Vicky張嘉盈
Vicky張嘉盈

戀愛Staycation|Vicky張嘉盈第5集加入戰團 IG起底驚現男友行踪非單身?

影視娛樂

廣告

ViuTV最新一部真人騷節目《戀愛Staycation》7月25日起首播,去年曾招募一眾單身男女報名,一齊免費住大屋玩Staycation,這個戀愛配對節目被指似足由日本同Netflix聯合製作的真人騷節目《雙層公寓》,一眾索女包括KOL Vicky(張嘉盈)、曾參選ViuTV《最後一屆口罩小姐選舉》的中醫甄茵、娟姐(練美娟)、Shirley(沈殷怡)同Mishy(李昭南)等,都爭住率先報名!

相關文章|戀愛Staycation|Viu拍港版《雙層公寓》7月過聖誕?單身4男4女起底

28歲的KOL Vicky樣子甜美,因貌似薛凱琪,獲近20,000位followers追捧。
28歲的KOL Vicky樣子甜美,因貌似薛凱琪,獲近20,000位followers追捧。(圖片來源:IG@vickycheungg)
Vicky精通英、韓語,現任職秘書和KOL。
Vicky精通英、韓語,現任職秘書和KOL。(圖片來源:IG@vickycheungg)

Vicky貌似薛凱琪 朋友撐參賽

28歲的KOL Vicky樣子甜美,因貌似薛凱琪,獲近20,000位followers追捧,近日她有份參與ViuTV最新一部真人騷節目《戀愛Staycation》,一眾單身男女共處一屋,大玩長達兩星期的Staycation,八男女在兩星期分組單獨約會,為求真愛各人都使出渾身解數。日前Vicky接受《東方新地》訪問,談到家人和朋友點睇她參加戀愛真人騷?她笑言:「我冇同屋企人講係拍咩性質呀,費事解釋咁多啦!朋友都係兩睇,一方面覺得有機會就去玩吓,另一方面係叫我諗自己會唔會handle到俾人評論嘅壓力,不過佢哋個人比較樂觀正面,所以都支持我參加。」

Vicky的IG有不少水着相,經常收到狂迷的猥瑣留言。
Vicky的IG有不少水着相,經常收到狂迷的猥瑣留言。(圖片來源:IG@vickycheungg)

Vicky做過空姐現職秘書

Vicky在理工大學畢業,主修英文,副修韓文,甚有語言天份,她讀書時已獲垂青:「大學時開始有part time做model接吓job。」畢業後做過秘書,在國泰做過兩年空姐,可惜因為大裁員,因緣際會之下做了KOL:「我都好鍾意飛,好開心!除咗做KOL,我都有份正職做秘書。」在Vicky的IG有不少靚相和水着相,經常收到狂迷的猥瑣留言,她對此一笑置之:「唔驚,唔係見到真人,由得佢!」

Vicky左)曾做空姐兩年,可惜遇大裁員。
Vicky(左)曾做空姐兩年,可惜遇大裁員。(圖片來源:IG@vickycheungg)

Vicky有個Banker「豬隊友」

在Vicky的IG有位她稱為「豬隊友」的Stanley Siu,二人行為親密,問她是男朋友嗎?她笑言:「唔係,係好朋友!」據知Stanley是一名Banker,也是KOL,現年25歲,與Vicky關係匪淺,他在IG踢爆Vicky每年的生日願望是「出pool,過少奶奶生活!」談到擇偶條件,Vicky笑言:「成熟,會為自己做嘅決定同行為負責,有上進心,有安全感,個人夠穩陣,唔好悶,要高過我同年齡大過我。」咦!Vicky參加完《戀愛Staycation》會唔會好快願望成真出pool呢?

Vicky與豬隊友Stanley的合照多隱藏在男方IG,她澄清二人只是好朋友。
Vicky與豬隊友Stanley的合照多隱藏在男方IG,她澄清二人只是好朋友。(圖片來源:[email protected]

即睇網紅Vicky性感靚相:

單身網民期待:機會嚟啦飛雲

網民都對《戀愛Staycation》這節目充滿興趣,不停在社交網Tag自己的單身朋友,並附上「機會嚟啦飛雲!」等字句,其中麗英同專家Dickson都被網民狂Tag。而早前曾向張致恒(Steven)追債的𡃁模Naomi(馮鎵瀠),就慨嘆自己已非單身,話希望ViuTV開拍多些可以讓情侶們參加的節目。不過也有網民投訴這個節目年齡限定在18至35歲,認為這是在歧視超過35歲的單身男女。

Vicky表示朋友很支持她參加《戀愛Staycation》,務求盡快出pool。
Vicky表示朋友很支持她參加《戀愛Staycation》,務求盡快出pool。(圖片來源:ViuTV)
Vicky ViuTV的戀愛配對真人騷節目,被指設定似足《雙層公寓》。
ViuTV的戀愛配對真人騷節目,被指設定似足《雙層公寓》。(圖片來源:ViuTV)
Vicky 《戀愛Staycation》7月25日起首播,招募一眾單身男女住大屋玩Staycation。
《戀愛Staycation》7月25日起首播,招募一眾單身男女住大屋玩Staycation。(圖片來源:ViuTV)

Vicky張嘉盈曾經任職邊行?

原來Vicky受疫情影響被裁員,而轉職KOL⋯⋯詳情請看

Vicky張嘉盈為何第一集未出場?

《戀愛Staycation》8位參加者年齡介乎18至35歲,參加資格首要是「單身」,他們分別是⋯⋯詳情按此

撰文:東方新地圖片來源:IG@vickycheungg、、ViuTV、[email protected]資料或影片來源:原文刊於東方新地