TATE米芝蓮餐廳升呢！1星晉升2星餐廳 靚女大廚開全新甜點店Date by TATE 即焗貝殻小蛋糕｜區區搵食
撰文：Lisa｜攝影：新傳媒攝影部
米芝蓮2021名單出爐！女廚餐廳TATE首奪2粒星
剛摘下2粒米芝蓮星及兼獲選《 全球50佳餐廳 》 亞洲最佳女廚師的 Vicky﹐ 早前因疫情關係，另開副線 Date by TATE，出品一系列糕餅和外帶美食， 當中有數款甜點，都很適合用作散水餅。另外Vicky 最近將餐廳底層改裝成美食生活用品專門店， 除了自家生產的糕餅，還有很多她親自挑選的家居用品， 比如手製香薰蠟燭、日本手製玻璃器皿、銀器餐具等， 最啱用來當 farewell gift 送給上司或死黨同事， 買禮物兼散水餅一站搞掂！
更多:Tate餐廳資訊+餐牌
1日出爐3次 南杏貝南杏貝殼蛋糕
眾多甜品蛋糕中，首推當然是每日1pm、3pm及5pm新鮮出爐的南杏貝殼蛋糕（Madeleine）。 無錯，很多餅店都有這種貝殼狀的可愛法式小蛋糕賣， 但 TATE 的出品，就是與別不同。 只因大廚 Vicky 喜歡在食物中加入中式材料，得原著神髓之餘，又有新意。 今次在貝殼蛋糕加入中式南杏，杏香濃得似呷了一口杏霜， 香氣脫俗，加上天天新鮮出爐，外脆內軟，令人一口接一口。
外脆內濕潤的法式小蛋糕，一入口就有杏霜般的香濃杏 仁氣息，原來用上南杏，比平時吃到的香氣更濃郁。
此外，造型靚絕的朱古力牛油麵包也很有驚喜，乍看似玫瑰朱古力撻， 但一咬，原來「 撻底 」是法式麵包 Brioche，口感實淨，充滿牛油香， 與上面70% 黑朱古力忌廉配搭，生出一柔一剛，一輕一重的對比。簡直好食得完全忘了打卡 !
外形極美，乍看以為是朱古力撻，其實朱 古力花花下是朱古力牛油麵包，口感實 淨，與上面輕巧的朱古力忌廉形成強烈對 比，朱古力香而不膩，打卡一流。
粉紅骰子朱古力 $80/12粒
還有兩款磅蛋糕，造功精細，質地綿密濕潤，有兩款口味。 清新的檸檬味，中間加入了蘋果蓉，增加口感， 蛋糕外層以柚子白朱古力包裹，有點杏仁碎，香氣天然。 朱古力迷就不能錯過黑松露口味， 濃郁的可可香中食到點點松露芳香， 原來大廚加了松露油，還有些少榛子醬， 難怪吃起來香氣很有層次，最重要是甜而不膩。另外也有不同口味骰子朱古力，$80/12粒，平均不用$7就有一粒。
蛋糕質地細密濕潤，檸檬清新優雅，外層 塗上杏仁粒柚子朱古力，酸甜有度。
白朱古力的甜膩與紅桑子的清 酸正好互配，加入脆米，食落 卜卜脆。
同樣是貝殻型，外邊微脆，內裡濕潤。（圖片來源：新假期編輯部）
很特別的糖果，入口淡淡桂花 清香，甜味清雅，外層帶脆。（圖片來源：新假期編輯部）
100%黑芝麻純香，加入脆米，口感香脆。（圖片來源：新假期編輯部）
黑色雪茄狀，以朱古力蛋糕包住紅 棗蓉夾心，配搭創新，吃落不甜 膩，如紅棗味再濃一點會更好。（圖片來源：新假期編輯部）
*向右掃看更多圖片
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
