中國移動香港5G 360度最奪目小姐親身試玩5G科技新玩意

Sep 25 2020

呢排多咗留喺屋企，成日要用視像開會見客，小朋友又要視像上堂補課，連帶夜晚煲劇打機，一屋人同時爭享流量真係唔多夠用，搞到成日上網都窒吓窒吓咁，好彩而家終於等到5G啦！但5G到底同4G有幾大差別呢？我哋前幾日就因利成便喺「中國移動香港5G 360度最奪目小姐」個頒獎典禮度見識過！

一眾得獎港姐在頒獎禮尾聲，與中國移動香港幾位高層，包括董事兼行政總裁李帆風先生來個大合照。

全港首個5G VR「泳裝 360」環節實時直播

如果有留意開早前嘅港姐選舉，相信都會發現今次利用咗中國移動香港嘅5G網絡進行直播，配合嶄新VR技術，破天荒開創全港首個實時360度直播泳裝環節！震憾視覺嘅高清畫面，加上多角度視角，令觀眾恍如置身現場一樣，就好似企喺啲佳麗中間咁！當晚觀眾可以喺UTV和MyLink App觀看直播，並投票選出心目中最心水嘅泳裝佳麗，成為今屆「中國移動香港5G 360度最奪目小姐」。

「中國移動香港5G 360度最奪目小姐」兼2020年度香港小姐冠軍謝嘉怡（左上）、亞軍陳楨怡（右上）、季軍郭柏妍（左下）及友誼小姐鄺美璇（右下）。

今次頒獎禮喺9月22 號，假中國移動香港中環旗艦店內舉行。當日除咗有得獎主角 -本年度港姐冠軍兼「中國移動香港5G 360度最奪目小姐」得主謝嘉怡外，仲有亞軍陳楨怡、季軍郭柏妍同友誼小姐鄺美璇一齊出席，場面熱鬧。同時，謝嘉怡亦有分享參選期間親身體驗5G嘅感受。

一齊嚟睇吓當日嘅花絮：

謝嘉怡坦言最難忘是10位佳麗站在台上，同步又能清楚從屏幕看見各人的樣貌身影。另亦讚嘆5G科技讓中國與巴基斯坦，兩地醫術得以跨時地交流互惠互助。

港姐們在重溫參賽當晚泳裝環節，期間工作人員更戴上VR眼罩，以第一身視覺走進360度泳裝會場進行互動，又帶大家走入博物館和海底潛水，叫大家玩得不亦樂乎。

現場展示5G和4G的網速比較, 結果顯示5G下載速度差不多達900Mbps（右），港姐們都不禁笑住話Speed真係好快！

港姐活動令5G科技更加入屋

期間，我哋亦訪問咗中國移動香港董事兼CEO李帆風先生（Sean），他表示疫情關係令今屆港姐競選未能邀請觀眾現場見證，於用想到透過公司嘅5G技術，把全港以至世界各地嘅觀眾帶進競選現場，同時亦藉著這個歷史悠久、觀眾面廣嘅電視節目，讓更多未曾接觸5G技術嘅朋友，以最簡單方便又有趣嘅方式體驗5G嘅樂趣。

超過十萬人次透過UTV及MyLink觀看直播

全港首次360度直播決賽泳裝環節吸引了超過10萬人透過 UTV及 MyLink觀看，帶動MyLink頁面瀏覽量突破81萬人次，更有近7萬5千 MyLink用戶投票，反應非常熱烈。Sean表示大家就算日後錯過咗任何大型音樂會、球賽或舞台劇，又或者買不到門票，也可以透過5G結合VR技術秒間置身現場，甚至可以從前所未有嘅舞台角度欣賞演出。