Bagel全港11間餐廳/麵包店推薦｜必試伯爵茶麻糬／草莓巧克力／芝士貝果

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

May 12 2023

Bagel全港Top11推介！嚟自美國嘅Bagel，口感煙韌又夠飽肚，最近幾年更成為香港人氣美食，周圍都見到佢嘅蹤影，而且仲愈嚟愈多特色口味一反傳統，甚至有純素Bagel店，連蛋奶素食人士都照顧埋，真係會令人墮入Bagel嘅情網！今次記者就帶你地食勻港九新界嘅人氣Bagel店！

Bagel全港Top11推介！

按連結跳至

港島區
九龍區
新界區

–

港島區

1) 中環Mono Lab｜期間限定特色口味Bagel：廣島燒／草莓巧克力／Tiramisu

近幾年香港一度捲起Bagel熱潮，不過外國人食開嗰種通常都比較乾身，香港人未必會鍾意。而位於中環舊式大廈內樓上咖啡店MONO Lab，有位駐場烘焙師定期會推出特色口味Bagel，包括檸檬茶、Tiramisu、廣島燒、草莓巧克力等，口感柔韌有嚼勁。

Menu會不停更新，定期都會有唔同口味Bagel選擇。 — Menu會不停更新，定期都會有唔同口味Bagel選擇，想知有咩新口味就記得留意住佢地Instagram。（圖片來源：[email protected]）

除左Bagel之外亦有自家製蛋糕賣。 — 除左Bagel之外亦有自家製蛋糕賣，巴克斯蛋糕都好多人會點嚟食～（圖片來源：[email protected]）

Bagel 「太空船草莓巧克力」靈感為明治牌朱古力，口味新穎。 — 「太空船草莓巧克力」靈感為明治牌朱古力，口味新穎。（圖片來源：[email protected]）

駐場烘焙師經常研發特別味道嘅Bagel口味，連廣島燒同印度奶茶都有，甚至連蛋糕都有忌廉栗米湯口味，認真創意十足！ — 駐場烘焙師經常研發特別味道嘅Bagel口味，連廣島燒同印度奶茶味道都有，蛋糕都有忌廉栗米湯味，認真創意十足！（圖片來源：[email protected]）

餐廳：MONO Lab
地點︰中環荷里活道31-33號7樓（顯示地圖）
電話：6775 7695
營業時間︰星期一至日 830am – 530pm (Espresso時段)
Facebook專頁：MONO Lab

2) 銅鑼灣甜姨姨私房甜品｜必食芝士拉絲Bagel

甜姨姨呢間分店嘅爆餡Bagel相當受歡迎，有煙三文魚牛油果、厚餐肉日本流心蛋、肉鬆芝士等餡料可選，如果唔太好Bagel都可以轉返做普通三文治，必食芝士拉絲Bagel，趁熱拉起的話，可以輕鬆拉出超過10cm嘅芝士，勁「打卡-able」！

爆餡肉鬆芝士 Bagel煙韌，肉鬆鹹香，放假想來點輕食必點。 — 爆餡極上肉鬆芝士$68。Bagel煙韌，肉鬆鹹香，放假想來點輕食必點。（圖片來源：[email protected]）

Bagel 芝士可輕鬆拉到10cm長，啱晒打卡！ — 拉芝貝果 $68，芝士可輕鬆拉到10cm長，啱晒打卡！（圖片來源：IG@foodxgoodwest_hk）

餐廳：甜姨姨私房甜品（耀華街）
地址：銅鑼灣耀華街11號地舖（顯示地圖）
電話：從缺
營業時間：星期一至日 1230pm – 1030pm
Facebook專頁：甜姨姨私房甜品

3) 西營盤 Hashtag Coffee｜自由配搭車仔包Bagel 任選麵包配料

位於西環西營盤嘅Hashtag Coffee設計走簡約工業風，主打手沖咖啡及輕食。Bagel烤得香脆，偏向美式扎實口感，較為飽肚，其中必點自由配搭嘅Bagel全日早餐（車仔包），可隨意選擇麵包、抹醬及配料。推薦牛角包配忌廉芝士醬、刁草炒蛋及挪威三文魚片。

Bagel 西環 Cafe 咖啡咖啡店 HashtagCoffee — Avocado and Guacamole Bagel $68，貝果餡料非常慷慨，既有生熟度剛好的牛油果片，也有牛油果醬、沙律菜及意大利黑醋汁，香腍有層次。（圖片來源：新假期編輯部）

Bagel 車仔包起，即係供自由配搭嘅全日早餐，可隨意選麵包、抹醬及配料。 — 車仔包 $88起，即係供自由配搭嘅全日早餐，可隨意選麵包、抹醬及配料。（圖片來源：IG@mingxmusic）

餐廳：Hashtag Coffee
地址：西環西營盤高街99號地下B舖（顯示地圖）
電話：2896 6683
營業時間：星期一、三至日 9am – 6pm（星期二休息）
Facebook專頁：Hashtag Coffee

4) 中環 R&R Bagels｜人氣煙三文魚Bagel外脆內軟口感清新不膩

R&R Bagels位於中環橫街，早被譽為其中一間最好食嘅bagel店，bagel口感偏扎實，人氣煙三文魚Bagel外皮香脆內裡煙韜軟熟，三文魚份量都非常慷慨，連埋新鮮嘅蕃茄及cream cheese，整體口味清新不膩。早上7點半就已經開門，仲有Breakfast Combo點，有齊Bagel同咖啡先係一個Good Morning嘛，啱晒中環上班族！

煙三文魚Bagel ，三文魚夠厚且份量多！ — 煙三文魚Bagel $85，三文魚夠厚且份量多！（圖片來源：IG@randrbagels）

早餐Bagel配咖啡，每日早上7點半到11點半都會供應。 — 早餐Bagel配咖啡 $90，每日早上7點半到11點半都會供應。（圖片來源：IG@randrbagels）

餐廳：R&R Bagels
地址：中環利源西街28號地舖（顯示地圖）
電話：2178 5168
營業時間：星期一至五 730am – 5pm、星期六至日9am – 6pm
Facebook專頁：R&R Bagels

5) 中環Bagels Alley｜手工無添加Bagel健康有營之選

呢間同樣位於中環嘅Bagels Alley一樣係Bagel界嘅元老，售賣紐約風貝果麵包，所以口感會較扎實。而最特別之處係所有Bagel都係店主每日新鮮製作，無油少糖零添加配方，食得有營又健康！必食煙燻牛肉貝果三文治，內層夾滿片片牛肉，加上酸瓜、蕃茄、芝士、黃芥辣及火箭菜作中和，食完勁滿足！

Bagel 煙燻牛肉貝果三文治 — 煙燻牛肉貝果三文治 $75（圖片來源：Facebook＠Bagels Alley）

Bagels Alley主打健康Bagel，每次都要用一整日時間低溫發酵而成。（圖片來源：Facebook＠Bagels Alley）

餐廳：Bagels Alley
地址：中環租庇利街1號喜訊大廈地下A1號舖（顯示地圖）
電話：9793 8401
營業時間：星期一至五 8am – 530pm、星期六 9am – 6pm、星期日 9am – 5pm
Facebook專頁：Bagels Alley

–

回到目錄

–

九龍區

6) 長沙灣Lungo｜皇牌All Day Breakfast配Bagel材料豐富夠飽肚

位於長沙灣嘅Lungo係數一數二嘅人氣咖啡店，除咗主打高質手沖咖啡，唔少人都會專程過嚟試佢地嘅皇牌Bagel。鹹食Bagel有Classic American、Teen Burger等美式口味，內餡有煙肉及煎蛋等熱辣辣嘅材料，秋冬食就啱晒！甜食Bagel推介藍莓cream cheese，食落外脆內軟有咬口，連埋忌廉芝士味道相當夾！

Classic American Bagel $。 — Classic American Bagel $64。（圖片來源：IG@lungo_hk）

Teen Burger $，千島醬加埋即燒牛肉，完全令整個Bagel層次更昇華！ — Teen Burger有千島醬加埋即燒牛肉，完全令整個Bagel層次更昇華！（圖片來源：IG@lungo_hk）

餐廳：Lungo
地址：長沙灣福華街571號曉悅地下2號舖（顯示地圖）
電話：2697 8028
營業時間：星期一至日930am – 8pm
Facebook專頁：Lungo

7) 新蒲崗享樂烘焙｜煙韌Bagel日日沽清大熱口味：黑松露芝士+伯爵麻糬+大甲芋泥

享樂烘焙做手工麵包出晒名，麵包每日新鮮出爐，款式多達70款，爆紅嘅煙韌Bagel更加日日沽清，成功俘虜附近返工嘅OL心！Bagel口感外韌內軟，原味、伯爵麻糬、特濃抹茶麻糬、紅莓朱古力、大甲芋泥、黑松露芝士都係大熱口味，款款餡料佔貝果一半，一啖一餡料！受歡迎到令店舖特登推出Bagel團，方便大家團購！

享樂烘焙

Bagel 店主Vincent曾修讀日本鳥越麵粉廠開辦嘅麵包課程，這課程連台灣麵包大師吳寶春都修讀過，可證其實力。 — 店主Vincent曾修讀日本鳥越麵粉廠開辦嘅麵包課程，這課程連台灣麵包大師吳寶春都修讀過，可證其實力。（圖片來源：新假期編輯部）

Bagel 店內的貝果由湯種製法製成，口感較傳統貝果煙韌帶嚼勁，價錢-18不等。 — 店內的貝果由湯種製法製成，口感較傳統貝果煙韌帶嚼勁，價錢$12-18不等。（圖片來源：新假期編輯部）

北海道芝士Bagel $，內餡滿佈粒粒芝士，好邪惡啊！（圖片來源：IG@ly_bakery）

Bagel 湯種藍莓乳酪貝果，湯種麵包口感軟Q，連埋滿滿嘅乳酪餡料，難怪成為店內熱賣款式之一。 — 湯種藍莓乳酪貝果，湯種麵包口感軟Q，連埋滿滿嘅乳酪餡料，難怪成為店內熱賣款式之一。（圖片來源：IG@ly_bakery）

Bagel 特濃抹茶麻糬貝果，抹茶控千祈唔好錯過。 — 特濃抹茶麻糬貝果，抹茶控千祈唔好錯過。（圖片來源：IG@ly_bakery）

餐廳：享樂烘焙 LY Bakery
地址：新蒲崗大有街3號萬迪廣埸地下E舖（顯示地圖）
電話：3520 2122／9227 2634
營業時間：星期一至六 7am – 8pm、星期日830am – 7pm
Facebook專頁：享樂烘焙 LY Bakery

8) 牛頭角29 Coffee｜隱蔽轉角咖啡店必點牛油果芝士Bagel

29 Coffee位於牛頭角志明橋附近，位置比較隱蔽，店面只有僅僅數個室外座位，但靠高質食物及飲品取勝，所以都有好多人專程過嚟買外賣食。Bagel即叫即焗，軟硬適中，包皮呈深啡色充滿麥香，必點牛油果芝士Bagel，半溶芝士配合牛油果及蕃茄，香味十足！買完Bagel仲可以用優惠價買多杯咖啡飲，就咁已經可以當一餐，係附近工廠區打工仔嘅早餐之選。