回家 公屋
回家 公屋

回家|盤點23公屋出身名人藝人 視帝黎耀祥重返順利邨眼紅紅憶亡母

影視娛樂

廣告

娛樂圈有不少藝人都係基層出身,在圈中打拼多年,默默耕耘,先有出頭天!近日無綫節目《回家》就訪問了多位在公屋長大的藝人,包括黎耀祥、森美、黎諾懿、謝君豪、吳業坤、導演韋家輝及其弟韋家雄人等,而節目以外,仲有張曦雯、李佳芯等藝人,都係住公屋出身!

23位娛樂圈出身公屋名人藝人 原來佢哋都係屋邨仔女!

1.黎耀祥@順利邨

三屆視帝黎耀祥曾在14、5歲搬入觀塘順利邨居住,原來他的父親任職消防員,一家八口曾住在紅磡消防局宿舍,到他讀中學時,獲政府安排入住九龍順利邨公屋,由讀書到出來社會工作,黎耀祥在順利邨一共住了十多年。講起當年嘅屋邨生活,祥仔相當回味,佢話當年大家開飯唔使睇鐘,而無靠《六點半新聞報道》嘅前奏音樂做提示:「一聽到TVB新聞報道之前嗰個音樂,你就知係六點半,大家就會開始食飯。」

回家 公屋 公屋 黎耀祥重遊觀塘順利邨,感觸良多。
黎耀祥在節目中重遊觀塘順利邨,感觸良多。(圖片來源:TVB《回家》節目截圖)
回家 公屋 黎耀祥提起亡母一度眼紅紅
黎耀祥提起亡母一度眼紅紅(圖片來源:TVB《回家》截圖)

井字型設計聞到隔離飯香 讚獨有人情味

祥仔話因為屋邨井字型嘅設計,令大家都會聞到隔離飯香,佢形容呢陣味,係屋邨獨有嘅人情味:「就算冇乜接觸人, 仍然感覺到好有人情味。你唔使約定,原來大家都喺度做緊同一樣嘢。」佢亦感觸因揭示雖然佢媽媽已經離開咗,但係好多媽媽嘅老朋友都仲健在,令佢感覺到媽媽嘅感情依然留喺順利邨。今集製作組為祥仔準備驚喜,搵嚟佢昔日藝訓班嘅好友兼舊街坊吳瑞庭現身,雖然佢哋有成廿年冇聯絡,但係一見面依然雞啄唔斷,祥仔仲還原佢同瑞庭當年影嘅合照。

回家 公屋 祥仔還原番自己同吳瑞庭當年嘅合照甫士。
祥仔還原番自己同吳瑞庭當年嘅合照甫士。(圖片來源:TVB《回家》截圖)
回家 公屋 祥仔同吳瑞庭嘅陳年合照。
祥仔同吳瑞庭嘅陳年合照。(圖片來源:TVB《回家》截圖)

2.森美@葵盛西邨

本月初剛踏入49歲的森美童年於葵盛西邨長大,父親任職消防員,曾就讀聖方濟愛德小學以及名校聖士提反書院、喇沙書院和新亞書院等學校,會考以25分(1A5B)畢業進入中大。森美笑稱成條葵盛西邨都係「自己屋企」 ,去到屋邨每一處均能撞到老友。

回家 公屋 公屋 回家 森美街童上身,回到成長地完全沒有陌生感覺!
森美街童上身,回到成長地完全沒有陌生感覺!(圖片來源:TVB《回家》節目截圖)
回家 公屋 公屋 回家 森美同一班街坊打成一片。
森美同一班街坊打成一片。(圖片來源:TVB《回家》節目截圖)

3.謝君豪@彩虹邨

金馬影帝謝君豪在彩虹邨長大,接近20年未踏足成長地,今次回到彩虹邨,見到大小事物均感新鮮,更充滿興致挑戰年齡限制,大玩童年強項「消防員式」瀡落後樓梯,又走訪當年經常流連的錶舖、士多、麵包舖及茶餐廳等,他感嘆說:「這裏當年是天堂,當你由劏房搬來這處,又有自己廁所、廚房,仲唔係天堂係咩?」

回家 公屋 公屋 謝君豪重回彩虹邨,見到大小事物均感新鮮。
謝君豪重回彩虹邨,見到大小事物均感新鮮。(圖片來源:TVB《回家》節目截圖)

4.吳業坤@樂富橫頭磡邨

「坤哥」吳業坤在樂富橫頭磡邨長大,來自單親家庭的他入行前家境坎坷,曾經拎過綜援,不過2010年他參加《超級巨聲2》入行後,努力儲錢10年,終在2020年成功上車,早前更迎娶了日本老婆,成為港男之光。

回家 公屋 公屋 坤哥從不介意被標籤為「公屋仔」,認為住公屋一啲都唔失禮。
坤哥從不介意被標籤為「公屋仔」,認為住公屋一啲都唔失禮。(圖片來源:TVB《回家》節目截圖)

5.黃智賢@荃灣象山邨

黃智賢小時候曾居住在荃灣象山邨,並就讀於該區的路德會吕明才中學。一直拒做樓奴的他,在2019年為太太豪擲895萬購入西貢大屋,現市值已升到過千萬。

回家 公屋 公屋 黃智賢近日有份演出邵氏重頭劇《廉政狙擊》。
黃智賢近日有份演出邵氏重頭劇《廉政狙擊》。(圖片來源:TVB《回家》節目截圖)

6.導演韋家輝及其弟韋家雄@港島華富邨

韋家輝與韋家雄兩兄弟小時候曾居住在港島華富邨,並就讀邨內廣悅堂基悅小學的下午校。他們父親是一名商人,在華富邨內經營小型塑膠廠生意,後因婚外情而離棄兒女及妻子,令韋家四兄弟妹與母親的生活變得貧困,更要一度寄居在九龍土瓜灣的舅父家中。住了一段時間後,他們便獲政府分配徙置區單位,安排移居山谷道邨。

回家 公屋 公屋 韋家輝與韋家雄兩兄弟的故事,也是《新紮師兄》的故事原型。
韋家輝與韋家雄兩兄弟的故事,也是《新紮師兄》的故事原型。(圖片來源:TVB《回家》節目截圖)
回家 公屋 公屋 韋家輝與韋家雄兩兄弟首次在螢光幕前同框現身。
韋家輝與韋家雄兩兄弟首次在螢光幕前同框現身。(圖片來源:TVB《回家》節目截圖)

7.黎諾懿@屯門友愛邨

個個都話成功需要父幹,但就算冇父幹,憑後天努力一樣可以打出個名堂,在屯門友愛邨出身的黎諾懿,在小時候爸爸因病離世,靠媽媽獨力撫養兄弟三人。

回家 公屋 公屋 黎諾懿小時候在屯門友愛邨長大。
黎諾懿小時候在屯門友愛邨長大。(圖片來源:TVB《回家》節目截圖)

黎諾懿12年在處境劇《愛·回家》中擔正男主角,飾演馬壯一角大獲好評,自此,一講「神之子」,就係人都知係邊個。

回家 公屋 公屋 基層藝人
(圖片來源:新傳媒照片庫)

2014年,黎諾懿與家族資產近5億嘅李潔瑩結婚,被封「5億駙馬」,3年後囝囝出世,去年再添多個兒子,黎諾懿有仔萬事足,近年為做個好爸爸同好老公而努力不懈!

回家 公屋 公屋 黎諾懿帶埋囝囝一齊上節目。
黎諾懿帶埋囝囝一齊上節目。(圖片來源:TVB《回家》節目截圖)

8.黃金寶@沙田瀝源邨

車神黃金寶成就了由屋邨踩單車踩到亞運的一代傳奇,原來他在沙田瀝源邨長大,爸爸以前在屋邨做五金,他由小學二、 三年班時就開始踩單車出去玩,一路由沙田踩到馬鞍山,結果將單車變成了他一生的事業和最愛。

回家 公屋 公屋 黃金寶
黃金寶成為由屋邨踩單車踩到亞運的一代傳奇。(圖片來源:TVB《回家》節目截圖)

9.黃錦星@慈雲山沙田坳邨

前環境局局長黃錦星曾和家人一家9口住在唐樓板間房,到他讀幼稚園時成功「上樓」,搬到九龍慈雲山沙田坳邨居住,一直到他大學畢業開始工作後才搬走。

回家 公屋 公屋 黃錦星
黃錦星(圖片來源:TVB《回家》節目截圖)

10.陳浩源@荃灣石圍角邨

輪椅羽毛球運動員陳浩源成長於荃灣石圍角邨,自小在屋邨中培養出玩足球和羽毛球的興趣,去到中學才選擇主攻羽毛球,不過都只係業餘,直到23歲,他因車禍失去左腳,成為首位輪椅羽毛球運動員,2021年更奪得東京殘疾人奥運會羽毛球男子WH2級單打銅牌。

回家 公屋 公屋 陳浩源
陳浩源(圖片來源:TVB《回家》節目截圖)

11.莫儉榮@彩雲邨

曾獲選為香港十大傑青的失明社工莫儉榮,現時是香港傷健共融網絡總幹事,小時候他曾住在黃大仙木屋區,之後入住位於黃大仙區飛鵝山山腳的彩雲邨,6歲時被眼疾奪去右眼視力,13歲時更因一次意外而雙目失明。

回家 公屋 公屋 莫儉榮
莫儉榮(圖片來源:TVB《回家》節目截圖)

12.張曦雯@黃大仙下邨

張曦雯原來出自草根家庭,小時家住黃大仙下邨係名副其實屋邨妹,父親做技工阿媽幫人做facial,十歲得父母鋪路移民美國才改寫人 生,在芝加哥修畢大學企業管理系,回港選華姐一夜成名。據知情 者透露:「雖然佢家境一般,但佢爸爸媽媽好辛苦賺錢,都係為咗供 佢讀大學,仲鋪晒路移民等佢將來可以過更好嘅生活,佢爸爸篤信 命理,Kelly兩歲時因為有相士話佢改名可以更好運,佢阿爸信到十 足!將佢個名由詠欣改做𣌀-雯!」

回家 公屋 公屋 基層藝人
(圖片來源:新傳媒照片庫)

後嚟十幾歲移民美國,除咗喺芝加哥大學企業管理系畢業,回港後更因選華姐而一舉成名!

回家 公屋 公屋 基層藝人
(圖片來源:新傳媒照片庫)

13.李佳芯@柴灣興民邨

2018年曾經封為視后,現為無綫一線花旦的李佳芯(Ali),其實出身於基層家庭,自小就與家人居住在柴灣興民邨,以前試過同朋友夾份開髮型屋,斟茶遞水咩都做齊!《尋人記》其中一位主角更是李佳芯的鄰居。

回家 公屋 公屋 基層藝人
現為無綫一線花旦之一的女神李佳芯出身於基層家庭,自小在柴灣興民邨長大。(圖片來源:新傳媒照片庫)

李佳芯在接受傳媒訪問時表示不覺得自己高人一等,因為有昔日的生活才會有今時今日的自己,所以不會因為事業到達了某一個位置而推翻以前的自己。

回家 公屋 公屋 基層藝人
在成名後,李佳芯一直沒有忘本,不少傳媒亦經常拍到她到屋邨光顧平民小店。(圖片來源:新傳媒照片庫)

14.吳千語@沙角邨

近年事業愛情兩得意的吳千語,不但在內地人氣急升,與坐擁百億身家的緋聞男友施伯雄亦愛得高調。現在非常富貴的吳千語,原來自小在沙田沙角邨長大,父親亦曾經在街市斬叉燒養活一家。有指吳千語家人從小栽培吳千語,務求令吳千語盡快躋身於上流社會。入行後與林峰的戀情曝光後,身價三級跳,最近與百億富豪施伯雄交往的吳千語更在香港搬入市值5千萬的中半山豪宅,時不時在社交平台大曬豪宅,準備隨時嫁入豪門。

回家 公屋 公屋 屋邨 自小在沙田沙角邨長大的吳千語,現在搬入市值5千萬的中半山豪宅,時不時在社交平台大曬豪宅,準備隨時嫁入豪門。
自小在沙田沙角邨長大的吳千語,現在搬入市值5千萬的中半山豪宅,時不時在社交平台大曬豪宅,準備隨時嫁入豪門。(圖片來源:IG@karena_ngs)

15.文詠珊@梨木樹邨

Janice Man當年𡃁模出身,與Angelababy同為𡃁模始祖,近年轉戰影圈,獲提名過香港金像獎最佳女配角!話說JM一家人因受97年金融風暴影響,一家人由私人屋苑搬到梨木樹邨公屋居住,14歲就已經入行!

回家 公屋 公屋 基層藝人 𡃁模出身嘅JM,曾被譽為「𡃁界女神」。
𡃁模出身嘅JM,曾被譽為「𡃁界女神」。(圖片來源:新傳媒照片庫)
回家 公屋 公屋 基層藝人 今日,JM比往日更靚。
今時今日,JM更加靚。(圖片來源:新傳媒照片庫)

Janice Man近年𡃁模味漸褪,於2007年起接拍不少電影,至近年更憑電影《赤道》及《寒戰II》入圍第35及36屆香港電影金像獎最佳女配角,努力有目共睹!

回家 公屋 公屋 基層藝人 《赤道》劇照。
《赤道》劇照。(圖片來源:新傳媒照片庫)

16.王敏奕@柴灣漁灣邨

王敏奕,其實喺單身家庭長大,自小家境麻麻,以前與媽咪及兩個細佬住喺柴灣漁灣邨百呎公屋。

回家 公屋 公屋 基層藝人
(圖片來源:新傳媒照片庫)

王敏奕14歲時已經半工讀,做兼職平面模特兒養家,搵錢幫補家計,但剛出道時工作唔多,佢自己亦曾自爆當時收入少到「試過戶口一百蚊都冇!」。

回家 公屋 公屋 基層藝人 《麻雀王》 劇照 。
《麻雀王》 劇照 。(圖片來源:新傳媒照片庫)
回家 公屋 公屋 基層藝人 《飛虎之潛行極戰》劇照。
《飛虎之潛行極戰》劇照。(圖片來源:新傳媒照片庫)

17.王祖藍@沙田恆安村

屋村出身嘅王祖藍,細個全家住喺沙田恆安村。祖藍因與阮兆祥、李思捷做《荃加福祿壽》開始走紅,一路以嚟靠自己密密工作,賺到盤滿缽滿。

回家 公屋 公屋 基層藝人
(圖片來源:新傳媒照片庫)

重返無綫前的王祖藍喺內地工作不斷飛撲埋身,賺錢能力高企,同時亦不忘對家人多加照顧。侍母至孝嘅佢就以3,700萬,買入自己寓所同屋苑連花園特色戶畀阿媽住。

回家 公屋 公屋 基層藝人 王祖藍
(圖片來源:新傳媒照片庫)

18.楊思琦@大坑西邨

有「慳妹」之稱嘅楊思琦,佢以前細個就住喺大坑西邨,據知佢慳家嘅目的係為咗可以儲錢置業。當年香港小姐冠軍嘅「思琦妹」曾為TVB花旦之一,其後離巢,結束13年賓主關係。

回家 公屋 公屋 基層藝人
(圖片來源:新傳媒照片庫)
回家 公屋 公屋 基層藝人 電視劇《翻叮一族》劇照。
電視劇《翻叮一族》劇照。(圖片來源:新傳媒照片庫)

19.鄧麗欣@屯門大興邨

鄧麗欣(Stephy)自細喺屯門大興邨長大,讀書時做過兼職模特兒,後來入埋娛樂圈發展。Stephy以組合Cookies成員身份出道、做過歌手,又拍過劇集同電影,樂壇同影壇產量亦有一定數量。曾經憑《空手道》喺金像獎提名最佳女主角,可惜不敵毛舜筠,失落獎項。

回家 公屋 公屋 基層藝人 電影《空手道》劇照。
電影《空手道》劇照。(圖片來源:新傳媒照片庫)

雖然Stephy出身屋邨,但出道打拼八年後,終於升呢入住貝沙灣大屋,身家更加豐厚,事實證明一分耕耘一分收穫!

回家 公屋 公屋 屋邨 在屯門大興邨長大的鄧麗欣,在經過多年打拼之後,近年更搬入貝沙灣豪宅,過著「小富婆」的生活。
在屯門大興邨長大的鄧麗欣,在經過多年打拼之後,近年已搬入貝沙灣豪宅,過著「小富婆」的生活。(圖片來源:IG@stboo)

20.林穎彤@葵芳邨

近年於《下流上車族》等作品中有亮眼表演的林穎彤,原來有個坎坷童年,自細喺葵涌葵芳邨長大。林穎彤曾經與母親接受鮑起靜訪問親述坎坷身世。林穎彤母親在訪問中親述在林穎彤1歲時,丈夫有婚外情,她遭丈夫拋棄。林母表示曾經帶林穎彤一起行乞度過難關:「我孭住1歲穎彤去天橋行乞,每晚大約九點到十二點三個鐘,天氣凍都照嚟,除咗落雨唔出嚟,就咁維持咗九個月,當時真係好絕望,好在有人教我哋申請綜緩﹗」

回家 公屋 公屋 屋邨 林穎彤自細喺葵涌葵芳邨長大,曾經與母親一起行乞度過難關。
林穎彤自細喺葵涌葵芳邨長大,曾經與母親一起行乞度過難關。(圖片來源:IG@bella_lam)

21.譚小環@華富邨

譚小環自小在華富邨長大。在1994年成為港姐冠軍後,在無綫出演過《法證先鋒》、《少年四大名捕》等劇集,星途並不算順利。在2014年正式淡出娛樂圈,改行賣魚蛋,譚小環和老公經營的飲食品牌「渣哥」在高峰期全港更有六間分店,譚小環都話賣魚蛋好賺過喺TVB拍戲。

回家 公屋 公屋 屋邨 在華富邨長大的譚小環,在2014年正式淡出娛樂圈,改行賣魚蛋。
在華富邨長大的譚小環,在2014年正式淡出娛樂圈,改行賣魚蛋。(圖片來源:FB@Tam Siu Wan Halina 譚小環)

22.唐寧@富善邨

有「童顏天花板」之稱的唐寧,近年淡出幕前,轉行做Youtuber叫人維修安樂窩。童星出身的唐寧自小從大埔富善邨出身,在8歲已經入行,拍過不少教育電視,全盛時期更是TVB數一數二的花旦。在2010年與「舞台劇才子」鄧偉傑結婚後,誕下一對仔女,可惜最後兩人離婚收場,唐寧亦成為單親媽媽,獨立照顧一對仔女。

回家 公屋 公屋 屋邨 有「童顏天花板」之稱的唐寧,亦是大埔富善邨出身
有「童顏天花板」之稱的唐寧,亦是大埔富善邨出身(圖片來源:IG@leilakong1205)

23.黃翠如@恆安邨

現在為上市公司總裁女兒的黃翠如,其實一樣出身清貧,讀小一的時候由木屋區搬到馬鞍山恆安邨,黃翠如與容祖兒、王祖藍等人更是樓上樓下的鄰居,三人識於微時。黃翠如隨後入行拍旅遊節目一炮而紅,在父親的公司上市之後,黃翠如亦成為百億千金。自從黃翠如和蕭正楠結婚之後,兩人便搬入大埔千呎獨立屋,兩人亦經常上傳在獨立屋豪宅的日常照片,意外曝光簡潔寬敞的愛巢。

回家 公屋 公屋 屋邨 現在為上市公司總裁女兒的黃翠如,讀小一的時候由木屋區搬到馬鞍山恆安邨,現在與蕭正楠搬入大埔千呎獨立屋愛巢。
黃翠如讀小一時曾由木屋區搬到馬鞍山恆安邨,現在與蕭正楠搬入大埔千呎獨立屋愛巢。(圖片來源:IG@wongtsuiyu)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:TVB《回家》節目截圖、新傳媒照片庫