睇住流奶皇包!相機食先新派茶樓 【尖沙咀食乜好】

好多人出街食飯都有一個宗旨,就係要相機食先。有無諗過去飲個茶、食個包都可以揸緊呢個宗旨呢?喺尖沙咀新開張嘅「飲茶」,名副其實係一間茶樓畀大家飲茶,不過與一般茶樓不同。呢度主打新派中菜,除咗有開放式嘅廚房,畀食客望住廚師煮食,出品嘅點心及中菜都帶有玩味元素。事不宜遲,即刻向大家介紹。

「睇住流奶」,見到個咁搞笑嘅菜名,就知道食呢個奶黃包,要小心流哂奶黃出嚟。一籠三件嘅奶黃包,橙黃色加上有對眼晴嘅造型,篤穿個包之後,睇住佢流奶黃出黎,同個包你眼望我眼,真係搞笑。

 

Coconuts Hong Kong(@coconutshk)張貼的影片 張貼

同樣造型都Super Cute嘅仲有「一籠八戒」,一籠三件豬仔造型嘅叉燒包,望住個包咁可愛,真係唔忍心食落肚,唯有食之前影多幾張相留念啦⋯⋯

上個年代,有好多人都會帶個雀籠去茶樓嘆茶,同其他雀友傾下雀仔經,但呢個景象喺香港買少見少。不過,大家而家可以喺「飲茶」嗌個「鴿吞鳳梨」,試下另類體驗。

鴿吞鳳梨其實係一個雀籠入面,有三件雀仔造型嘅鳳梨酥,外皮香酥,鳳梨餡蓉有一絲絲鳳梨,都係一個唔錯嘅甜食。

最後,再推介多個呃Like之甜品。呢款點心「可可脆球」係有餡煎堆,入面唔係蓮蓉芝麻,而係流心朱古力!一上菜,都唔好咁急放落口,因為「可可脆球」內餡好熱,同埋超流心,攤凍一陣先食啦!

hkfoodmonster(@hkfoodmonster)張貼的影片 張貼


一入店內,個感覺唔似係一間中菜餐廳,店內環境主色係金同灰色,周圍有蒸籠同雀籠等等中式擺設,再加上開放式廚房設計,簡直就係完美嘅中西合璧。

而且,呢度所用嘅黃色茶包、透明茶杯、鯉魚餐碟,並且用桃紅色繡花鞋做牙籤筒,都貫徹結合中西式感覺。

 

Nana(@fattynana)張貼的相片 張貼


一邊歎住一盅兩件,一邊欣賞咁正嘅環境,再加上相機食先,完全滿足到各位嘅要求呀!

YUM CHA

地址:九龍尖沙咀加連威老道20-22號Attitude Hotel 3樓(顯示地圖
電話:2751 1666
營業時間:星期一至日 11:30am-11pm(Last Order:10:30pm)

延伸閱讀:
人氣Gelato手工雪條Stickhouse到港!率先試食【尖沙咀食乜好】
【18區掃食】三角公廁搵食 尖咀七大$100有找推介

最新吃喝玩樂資訊