天氣又開始轉涼，又到了打邊爐的季節，近年流行食 粥底火鍋 ，以粥作湯底，食物的精華都融入到粥底本身。最近發現有連鎖店推出 粥底火鍋 ，最平$61就有交易，記者立即化身試食敢死隊，睇睇有無中伏！
撰文：Mandy｜攝影：Mandy、Sam
海皇期間限定 粥底火鍋
最近海皇粥店推出粥底火鍋，一共4款，分別是海鮮盛會肥牛鍋、雙份肥牛鍋、紅棗醉雞鍋以及雙份豚肉鍋，每款都包括韭菜餃子、鮮三寶丸、豆腐、蔬菜籃，睇落都幾豐富。
主食方面，除了粥底，可以選擇即食麵或半客油條。記者個人推介大家選擇油條，始終油條才是粥的絕配，不過如果想飽肚一點，可以選擇即食麵。
粥底方面，亦有4款選擇，分別是白粥、南瓜粟米肉碎粥、芫茜皮蛋粥以及豆漿。
值得一讚的是，可以免費添加粥底，任加唔嬲，變相是「白粥放題」，即使是大胃王都不用擔心份量不夠。
海皇粥店
供應時間：6pm至售完
分店地址：按我
***觀塘物華街以及將軍澳中心分店沒有供應粥底火鍋
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
