加蔥
加蔥

微辣加蔥澄清沒逼前女友阿晶墮胎 激動直播:佢開頭都話唔得嘅

影視娛樂

廣告

微辣加蔥(林茂發)自去年宣布與前經理人兼女友阿晶分手後,風波不斷。前日(15日)阿晶突然在IG開直播,踢爆加蔥強迫自己墮胎的內幕,之後加蔥同日即在YouTube直播激動澄清:「開頭我係話生出嚟!」二人各執一詞引起網民熱議。

文:東方新地 |圖:IG@on99magic、IG@laochengin、YouTube@Nathan Lam加蔥

阿晶踢爆被加蔥逼墮胎

微辣藝人加蔥(林茂發)與前經理人兼前女友阿晶在2021年初正式宣布分手,雖然阿晶亦在上年9月正式離開微辣,但二人分手後卻惹起連串風波。前日(15日)阿晶突然在IG開直播,踢爆加蔥強迫自己墮胎的內幕,更在直播中致電加蔥要求對質,但男方並沒有回覆。

微辣加蔥直播澄清沒逼前女友阿晶墮胎
前日(15日)阿晶突然在IG開直播,踢爆加蔥曾強迫自己墮胎的內幕。(圖片來源:IG@laochengin)
阿晶更在直播中致電加蔥要求互相對質,但男方並沒有回覆。(圖片來源:)
阿晶更在直播中致電加蔥要求互相對質,但男方並沒有回覆。(圖片來源:IG@laochengin)

加蔥:開頭我係話生出嚟

但加蔥同日即在YouTube開直播回應阿晶的指控:「首先我從來冇講過冇BB呢樣嘢,所有決定都係我哋嘅決定或者佢嘅決定,就係咁簡單。我係冇逼過佢做任何嘢,我係有晒record,全部有紀錄。當我一開頭知道有小朋友嘅時候,我係話生出嚟嘅,我唔介意生出嚟,養囉。咁佢開頭都話唔得嘅,佢唔想要,我仲同佢講『我身邊啲朋友都係咁樣,咪照返工囉』,咁佢就話『唔要呀,生嗰個又唔係你,點解要承受啲咁嘅嘢』。後尾一段日子後,大家有傾過好多嘢,我都覺得唔係好適合,我唔適合,大家都唔適合,佢有再問我要唔要嘅,我真係講過我唔想要嘅,但我尊重你決定,咁最後佢都決定唔要,係大家嘅責任,肯定唔係我逼佢先囉,我冇逼過佢。呢個係事實,我真係未ready,大家都未ready老實講。」而阿晶亦有在直播中以文字多次留言:「喂,係咪對質」、「​你陪我去醫院係咪發過脾氣?」

微辣加蔥直播澄清沒逼前女友阿晶墮胎
微辣人氣藝人加蔥(林茂發)。(圖片來源:IG@on99magic)
微辣加蔥直播澄清沒逼前女友阿晶墮胎
對於被阿晶的指控,加蔥同日即在YouTube開直播澄清。(圖片來源:YouTube@Nathan Lam加蔥)
微辣加蔥直播澄清沒逼前女友阿晶墮胎
加蔥在YouTube開直播澄清時,阿晶亦有在線觀看,並不斷留言要求對質。(圖片來源:YouTube@Nathan Lam加蔥)
(圖片來源:)
加蔥在直播中展示與阿晶的對話內容,以表清白。(圖片來源:YouTube@Nathan Lam加蔥)
微辣加蔥澄清沒逼前女友阿晶墮胎 激動直播:
加蔥表示開頭是阿晶唔想要小朋友。(圖片來源:YouTube@Nathan Lam加蔥)

加蔥直認冇陪阿晶做墮胎手術

加蔥直認自己處理得確實不夠好,連阿晶進行墮胎手術時,自己亦沒有陪伴對方:「甚至佢做手術時我都唔係澳門,我就去咗香港做嘢,咁其實我係冇能力逼佢,我個人都唔係度。唔要小朋友呢個大家都唔啱,大家都有責任,做手術呢個我真係仆街嚟嘅,因為好早接咗job去香港,係做得好差。其實分開咗我同佢一路關係都幾好,但係佢不斷同人講我迫佢唔要個小朋友,有人同我講番佢後面做咗好多嘢,我唔係好想同佢直接對話,可以畀大家睇,其實我冇理佢好耐,其中一個導火線,有人見到我同個女仔睇戲,佢就叫人DM我問,嗰陣時我就好反感,都分開咗喇,我同邊個睇戲同你冇乜關係,我純粹想講番同佢一齊冇做任何一腳踏兩船嘅嘢。」

微辣加蔥直播澄清沒逼前女友阿晶墮胎
加蔥直認自己處理得確實不夠好,連阿晶進行墮胎手術時,自己亦未能陪伴對方。(圖片來源:YouTube@Nathan Lam加蔥)
微辣加蔥直播澄清沒逼前女友阿晶墮胎
加蔥再展示電話紀錄,表示與阿晶已經很久沒有聯絡,更不想直接對話。(圖片來源:YouTube@Nathan Lam加蔥)

IG發聯合聲明降溫

而昨晚(16/1)加蔥同阿晶突然在IG發聯合聲明為事件降溫,指今次風波因「不必要的誤會」產生,大家已經得到共識,雙方不會對此事作出任何回應,並向大家致歉。

微辣加蔥直播澄清沒逼前女友阿晶墮胎
二人聲明。(圖片來源:IG@on99magic)

有網友整合了時間線

  1. 有關墮胎應該是發生在2019年3-4月(原因是家蔥post既對話圖 3月24日)
  2. 加葱與晶於2021年1月宣布分手
  3. 2021年 10月,家聰被發現與女士約會,被爆「第三者」
  4. 2021年1月,加葱自己拍片澄清並發聲明

(有片)回應Jane直播

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:IG@on99magic、IG@laochengin、YouTube@Nathan Lam加蔥資料或影片來源:原文刊於東方新地