姜濤
姜濤

21歲姜濤被指暗撻19歲「YOLO女神」Candy 女方曾與MIRROR另一成員…

影視娛樂

廣告

人氣男神姜濤將於本月30日踏入22歲,仍然A0的他近日忽然傳出緋聞,對象係現年19歲、近日有份主演ViuTV台慶劇《YOLO的練習曲》的Candy Wong,而傳出緋聞的原因係兩人同樣在今年情人節前夕各自post過一張中環街景照,疑似同遊中環,而女方原來之前曾經同Mirror另一成員Ian(陳卓賢)傳過緋聞!

文:東方新地|圖:Candy、姜濤及MIRROR IG圖片

姜濤 被指與Candy嗌大交後分手

姜濤近日被指曾於今年情人節前夕(2月13日)在自己的IG Story上載了一張中環荷李活道的街景相,並寫上:「完了 迷路了」,而Candy亦在同一日於IG Story中上載了同一條街的街景相,兩人的相片中都能夠見到同一個生果檔,明顯是在同一地方拍攝。

姜濤 Candy Ian
男團MIRROR近年人氣爆燈,尤其姜濤更是人氣王。
姜濤 Candy Ian
姜濤曾在今年情人節前夕上載了一張中環街景照,表示自己蕩失路。

但有指兩人在當晚同遊中環後,翌日即嗌大交並分手,在情人節當日,姜濤與MIRROR其他成員一起做直播騷時一直零笑容,當時他自稱身體不適,並自嘲孱弱說:「唔好搵我呢類人做男朋友。」

姜濤 Candy Ian
情人節當日,姜濤曾在直播時自嘲係孱仔,並說:「唔好搵我呢類人做男朋友。」

Candy 怨二次被玩

而女方Candy則在情人節翌日(15日)凌晨於IG Story出post表示:「原來乖嘅女仔,真係會畀人玩。仲要係一次二次」、「呢條路,我究竟要點樣行,感覺自己點選擇,都好對唔住屋企人」,似受到感情創傷,但未有提到對方身份。

姜濤 Candy Ian
Candy曾被網民激讚為《YOLO的練習曲》中最靚的女團成員。

出道已有兩年的Candy Wong原名黃曉文,近日簽入太陽娛樂文化旗下,並改藝名為黃曦誼,2019年她曾與姜濤及Ian合作拍攝音樂微電影《戀愛要在生日前》,之後電影中片段更被剪輯作姜濤〈亞特蘭提斯〉MV以及Ian(陳卓賢)〈另一個諾貝爾〉MV。

姜濤 Candy Ian
Candy曾在2019年與姜濤及Ian合作拍攝音樂微電影《戀愛要在生日前》。
姜濤 Candy Ian
片中姜濤和Ian兩大男神一齊爭奪Candy。
姜濤 Candy Ian
姜濤仲有餵Candy食雪糕嘅鏡頭。

曾和Ian互相取關

在合作拍攝音樂微電影之後,三人曾在IG互相關注,還經常互like對方出的新post,當時亦有Candy和Ian拍拖的傳聞,但之後Candy和Ian忽然互相取消關注,去年曾有網友問Candy仲有冇同Ian保持聯絡?Candy斬釘截鐵答:「No」。

姜濤 Candy Ian
Candy曾斬釘截鐵話冇再同Ian保持聯絡。

當時亦有網友問她有否同姜濤保持聯絡,Candy回答:「都有嘅,但很少」,而當有網友問她為何unfollow Ian?她就回答:「好多人都關心呢個問題⋯⋯如果合作過或者係朋友,我一向都唔會先unfollow人的」,暗指是Ian先unfollow她。

姜濤 Candy Ian
Candy曾表示有同姜濤保持聯絡。
姜濤 Candy Ian
Candy暗指是Ian先unfollow她,所以她才會unfollow對方。

有指Ian當時是逼於女友壓力而unfollow所有曾過從甚密的女性朋友IG,而據知Ian在去年拍攝《無限斜棟有限公司》時已撻著現時女友盧慧敏(Amy)。

姜濤 Candy Ian
有指Ian當時是逼於女友壓力而unfollow所有曾經和他過從甚密的女性朋友IG。
姜濤 Candy Ian
Candy直到現在都冇follow番Ian,但仍然有follow姜濤。

Candy回應:合作完後無見面

對於今次與姜濤傳出緋聞,Candy回應傳媒提問時,解釋自己在IG Story所寫只是突然有感而發,她強調自己無同姜濤拍過拖,並指兩人自前年合作完後就無再見面。

姜濤 Candy Ian
Candy指自己現在是單身,理想對象要像韓星孔劉一樣有型。

其實今次並非姜濤首次同女仔傳出緋聞,去年姜濤就曾被拍得與網紅Anjan一同逛街,因而傳出兩人拍拖,但已被姜濤否認,並指和對方只是剛相識的朋友。

姜濤 Candy Ian
有不少網友指在4月《YOLO》播出後,才搵出2月時疑似拍拖的IG相作證據,相信是女方新簽的經理人公司故意為Candy炒作人氣。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..