海膽
海膽

唔駛$100食到!! 海膽 平民食4大食店

飲食

廣告

香港市民like的豈止流心、芝士、抹茶,最近肥美甘香、金黃澎湃的 海膽 跑出,樣樣都要加幾片海膽肉,早排先有海膽杯、海膽熱狗、即食本地海膽,現在又有一眾餐廳一反奢華,以抵食紅爆。直徑6cm帆立貝海膽漢堡、海膽肉醬芝士薯條、原板海膽飯,通通定價百元之內, 海膽 瞬間變平民!

撰文:Ruby | 攝影:Dick、Yee

1. 及時進食 撐本地紫 海膽

本地海膽終於發圍!早前西貢即食海膽熱爆,現在佐敦有間新餐廳,表面看是家港式燒烤店,實則以海膽為主題,有超過八款海膽菜式,更標榜用本地塔門紫海膽。事關老闆Ryo 是塔門人,現時隔日就會把新鮮海膽拆肉到餐廳,海膽肉不會留多過兩天,保證新鮮。紫海膽味道偏淡,所以大廚就主張海膽調醬和燒烤。如芝士海膽汁,用上海膽加芝士醬,用來搽包、配淡味食物如翠肉瓜、青口等。另一款海膽忌廉汁最creamy,忌廉、香草加海膽打成,配虎蝦最夾。

部分菜式上桌前,更用火槍燒海膽肉至表面微焦,香味即刻返晒嚟!另有多款昔日塔門美食,像招牌海膽炒飯,源起那些年塔門海膽多到食唔晒,於是用來炒飯,飯粒炒出來粒粒金黃,鮮味十足。還有艇仔粉、紫貝天葵等。塔門海膽當造期是1月至6月,後半年產量少,而且味道帶苦,所以餐廳會改用大陸自家養殖的海膽代替,要撐本地膽,就要最後衝刺。

海膽燒虎蝦 $88/隻

芝士海膽汁燒青口 $78/4隻

海膽汁焗扇貝 $78/隻

塔門招牌海膽炒飯 $98

海膽汁燒翠玉瓜 $48/4件

本地海膽大陣!

論海膽質素,日本海膽是頂級,但其實本地的海膽亦不失色。當中塔門就是本地海膽盛產海域,以紫海膽為主,特點是口感水漾, 甘味較重。以往村民可在岸邊淺水域找到不少野生海膽,現時則有約三個養殖場,均由當地村民打理,平均年產達五百斤。當造期間塔門海膽一籮籮上水。

塔門仔海膽燒
地址:佐敦寧波街27-31號地下B,C,D舖(顯示地圖
電話:2505 2013
營業時間:星期一至日6pm-3am
備註:不設加一,只收現金

2. 原板送上 終極海膽飯

近期不少食店推海膽丼飯,但論風頭,卻被面前這原板海膽飯搶過,這是人氣店螢壽司的出品,於宵夜時段供應$78原板韓國海膽,加一碗花菇飯和兩件玉子燒。巴閉到特設海膽專線預訂先有得食。每板海膽足100g,粒粒橙黃油潤,富光澤,海膽味雖不及日本濃郁,但食落口感細滑,鮮味澎湃。另一重點是花菇飯,花菇以味醂、醬油熬煮近一小時,花菇香甜入味,撈海膽食鮮味加倍,連小食自家燒厚玉子,也甜香多汁, 想食原板海膽建議提早一日預訂,記得要打海膽專線,賣晒就無。

原板海膽飯 宵夜價$78

燒芝士海膽蟹蓋 $58

螢壽司
地址:銅鑼灣駱克道491-499號京都廣場6樓(顯示地圖
電話:2881 7303
營業時間:星期一至日12nn-3pm、6pm-11:30pm
備註: 宵夜時段8:30pm開始至11:30pm;建議早一日致電海膽熱線2881 7303預訂 ;設加一、收信用卡

3. 一咬即湧 帆立貝夾海膽

以佐酒小食、串燒主打的八寸居酒屋,最近就以此海膽漢堡發圍,推出不久就勁賣一千個。漢堡巴閉在夠豪夠鮮,原隻刺身級北海道帆立貝代替包身,直徑6cm,足有3cm 厚,中間夾滿北海道馬糞海膽,片片橙黃有光澤、顆粒未算明顯,質感細滑,一揸上手,海膽即多到滿瀉。小編親身試食,食起來相當捩棄,「漢堡」太大,不能一啖食晒,惟有逐啖食,點知揸得用力啲,海膽就湧出,噴到頭髮都有。帆立貝表面以火槍燒至焦香,夾雜綿滑甘香海膽,再以清新紫菜包裹,十級滿足。店員提醒想食真味,千祈不要蘸豉油,建議配少少wasabi就足以提鮮。

珍寶元貝海膽漢堡 預訂價 $66(原價$88)

八寸酒食 串燒 私房菜
地址:銅鑼灣駱克道487-489號駱克駅13-15樓(顯示地圖
電話:3907 0204
營業時間: 星期一至日 12nn-3pm、6pm-1:30am
備註: 建議早一日預訂;$66預訂價至6月30日;last order 12:30am;設加一,收信用卡

4. 邪惡流心 火炙海膽漢堡

一向以手打漢堡出名的EC Kitchen,一直是元朗學生最愛。上個月推出海膽肉醬芝士薯條,一出已在網絡洗版。6月又推出海膽珍寶菇流心蛋漢堡,手掌大燒烤菇,釀有肉醬、流心蛋,一咬開,蛋黃流出,點睛是鋪滿足30g的火炙智利海膽,再淋上以蛋黃醬、海膽等材料打成的海膽汁,邪惡到盡頭。各種食材Perfect Match,價錢經濟、Burger又足料,唯一是智利海膽味帶微苦,未必及韓日出產的鮮甜,但以$88來說都食得過!

海膽肉醬芝士薯條 $68;
海膽珍寶菇肉醬流心蛋漢堡配秘製海膽醬 $88

EC Kitchen
地址: 元朗鳳攸南街3號好順景大廈2期19號舖(顯示地圖
電話:2529 4948
營業時間:星期一至日12nn-8:30pm
備註: 海膽珍寶菇肉醬流心蛋漢堡配秘製海膽醬只在元朗店有售;不設加一,只收現金

最新吃喝玩樂資訊