食飯無錢畀 港媽拒放低小童去撳機 事主怒斥：小朋友幾歲，擺低？｜飲食熱話

港媽上環茶餐廳無錢畀 被要求出外「撳機」提款

一名港媽在Facebook群組「香港茶餐廳及美食關注組」大呻，頭一句就是：「勁受氣，被店員出言侮辱恐嚇」發文訴苦，話說她到上環一間冰室用餐，吃了$124，結帳時發現自己不夠現金，餐廳卻沒有提供手機支付、信用卡付款等服務，她大呻明明收銀機張貼了可用Apple Pay及Samsung Pay：「去到俾錢，收銀姐姐表示貼住唔代表用到！」餐廳要求她先留下手機，再去「撳錢」，但她需要用手機才可「撳機」，更展示了自己的恒生銀行Apps以作證明。於是收銀姐姐建議先留下小朋友，事主卻覺得離曬大譜：「有無搞錯？？小朋友得幾歲，擺低？」

先帶小朋友去廁所，被店員尾隨

爭持不下之時，小朋友表示想去廁所，於是港媽對店員說：「你哋有CCTV嘛，如果我半小時内末返，你哋就報警啦。」然後行出餐廳門口，帶小朋友去永安中心的女廁，卻發現竟有餐廳男職員尾隨，男職員大叫：「小姐，你撳機先好唔好啊？你去乜X嘢永安 （x係粗口），食霸王餐唔俾錢！ 」她心感不忿，於是表示：「你再咁大聲，我真係會報警！」她想到地鐵站「撳機」，到上環E出口電梯時，男職員卻攔住電梯門，深怕她逃去「走數」，她表示：「其實要走一早上車走咗啦，又點會未發現佢前慢慢行？ 」於是她按下按鈕通知港鐵職員，而男職員則致電餐廳。最後店長到場調停，態度良好，並帶備「散銀」方便找續。

原帖如下：

港媽：大嗌大叫，嚇親小朋友！

港媽認為自己的態度一直很好，只是不同意留下小朋友，表示如要職員尾隨可早揚聲：「其實如果你哋要搵人同我一齊去撳機，當時係可以講聲，並唔係我行出門口之後搵人跟蹤，仲要跟到去永安裏面嘅女廁門口咁恐怖」覺得男職員態度有問題：「大嗌大叫，聲浪之大及言語上的侮辱，已經嚇親我小朋友。」

店方：男職員善良，沒有恐嚇事主

事後亦有本地傳媒向店方了解事件，說法卻和事主的大相逕庭！店方表示，店鋪只接受現金或八達通付款，因附近已有銀行，員工當時建議事主放下物品，或讓小朋友在店內等待，才出外「撳機」。而原來職員亦有事前向事主表示：「不如你去『撳錢』，我同你一齊去」。尾隨的男職員指事主在進入商場廁所後「兜個大圈」，卻沒有去「撳錢」。負責人表示男職員為人善良，沒有恐嚇女事主，又指自己隨後有向事主了解情況，對方最終亦有付款。

網民：惡人先告狀

帖文隨即引來大批網民留言，不過留言近乎一面倒，普遍都不撐事主，覺得明明是她沒付款在先，事後還要唱衰餐廳，是惡人先告狀：「世界真係唔同咗！ 以前個年代冇錢畀俾人鬧到狗血淋頭、呢個年代冇錢畀唱人黑店，真心向樓主寫個服字、呢種反客為主嘅技巧、睇得出樓主係一個銷售嘅人才」、「X那星你冇錢比仲咁X大聲」、「自己冇錯永遠係人地錯」、「由妳去製造出來的麻煩，然後就埋怨人哋處理得唔合妳心意，令到妳唔開心」入餐廳前該了解付款方法，是自己的責任：「八達通可以係app增值，咁都唔用？自己有責任入餐廳前睇清楚自己有冇錢俾㗎嘛！」

網民突破盲點 餐廳門口只有八達通？

而且有網民突破盲點，指餐廳根本沒有張貼可以Apple Pay及Samsung Pay支付的告示，和事主的說法有出入：「餐廳門口淨係貼住八達通 ，而見唔到樓主所講所謂嘅Apple Pay以及Samsung pay嘅貼紙」、「佢睇左安心出行下面 Download Apple App Store 以為可以Apple pay」被問到為什麼要去商場廁所，不去餐廳廁所，事主：「餐廳廁所咁污糟。你可以去睇下大大個水桐同埋污水喺廁所餐廳門口。」即是事主嫌棄餐廳廁所不潔，堅持要去商場廁所。

有人覺得站在餐廳立場，事主根本不可信：「冇錢俾，冇野留低，出左去，有冇企喺店鋪嘅角度？冇」、「呢間我去過N咁多次，你又冇現金，八達通又冇錢，咁點信你呀，你阻住人地做生意，仲聲大夾惡，意圖抹黑人地！」、「現金又無，八達通又話無錢，銀行卡都無要用電話app㩒錢？小朋友去廁所，返入餐廳唔得？公道說話，問十個人，九個都會覺得想借尿遁走數」。大家又點睇？