$400有找！平食海膽海鮮Buffet【油麻地】

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Aug 19 2015

問大家一個問題，食一板海膽要幾多錢呢？$80？$100？好嘅話好似要$300喎！如果係海膽 Buffet，話俾你知$4o0有找，有無心郁乎？等等，睇埋先！城景國際City Café 9月將會推出「海膽 X藜麥」海鮮自助晚餐，價錢就係上述一樣，菜式仲包括有海鮮類食物，每位客人除咗送一客嘅原板韓國海膽之外，大家仲可以食到用海膽同藜麥呢個配搭所做出最少4款嘅海膽藜麥料理，包括海膽蟹肉牛油果藜麥沙律、海膽藜麥鐵火卷、海膽藜麥焗生蠔同海膽白菌焗藜麥。

原板韓國入口海膽

海膽藜麥焗生蠔

海膽梅子冷麵

講到明係海鮮自助晚餐，咁當然都唔少得會有空運生蠔、長腳蟹、法國膏蟹同時令海鮮比大家選擇啦！嚟到呢度，肚餓呢～等等！想抵食的話就要再睇埋下一版，教埋你$400平食攻略！否則呢餐唔係呢個價錢。

$400平食攻略！

點樣樣先可以用$400平食呢個海膽海鮮Buffet？我哋已經幫你計好條數喇！

到時候要先去facebook.com/thecityviewhk下載9月優惠券，逢星期一至四成人（原價$528）7折；星期五至日成人（原價$528）78折。最抵當然係星期一至四去食啦！有7折！再喺惠顧前3天比訂金(每位HK$100)並獲餐廳確認，就可享額外8%折扣優惠。包埋加一（原價$528加一），$5287折連8%折扣優惠，即係$393位（已連加一），真係$400有找！