情人節甜蜜回帶！張繼聰海旁唱情歌冧謝安琪：老婆話要幾十年後都記得

撰文：新假期｜圖片：Instagram

張繼聰謝安琪情人節放閃

張繼聰與謝安琪都可算係圈中模範夫婦之一，一家四口幸福非常，不時都會在網上放閃！回顧返上年（2019年）的情人節，謝安琪事前同老公講唔想要任何物質嘢，「但係要難忘嘅冧豬嘅幾十年後都記得嘅」張繼聰會點做呢？

尖沙嘴海旁自彈自唱情歌

於是張繼聰昨晚帶謝安琪到尖沙嘴海旁，並借來結他即場演奏，對老婆深情唱出張學友經典情歌〈每天愛你多一些〉，引來大班途人圍觀！而謝安琪則在人群中靜靜地欣賞老公的演出，一直咧嘴甜笑，冧到爆！

唱到結尾時，途人都不禁尖叫歡呼，又狂嗌Encore，而張繼聰笑住講句「唔好意思，打攪晒」便放下結他離開。張繼聰在IG笑指自己邊唱邊淆底，「退咗役係咁上下」，希望大家不要介意佢唱得不夠好。

睇原片：

周國賢都有現身唱〈目黑〉

另外，原來另一歌手周國賢於上年情人節亦有在同一地點現身，拿起結他唱出代表作〈目黑〉，同樣吸引好多途人圍觀兼舉機拍攝！