爆自己ready結婚,遇合適唔介意做主動,隨後立向小方伸手,又除下自己戒指遞給小方,示意對方為自己戴上,當眾「逼婚」。

陳瀅評小方:「除咗心地好我諗唔到啲咩﹗」

陳瀅被伍姑娘大逼供係咪專釣金龜?陳瀅直言過去拖友富貴同冇錢都有,又豪言:「其實我自己搵到錢嘅﹗」小方又笑指陳瀅一定飛人居多,陳瀅一臉認真話:「上一段感情我係被人飛嘅﹗」主持又問陳瀅鍾意咩類型男仔?陳瀅即指住小方,大讚佢心地好:「我成日都媾佢㗎,你哋唔信咩?我覺得佢真係好男仔,心地好,不過心地好之外諗唔到啲咩﹗」

 主持伍姑娘和阿Bob起哄叫小方為陳瀅戴戒指,唐詩詠又叫小方大膽啲,不過小方都唔就範,笑住一手拍開陳瀅隻手度。
主持伍姑娘和阿Bob起哄叫小方為陳瀅戴戒指,唐詩詠又叫小方大膽啲,不過小方都唔就範,笑住一手拍開陳瀅隻手度。
 大家笑小方冇膽,陳瀅又笑畀埋戒指小方,小方都識做,小方話:「佢(指陳瀅)有咩唔好呢,就係唔知幾時講真幾時講假﹗」
大家笑小方冇膽,陳瀅又笑畀埋戒指小方,小方都識做,小方話:「佢(指陳瀅)有咩唔好呢,就係唔知幾時講真幾時講假﹗」

陳瀅逼小方當眾「求婚」

陳瀅爆曾被小方追求,小方一臉尷尬,而陳瀅的情緒愈來愈高漲,表現勁high,又話自己過去因為唔知道咩類型男仔合適自己,所以前度非同一類別男仔,每次拍拖都係慢慢了解才知是否合拍,但現在心態卻完全改變,因為現在已經ready結婚,所以如遇到心儀對象會主動出擊,隨即將自己手上的戒指除下遞給小方,阿Bob和伍姑娘起哄:「嚟啦,隻手伸咗出嚟,戒指呀,戴上去啦﹗」小方呆坐唔識畀反應,陳瀅硬把戒指塞畀小方:「戒指畀埋你,唔使買呀﹗」小方拍落陳瀅手度,並拎住戒指戴上自己尾指,唔中陳瀅的圈套為她戴上戒指。

 唐詩詠識趣起身同小方掉位,小方勁尷尬,陳瀅情緒異常高漲,不停拍打又捽小方手臂。
唐詩詠識趣起身同小方掉位,小方勁尷尬,陳瀅情緒異常高漲,不停拍打又捽小方手臂。
 陳瀅不停狂笑,被阿Bob笑佢演技一流,伍姑娘笑謂係真表現,繼續努力撮合二人。
陳瀅不停狂笑,被阿Bob笑佢演技一流,伍姑娘笑謂係真表現,繼續努力撮合二人。

陳瀅主動「合巹交杯」

坐在小方同陳瀅中間的唐詩詠聯同阿Bob、伍姑娘玩嘢起身走人,笑言留給二人相處機會,小方尷尬地飲紅酒遮醜,陳瀅便愈來愈興奮,不停拍打又捽方力申手臂,然後拎起紅酒,主動翹實小方隻手玩「合巹交杯」小方嚇到呆咗,最後又玩埋拋花球,陳瀅最為盡興﹗
方力申同陳瀅三年前曾傳緋聞,被影到結伴到蘭桂坊,有指是糖妹做媒人,有指當時陳瀅剛與賭王仔猷亨分手,近月有傳陳瀅同賭王仔猷亨復合,7月時一連兩日現身賭王葬禮上,看來小方今次又係無米粥﹗ 方力申同Stephy分手後四年冇拖拍 陳瀅篤爆小方媾過佢

最後阿Bob同伍姑娘、唐詩詠起身走人,伍姑娘更笑言將時間交畀方生方太,小方尷尬到飲紅酒。

 點知笑唔停的陳瀅一手翹落方力申隻手度,大玩合巹交杯,小方嚇到呆在當場,陳瀅繼續放聲狂笑。
點知笑唔停的陳瀅一手翹落方力申隻手度,大玩合巹交杯,小方嚇到呆在當場,陳瀅繼續放聲狂笑。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

最新吃喝玩樂資訊