全港黑芝麻美食推介！10＋黑芝麻蛋糕/冬甩/忌廉筒/燒餅/流心西多士
相關文章：全港粟米美食推介
全港黑芝麻美食推介｜1.La Viña黑芝麻甜品系列
人氣甜品店La Viña @lavina.hk 最近新推出一系列大獲好評的黑芝麻甜品，包括黑芝麻麻糬巴斯克蛋糕、黑芝麻麻糬吉士撻、黑芝麻忌廉泡芙、黑芝麻提拉米蘇。最受歡迎是巴斯克蛋糕和酥皮撻，前者香濃的黑芝麻配上煙靭麻糬，食落好滿足；後者吉士撻外層酥脆，入口有陣陣芝麻香味，中間仲有煙韌麻糬，層次好豐富！
在 Instagram 查看這則貼文新假期 Weekend Weekly（@weekendweekly）分享的貼文
全港黑芝麻美食推介｜2.Tokachi Milky全新黑芝麻甜品
日本北海道過江龍甜品店Tokachi Milky @tokachimilky，最近新推出4款黑芝麻甜品及飲品，包括黑芝麻麻糬泡芙、黑芝麻麻糬雪糕杯、黑芝麻奶蓋布甸及黑芝麻鮮奶。酥脆泡芙包住濃郁芝麻和雲呢嗱吉士醬，再加入牛奶麻糬，口感煙韌軟糯，香濃芝麻味中帶微微奶香！雪糕杯也是必食，底層有Q彈芝麻麻糬，十勝牛乳雪糕加上香濃黑芝麻醬和黑芝麻碎，口感濃厚。
全港黑芝麻美食推介｜3.嘉多娜黑芝麻忌廉筒+布甸包
人氣港式麵包店嘉多娜餅屋 @kadoorie_bakery 最近新推出黑芝麻忌廉筒，酥皮内外都是黑芝麻，黑芝麻味濃郁，口感香脆；另外可以試埋黑白麻薯布甸包，燉蛋白配上黑芝麻布甸，口感滑溜，充滿芝麻香，好足料！
全港黑芝麻美食推介｜4.Bakehouse黑芝麻冬甩
Bakehouse @bakehousehk 最近新出黑芝麻糖不甩冬甩，內餡唧入滿滿黑芝麻醬，面層灑上芝麻和花生碎，香氣十足。冬甩口感鬆軟，黑芝麻味濃郁，黑芝麻控不能錯過！
全港黑芝麻美食推介｜5.暖心芝作石磨芝麻系列食品
米芝蓮必比登推介芝麻專門店「暖心芝作」近年好紅，主打一系列石磨芝麻食品，包括傳統石磨芝麻糊、手工菲林卷、芝麻布甸、芝麻豆漿、以及最人氣的特濃黑芝麻雪糕。
全港黑芝麻美食推介｜6.銀津點心茶餐廳黑芝麻流心西多士
旺角街坊點心店「銀津點心茶餐廳」@seesilver_restaurant 不少threads友都推介名物流心西多士，分別有黑芝麻及奶黃流沙餡，切開流心醬湧出來，非常之澎湃，芝麻味道濃郁，超邪惡！
全港黑芝麻美食推介｜7.天樂烘焙黑芝麻燒餅
上環天樂烘焙的黑芝麻燒餅在網上都好紅，外皮口感煙韌軟糯，中間包裏着醇香黑芝麻醬，芝麻味超級濃郁，啖啖芝麻味好滿足！
全港黑芝麻美食推介｜8.鴻發涼茶大大件芝麻糕
深水埗傳統港式涼茶店「鴻發涼茶」除了涼茶出名之外，亦有供應手工港式糕點，其中芝麻糕更在threads爆紅！芝麻糕用上炒香後的芝麻磨成芝麻糊製作，芝麻糕味道特別香濃醇厚，糕體厚實，質地Q彈，甜而不膩。
全港黑芝麻美食推介｜9.唐記包點麻糬芝麻包
唐記包點早前推出吸引全城瘋搶的麻糬芝麻包，包身質地軟熟，芝麻味好濃，搭配煙韌Q彈的麻糬，味道香甜回甘，喜歡食芝麻製品的一定鐘意。
全港黑芝麻美食推介｜10.樓上黑金芝麻巴斯克蛋糕
樓上 @hkjebn 的自家巴斯克蛋糕一向好受歡迎，提供多款口味，其中芝麻控必試黑金芝麻味，食落有芝麻粒粒，味道香濃，不過蛋糕比較硬身，建議提早解凍。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
