雞煲推介｜全港14間雞煲火鍋：旺角2小時任飲任食＋元朗椰子雞煲｜區區搵食
港島
雞煲推介｜港島｜1.斗滾無限時4式放題：雞煲＋海鮮拼盤＋養生鍋＋手切牛
斗滾無限時任食4式抵到離晒譜！斗滾在西環和尖沙咀均有分店，主打任食放題，但是非一般的放題！「斗滾四式」任食放題由2位起可享用。斗滾第一式是「招牌大亂斗」，任食雞煲！雞煲有5種辣度可選，餐廳還細心附上煮法。第二式是「海鮮拼盤」！海鮮拼盤包括鮑魚、蟶子、扇貝、海蝦、花蜆、龍躉和讚岐烏冬，看見賣相就十分吸引！第三式是滋補火鍋！包括養生燉湯，清湯安格斯牛腩和清湯涼瓜花膠雞。老闆建議客人可以先飲湯，然後再打邊爐。第四式是任食手切牛頸脊和黑豚肉，整個套餐又抵食且食材又有誠意，絕對是超值之選。
更多斗滾詳情
- 餐廳：斗滾（西環店）
- 地址：西環山道54號適安大廈地鋪（佐敦另設分店）
- 電話：6730 6060/5404 2994（Whatsapp）
- Facebook：PotOfSoupHK
雞煲推介｜港島｜2.竹園重慶雞煲 麻辣霸王雞煲＋冬蔭功味都有！
提到港島區的雞煲店，北角街坊定必聽過這間店。竹園重慶雞煲位於北角市政大廈內，供應17款特色口味雞煲以及過100款火鍋配料。餐廳同時設有「竹園十大必食推介」，當中泰南椰青雞煲、清邁冬蔭功雞煲、麻辣霸王雞煲等長期榜上有名，湯底款式創新獨特，雞煲愛好者可以一試！加湯即可打邊爐，肥牛、肉丸類、自製水餃、鯇魚片等都可以食到，雖然不是任食套餐，但凍冰冰與一班朋友圍爐，場面好溫馨！
雞煲推介｜港島｜3.常會面長今雞煲 後巷中暗藏的雞煲小店
這間位於筲箕灣後巷中的雞煲小店位置隱蔽，不過客人可以透過陣陣香氣引領到店鋪門前。常會面長今雞煲以多款煲仔類、小炒和火鍋作主打。來到當然要一試其招牌香辣雞煲，麻辣痹感搭配雞件是不死組合，另有胡椒豬肚雞煲和重慶酸辣魚煲等，所有煲仔均可以自選辣或不辣，非嗜辣者都可以食到。客人同時可以加配超過50款火鍋配料，食完雞煲再打邊爐，風味一流！
- 餐廳：常會面長今雞煲
- 地址：筲箕灣愛民街6-28號新利大廈地下低層1A舖
- 電話：2560 0972／9099 5288
- Facebook：常會面（長今雞煲專門店）
九龍
雞煲推介｜九龍｜4.食雞 無限時任食 $300有找！
位於大角咀的這間雞煲餐廳供應8款雞煲，由傳統的川味雞煲，富新意又受盡食客歡迎的冬蔭功雞煲，到老少咸宜的芝士雞煲和正氣養生雞煲都有供應。餐廳的每一煲都是由原隻芝麻雞即叫即炒，配以店家新鮮材料及獨門配方精製，因此每隻雞件都好高質，啖啖滋味！另外，餐廳提供多款火鍋食材，有西班牙橡果豬，高質牛肩胛及封門柳，仲有本地手打牛丸、墨魚丸，韓國巨型蟹棒等，選擇多多，可以無限任食之餘，還可配手工啤酒，CP值高！無限時任食任坐都是$300有找，再加上設有電視直播球賽，是跟朋友聚餐落腳看波的好地方！
- 餐廳：食雞
- 地址：大角咀洋松街38號地下1-2號舖
- 電話：9220 2291
- Facebook：winnerchickenhk
雞煲推介｜九龍｜5.一品雞煲火鍋 港九新界都有分店
一品雞煲火鍋可謂是雞煲界代表，秘製汁底由店主用十幾種四川香料調製而成，既不過鹹又夠香，麻香而不過辣，而且有多種辣度任選擇，是不少港人的最愛！餐廳除了供應麻辣秘製雞煲外，還有牛雜雞煲、金蠔雞煲、花膠雞煲等，一共9款辣度任君選擇，大家亦可加購響鈴、豬潤、海鮮、丸類等超過100款配料，食完雞煲再打邊爐非常豐富！餐廳分店遍佈港九新界，想食到都好方便。
- 餐廳：一品雞煲火鍋（旺角分店）
- 地址：旺角花園街2-16號好景商業中心二樓（另於港島及新界亦有分店）
- 電話：2295 3337
- Facebook：greatrestaurantchickenpot
雞煲推介｜九龍｜6.倫哥尊尚火鍋私房菜 海鮮＋雞煲＋火鍋 3重滋味！
倫哥尊尚火鍋私房菜一向主打雞煲火鍋放題，當中其「帝皇級盛宴」主打無限時任食蒸海鮮、雞煲及海鮮火鍋放題，三重享受！餐廳會先送上帝皇蒸海鮮三式，再有阿嬤雞煲，雞油香濃，肉質嫩滑，啖啖肉，很是滋味。吃完雞件更可加湯當作火鍋湯底，多達40款任食配料可於自助區內自選，如手打魚清、火鍋肉、手工丸等，價錢都只需$338即可食到，CP值高！
- 餐廳：倫哥尊尚火鍋私房菜
- 地址：佐敦佐敦道26號E 2樓
- 電話：6209 3572（WhatsApp）
- Facebook：lungorprivateclub
雞煲推介｜九龍｜7.火水爐冰室火鍋 任飲任食120分鐘
旺角有間懷舊冰室，名叫火水爐，食物早晚不同，下午會供應多款茶記食物例如炸髀撈丁、阿華田脆脆西多士等，晚上又會搖身一變，開枱打邊爐，雞煲、火鍋、手切肥牛和海鮮和十幾款火鍋料。分別供應3款火鍋放題供客人選擇，食盡牛頸脊、極品封門柳、黑毛豬等外，每枱會送上招牌麻辣雞煲，以及無限追加火鍋配料、小食及飲品，保證可以飲飽食醉！更設有8款花膠火鍋湯底，如惹味酸菜魚花膠湯、特濃花生沙嗲花膠湯、碧綠芫茜皮蛋花膠湯等，滋潤又好味。
雞煲推介｜九龍｜8.至尊重慶雞煲 2小時任飲任食 最平$138！
喜歡重口味和香辣人士，可以一試這間位於美食核心地帶旺角的雞煲店，主打重慶雞煲，麻香味濃，怕辣人士亦可以揀BB辣。於星期一至日晚市優惠時段9:30pm打後，更低至$138／位即可食到，CP值高。此外，火鍋配料都是任食任點，包括美國肥牛、滑雞片、鯇魚片、豬潤、羊肉片等，款式多多，仲可以任飲啤酒和無限食甜品，大胃王去食可以值回票價。
- 餐廳：至尊重慶雞煲
- 地址：旺角彌敦道593-601號創興廣場16樓
- 電話：2148 2628
- Facebook：ChickenPot
雞煲推介｜九龍｜9.為食火鍋公司 可愛哥基打卡牆＋香口雞煲！
觀塘隱世美食多，這間以任食雞煲放題作主打的餐廳，最平$238有交易！場內特別以老闆銘哥的愛犬哥基作主題，牆身上畫上不同哥基動作，可愛程度爆燈！場內空間寛闊舒服，有2人座位也有包廂。雞煲用上三黃雞，混和超過20種香料配搭而成的醬汁，超惹味！客人除了可任食雞煲、西班牙黑豚肉、三寶丸、三色餃、蔬菜外，還包一份三色刺身、4-6款是日海鮮拼盤、牛小排及甜品，款式多多，是跟朋友聚餐的好地方。
更多為食火鍋公司詳情
- 餐廳：為食火鍋公司
- 地址：觀塘創業街15號萬泰利廣場地下C號舖
- 電話：3618 8772/9585 8500（WhatsApp）
- Facebook：hotpotfoodiehk
雞煲推介｜九龍｜10.等等HEA 100分鐘任食麻辣雞煲放題 食到飽！
「等等HEA」台式餐廳位於九龍城福佬村道一帶大，除了台式料理，更會不時推出時令限定套餐，今年趁住冬意漸濃，小店便推出100分鐘任食台式麻辣雞煲、台南南乳豬手煲及古早秘製羊腩煲。雞煲用上新鮮三黃雞，炒入秘制麻辣醬料，配上吸湯洋蔥和香辣指天椒，食完由內暖到外。另外台南南乳豬手煲及古早秘製羊腩煲，前者豬手皮肉均勻比例，富滿滿膠質；後者紐西蘭羊肉，肉質軟腍同時味道濃郁。客人亦可以無限追加肥牛、士林鹽酥雞、阿宗麵線、萬華街小碗蚵仔滷肉飯等台式料理，連糖水196台式芋圓都可以任點，絕對食到飽！
- 餐廳：等等HEA
- 地址：九龍城福佬村道41號地下
- 電話：2383 1766／5398 8160
- Facebook：WaitWaitHea
- 預訂方法：按此
新界
雞煲推介｜新界｜11.初心 150分鐘任食＋自家調製麻辣醬
初心是將軍澳雞煲火鍋放題店，主打150分鐘任食雞煲火鍋放題，當中店子推薦必食麻辣雞煲，雞件香口濃味，而且帶有麻辣微辛感，衝擊味蕾！來初心食雞煲放題打邊爐，一入座，先送上肥美的日式刺身及每日轉換的5款前菜，包括：惹味四季豆、川味木耳、黑松露蝦多士、惹味鴨血及金沙炸魚皮等，開開胃口。接著主角招牌雞煲就正式登場，以三黃雞配自家製麻辣醬製成，可選擇不同辣度，雞肉嫩滑又惹味。吃完雞煲，再從番茄美人鍋、芫茜皮蛋鍋、澳門豬骨鍋等7款湯底中，選1款開始打邊爐。所有肉類、海鮮等均可以無限任食，一定飽到捧住肚子回家。
- 餐廳：初心
- 地址：將軍澳唐俊街18號The Parkside地下G09號舖
- 電話：2117 1884
- Facebook：FirstHeartDining
雞煲推介｜新界｜12.阿翁火鍋館 無限時任食火鍋
這間位於荃灣的餐廳於晚市推出無限時任食雞煲火鍋，多達8款湯底供應，包括滋補藥膳鍋、姬松什菌鍋、秘製麻辣鍋等。先會送上環球海鮮盤，包括海蝦、蟶子或元貝、貴妃蚌或大花蛤等，用料矜貴豐富！鍋底有4款，可選冬瓜瑤柱、皮蛋芫荽、駌鴦鍋或龍蝦鍋，又或者可選重慶雞鍋，吃完再換湯底打邊爐。雞煲非常惹味，4人份量約有一隻雞，份量也OK，雞件肉質肥美，圓潤有肉地，醬汁的香料味濃郁，未食都聞到好香，雞件亦夠入味。
- 餐廳：阿翁火鍋館
- 地址：荃灣眾安街68號荃灣千色滙1期6樓
- 電話：2666 6822／5282 3482
- Facebook：PeninsulaCuisine
雞煲推介｜新界｜13.雞煲棧火鍋 椰子雞煲＋新鮮胡椒豬肚雞煲
位於元朗的「雞煲棧」店如其名，是一間主打食雞煲的餐廳，店子主力供應6款雞煲及湯底、烤魚、海鮮、和超過100款火鍋配料，款式多到想每樣都試到！秘製重慶雞煲幾乎是每間雞煲火鍋餐廳必備的款式，不過雞煲棧更有特色配搭，如清甜椰子雞煲、胡椒豬雞雞煲、啜啜豬筒骨煲等，食膩了麻辣雞煲的客人不坊一試！同時亦有原條烤魚和小炒，唔夠喉仲可以加配呢！
- 餐廳：雞煲棧火鍋
- 地址：元朗媽橫路21-43號地下11號舖
- 電話：2142 1618
- Facebook：ChickenPotHutYL
雞煲推介｜新界｜14.醉好 必食推薦：香茜雞煲＋花膠雞鍋
元朗最近新開了一間以雞煲及重慶烤魚為主打的餐廳：「醉好」，供應超過10款雞煲款式，同時設有火鍋湯底、刺身、海鮮等。推薦芫茜愛好者必食「香茜雞煲」，滿滿的芫茜香伴以嫩滑雞件，惹味十分！還有「花膠雞鍋」同樣啜引，每一口都是滿滿的花膠骨膠原感，既香口又滋補。跟一大班朋友更可以加配湯底和多款配料，有齊安格斯、極品手切牛肉等。
- 餐廳：醉好
- 地址：元朗鳳攸南街9號好順利大廈地下74-76號舖
- 電話：6100 6608
- Facebook：醉好 The Best
雞煲推介有哪幾間？
雞煲推介分別有人氣一品雞煲、旺角任食雞煲火鍋等，更多詳情。
雞煲旺角有推介嗎？
旺角有2小時任食任飲雞煲，另有無限時任食等，更多詳情。
