杜拜朱古力甜品推介｜香港13大推介 原來內藏開心果麵條餡？

回到目錄

杜拜朱古力推介｜四季酒店 精緻版杜拜開心果朱古力

四季酒店餅房出品一定有保證，由行政餅房主廚Ringo 親自製作，提供牛奶朱古力、黑朱古力兩款口味，朱古力混合開心果醬、加上切碎的Kataifi（小麥麵條）成朱古力餡，味道香甜濃郁，口感香脆。但始終是五星酒店的出品，價錢就比較貴，每盒$320（10粒），不過包裝精美，用來送禮非常適合。

回到目錄

杜拜朱古力推介｜陳凱琳甜品店杜拜朱古力＋⿊⾦蛋撻

陳凱琳 (Grace Chan) 愛吃甜品，吃遍各形各色的甜品及烘焙品後，決心將個人喜愛的口味與眾同樂，並與 Miss Marble Bakery 創辦人聯手推出自家品牌「Dulce Vida」，糅合香港地道口味，並堅持健康、低糖及選用優質食材的原則，頭炮推出低糖朱古力系列，包括以杜拜朱古力為靈感的爆餡朱古力、麻糬開心果撻！6月更期間限定進駐沙⽥⼀⽥，賣開⼼果媽咪麵朱古⼒及⿊⾦蛋撻！

回到目錄

杜拜朱古力推介｜樓上$5杜拜開心果朱古力條

樓上除了售賣海味滋補產品，都有推出不少自家品牌的零食，因價錢平而得到港人及小紅書大陸遊客力推，狂買來做香港手信。近日樓上有多款零食在網絡上爆紅，尤其是$5杜拜開心果朱古力條！最多人掃貨的是樓上新出的杜拜開心果朱古力棒，價錢超平每條$5（會員價及零售價同一價錢），很快就在開心果關注組掀起熱話，有網民試完表示不太甜，幾好食，多間分店已開始缺貨。杜拜開心果朱古力棒咬落啖啖鬆脆的開心果味，配搭埋朱古力口感層次豐富，開心果迷要買！

詳情：最平$4!樓上零食8大必買推介 杜拜朱古力條/開心果威化餅/巴斯克芝士蛋糕

回到目錄

杜拜朱古力推介｜Lindt瑞士蓮杜拜開心果朱古力

Lindt & Sprüngli 首度推出近期大熱的「瑞士蓮杜拜開心果朱古力」，採用頂尖技術精心打造而成，將瑞士蓮的招牌瑞士牛奶朱古力與開心黑融合。這款朱古力内含 45% 開心果夾心餡，以開心果調製出極致幼滑的口感，再加入開心果與杏仁脆片，堅果香氣濃郁，烘托出朱古力的醇厚風味。最後以源自黎凡特地區傳統甜點的酥脆中東酥絲作點綴，增添口感層次與酥脆享受。朱古力愛好者要試了！

回到目錄

杜拜朱古力推介｜ Atfoodfactory 三重開心果x杜拜黑朱古力

人氣鮮果撻網店Atfoodfactory今年亦推出大熱的杜拜黑朱古力x開心果。選用法國55度黑朱古力，可可度偏低，避免蓋過開心果濃郁的味道。最令人驚喜的是整排朱古力入面包著滿滿的伊朗開心果酥皮絲，酥皮絲與自家製開心果蓉混合，開心果蓉用上伊朗、意大利及美國三種開心果，每一啖香濃之餘亦非常脆口，超適合新年送禮又或者黎緊情人節與另一半一同分享！

回到目錄

杜拜朱古力推介｜豬隊友 創意杜拜朱古力雞蛋仔

人氣雞蛋仔名店豬隊友又有新品，今次帶來全城瘋狂的杜拜朱古力味雞蛋仔及格仔餅。由開心果醬和中東傳統甜品庫納法（Knafeh）組成的餡料加上特濃朱古力醬的杜拜朱古力做成蛋漿，雞蛋仔口感卜卜脆，充滿朱古力香甜和蛋香味，一試難忘！

回到目錄

杜拜朱古力推介｜烔路人 澎湃杜拜開心果朱古力格仔餅

另一間雞蛋仔名店烔路人都有出杜拜朱古力系列，分別是杜拜開心果朱古力格仔餅以及杜拜開心果朱古力牛角酥。焦點格仔餅結合開心果醬、杜拜朱古力開心果、榛子醬製成，香甜十足，口感豐富，拎上手超級澎湃，食完整件非常飽膩！

回到目錄

杜拜朱古力推介｜Check In Taipei杜拜朱古力開心果麻糬蛋撻

Check In Taipei 緊貼全球追捧的「杜拜朱古力」熱潮，期間限定推出兩款全新口味的麻糬蛋撻：「杜拜朱古力開心果麻糬蛋撻」和「杜拜朱古力草莓麻糬蛋撻」。無論香港或國外想買到杜拜朱古力真的不容易，價格昂貴，只限於 Check In Taipei尖沙咀海港城分店供應，數量有限，賣完即止。

回到目錄

杜拜朱古力推介｜Kt’s factory 杜拜開心果朱古力特厚麻糬毛巾卷

深水埗西九龍中心手工麻糬毛巾卷專門店Kt’s factory，新推出風摩全球杜拜開心果朱古力特厚麻糬毛巾卷，賣相超吸引，毛巾卷特別加入招牌煙韌3.6牛乳麻糬夾心、自家調製嘅「爆餡」特濃開心果千層酥，食落口感層次超豐富，又酥脆又煙韌，又有好濃郁嘅開心果味。而毛巾卷外層用上40%特調意大利開心果醬忌廉和60%Hershey’s黑朱古力忌廉製作，雙重滋味！另外仲有推出杜拜開心果朱古力2.0煙韌迷你麻糬杯系列，最底層用咗特濃朱古力tiramisu，之後加咗一層浸滿Baileys忌廉酒同咖啡嘅手指餅做夾心。上面是特濃開心果tiramisu、 KT’s Factory特別自家調製嘅「爆餡」特濃開心果千層酥、同8粒無糖可可粉包住超煙韌3.6牛乳麻糬，五重層次！

回到目錄

杜拜朱古力推介｜The Cakery 無乳製杜拜朱古力開心果戚風蛋糕

人氣純素烘焙店The Cakery 新推出人氣杜拜朱古力開心果戚風蛋糕，無乳製杜拜朱古力開心果戚風蛋糕（$658），以奢華的有機黑朱古力戚風蛋糕為基調，內餡混合希臘傳統點心 — 酥皮絲（Kataifi ）和濃郁的開心果忌廉，口感豐富！外層塗上黑朱古力無乳製忌廉，開心果的堅果香氣與優質黑朱古力的醇厚完美融合，每一口都能品嚐到開心果的香脆與朱古力的絲滑。

回到目錄

杜拜朱古力推介｜MAYA Bakery 杜拜朱古力開心果純素牛角包

手工純素麵包店 MAYA Bakery 亦推出一升級版杜拜朱古力開心果牛角包（$38），純素牛角包夾著開心果酥皮絲（ Kataifi ），再以濃郁黑朱古力醬作點綴，層次分明，口感特別酥脆。

回到目錄

杜拜朱古力推介｜森林麵包 杜拜開心果朱古力曲奇

牛頭角街坊人氣麵包店雖然是傳統港式麵包店，但經常跟貼潮流，最近為迎接新年的來臨，推出自家製杜拜開心果朱古力軟曲奇，外層香脆，有香濃的朱古力味，咬落有豐富的開心果酥皮絲，今個新年的賀年食品之選！

回到目錄

杜拜朱古力推介｜聖安娜 杜拜朱古力麻糬波波+日式冬甩

連鎖餅店聖安娜也推出全新杜拜朱古力麻糬波波及杜拜朱古力日式冬甩！兩款口感都好煙韌，搭配濃郁黑朱古力醬，頂層再撒上開心果醬麵條，無論視覺上及味覺上都好豐富。價錢仲相當抵食，杜拜朱古力麻糬波波$8件（優惠價$20/3件）；杜拜朱古力日式冬甩$15件（優惠$39/3件），無論是朱古力控抑或是開心果控經過可以買來一試！