葵涌廣場美食
葵涌廣場美食

葵涌廣場美食|河國榮掃街食盡4間小店:梳乎厘班戟+章魚燒|區區搵食

飲食

廣告

葵涌廣場美食眾多,疫情期間習慣了買外賣的藝人河國榮,今次到葵涌廣場大殺四方,光顧4間葵廣小店,並在車上進行試食,分別有人氣章魚燒店、西關瀨粉小食店、梳乎厘班戟店及奶蓋茶飲,即睇4間小店食評啦!

葵涌廣場美食!河國榮4間小店逐間試

身為澳洲籍的藝人河國榮,已在香港居住多年,操得一口流利廣東話,就連口味亦貼近香港人,喜歡試勻香港地道小店美食。近年疫情,河國榮更不時在Facebook分享自己買外賣後,上車品嚐美食的照片,貼地行為獲得大家歡心!今次《新假期》邀請了他首次到香港夜市之稱的葵涌廣場,身體力行支持小店,挑選4間試食。河國榮食完更感嘆:「入到廣場發現很多小食店,我覺得好開心,如果只有大公司選擇會較少,大公司經營方式好唔同,小店有時會不計成本,食得出分別嘅。希望大家多多支持小店。」

葵涌廣場美食!今次河國榮帶大家到葵廣掃食4間小店。
葵涌廣場美食!今次河國榮帶大家到葵廣掃食4間小店。(圖片來源:新假期編輯部)
葵涌廣場美食 於葵廣購買完美食後,再到車上享用。
於葵廣購買完美食後,再到車上享用。(圖片來源:新假期編輯部)

葵涌廣場美食1. 真章魚無雙 原粒章魚製作

真章魚無雙獨沽一味只賣章魚燒,其章魚燒用原粒章魚製作,外層酥脆,內層柔潤,再配搭爽口章魚,是葵廣名物之一。章魚燒口味超過10款,當日河國榮選了最熱門的「真黑松露章魚燒」及「真蜜糖芥末章魚燒」,當中黑松露口味,在駕駛途中已經聞到陣陣黑松露香味;蜜糖芥末味鮮甜,蜜糖味突出。整體章魚燒彈牙,怕海鮮的他,認為這款章魚燒完全沒有腥味,評價甚高!

河國榮評分:9分

葵涌廣場美食 章魚燒使用原粒章魚,真材實料。
章魚燒使用原粒章魚,真材實料。(圖片來源:新假期編輯部)
葵涌廣場美食 粒粒燒得金黃!
粒粒燒得金黃!(圖片來源:新假期編輯部)
葵涌廣場美食 真蜜糖芥末章魚燒$30/6粒;$36/8粒味道酸甜頂癮!
真蜜糖芥末章魚燒$30/6粒;$36/8粒
味道酸甜開胃!(圖片來源:新假期編輯部)
葵涌廣場美食 真黑松露章魚燒$34/6粒;$40/8粒黑松露味濃烈!
真黑松露章魚燒$34/6粒;$40/8粒
黑松露味濃烈!(圖片來源:新假期編輯部)
葵涌廣場美食 咬入口已經品嚐到彈牙章魚!
咬入口已經品嚐到彈牙章魚!(圖片來源:新假期編輯部)
葵涌廣場美食 真章魚無雙
真章魚無雙(圖片來源:新假期編輯部)
  • 餐廳:真章魚無雙
  • 舖位:2樓C07B號舖

葵涌廣場美食2. 西關老祖 古法瀨粉+炸粽

來到主食,河國榮便選了這間西關老祖,小店提供懷舊中式外賣小食,其中古法瀨粉甚為吸引!西關瀨粉是廣洲的傳統小食,瀨粉每日人手打成,再用機器壓成條狀,口感極似狗仔粉,但又更幼細嫩滑。瀨粉吃前再加入自家煉製的本地黑毛豬油渣及辣菜脯,惹味得很!不過未曾食過狗仔粉的河國榮,認為這種口感難以形容,整體味道很中式,前勁有股辣勁,吃至後來有種皮蛋味。

河國榮評分:8分

葵涌廣場美食 西關瀨粉$25以古法自家製作,有傳統廣洲西關風味。
西關瀨粉$25
古法自家製作,有傳統廣洲西關風味。(圖片來源:新假期編輯部)
葵涌廣場美食 加入辣菜脯、豬油渣增添口感!
加入辣菜脯、豬油渣增添口感!(圖片來源:新假期編輯部)

雖然古法瀨粉是店子的招牌菜,河國榮卻被炸粽這款新奇美食吸引。「死得了!一睇就知呢個好食,我哋呢啲鬼佬最鍾意食炸嘢,呢個味道有啲熟悉,似之前喺澳洲食嘅炸魚薯條,抵擋唔到。」不過食慣蒸粽的河國榮,食過炸粽後,感覺有點混淆:「點解粽會係脆?」感覺似番薯的味道,也像薯餅。這種新奇的感覺,成為河國榮當日最愛的食物。

河國榮評分:10分

葵涌廣場美食 炸粽外表極似薯餅,同樣炸得金黃酥脆!
炸粽外表極似薯餅,同樣炸得金黃酥脆!(圖片來源:新假期編輯部)
葵涌廣場美食 炸黑毛豬肉粽$45 炸粽都是自家製作,加入黑毛豬入饌落重本!
炸黑毛豬肉粽$45
炸粽都是自家製作,加入黑毛豬入饌落重本!(圖片來源:新假期編輯部)
葵涌廣場美食 炸黑毛豬肉粽可以配上砂糖或自家製辣汁食用,
炸黑毛豬肉粽可以配上砂糖或自家製辣汁。(圖片來源:新假期編輯部)
葵涌廣場美食 西關老祖
西關老祖(圖片來源:新假期編輯部)
  • 餐廳:西關老祖
  • 舖位:2樓2003號舖

葵涌廣場美食3. FreeHcake梳乎厘班戟

來到甜品時間!西關老祖斜對面傳來陣陣蛋香味﹐原來是店子「FreeHcake」主打的梳乎厘班戟!因為即叫即製,所以每次柯打都需要等待15分鐘。梳乎厘班戟並不是空氣感般,而是既有實在感,也有軟綿綿的感覺。

今次河國榮選擇了黑糖三重朱古力味,用朱古力奶蓋配黑糖燒焦成脆皮,再灑上Oreo碎及朱古力醬。河國榮吃前認為這款必定很甜,不過試食後,卻表示朱古力味多過甜味,效果剛剛好。「我曾經喺澳洲班戟餐廳做過廚師,主要製作Crepe。呢款似法國嘅梳乎厘,唔容易製作㗎,佢哋做得好好。」

河國榮評分:9分

葵涌廣場美食 黑糖三重朱古力$48/2件加入朱古力奶蓋、朱古力醬、Oreo碎、黑糖焦糖製作而成。
黑糖三重朱古力$48/2件
加入朱古力奶蓋、朱古力醬、Oreo碎、黑糖焦糖製作而成。(圖片來源:新假期編輯部)
葵涌廣場美食 入口不會死甜,朱古力味更濃郁!
入口不會死甜,朱古力味更濃郁!(圖片來源:新假期編輯部)
葵涌廣場美食 超低糖質伯爵茶$68/2件店內新推出低糖版班戟,利用曲奇碎、糖粉、低糖糖漿奶蓋製作而成。
超低糖質伯爵茶$68/2件
店內新推出低糖版班戟,利用曲奇碎、糖粉、低糖糖漿奶蓋製作而成。(圖片來源:新假期編輯部)
葵涌廣場美食 班戟鬆軟而不鬆散,入口有實在咬口感。
班戟鬆軟而不鬆散,口感實在。(圖片來源:新假期編輯部)
葵涌廣場美食 FreeHcake
FreeHcake(圖片來源:新假期編輯部)
  • 餐廳:FreeHcake
  • 舖位:2樓2010號舖

葵涌廣場美食4. 茶芝味 奶蓋烏龍茶+水果茶

掃街飲品同樣重要!今次來到茶芝味,河國榮選了奶蓋烏龍茶及水果茶試飲,前者奶蓋綿密,即使過了大半個鐘,奶蓋依然屹立不倒,奶蓋與茶底完美分層。味道方面,芝士味及奶味同樣突出,原來河國榮從未飲過奶蓋茶:「我形容唔到呢個味道,又唔係奶,又唔係芝士。不過呢個奶蓋超好味,但我比較貪心,覺得如果少烏龍多奶蓋會更好。」另一款水果茶,加入新鮮生果製作而成,味道飲落酸酸甜甜,夏天飲用不會口渴!

河國榮評分:8分。

葵涌廣場美食 凍頂烏龍奶蓋茶$20烏龍及奶蓋完美分層!
凍頂烏龍奶蓋茶$20
烏龍及奶蓋完美分層!(圖片來源:新假期編輯部)
葵涌廣場美食 奶蓋厚實,芝士味及奶味平衡得很好!
奶蓋厚實,芝士味及奶味平衡得很好!(圖片來源:新假期編輯部)
葵涌廣場美食 招牌水果茶$29 利用多種水果,如橙、檸檬、西柚粒、芒果等果肉製作。
招牌水果茶$29
以多種水果,如橙、檸檬、西柚粒、芒果等果肉製作。(圖片來源:新假期編輯部)
葵涌廣場美食 茶芝味
茶芝味(圖片來源:新假期編輯部)
  • 餐廳:茶芝味
  • 舖位:1樓B07號舖

想睇更多食評,可以到新假期Facebook觀看影片,內有河國榮開金喉唱亞視永恆片段!

葵涌廣場美食 河國榮在港居住多年,熱愛買外賣到車上享用。
河國榮在港居住多年,近年愛揸車四圍搵食,更會在車上開餐拍照,放上網跟粉絲分享。(圖片來源:新假期編輯部)

葵涌廣場有咩好食?

葵涌廣場美食小店眾多,例如章魚燒、梳乎厘班戟、茶飲等,詳情按此

葵涌廣場點去?

可乘坐地鐵至葵芳站,D或E出口步行一分鐘即達。

圖片來源:新假期編輯部