灣仔Pier 1929榴槤放題 2.5小時任食貓山王／下午茶／榴槤市集｜自助餐我要
Pier 1929榴槤放題 2.5小時任食 即開即食！
夏天又是吃水果之王——榴槤的好時節！位於灣仔碼頭的Pier 1929將一連11日推出榴槤放題任食2.5小時！只需$680，即可無限任食5款馬來西亞新鮮空運的樹上熟榴槤，包括貓山王、D24、黑刺、竹腳、D101紅肉等，款款金黃色，奶油般口感充斥著滿滿榴槤香！貓山王更是常駐款式，而其他榴槤則會不定期更換，餐廳亦有師傅即場開榴槤，大飽眼福！
榴槤下午茶套餐：D24流心芝士撻＋迷你菠蘿油＋喇沙榴槤蝦多士
任食榴槤都未夠喉？餐廳更會為每位客人送上一份榴槤三層架Tea set，一共8款鹹甜點，當中更有多款由D24榴槤製成的美食，睇得又食得！甜點一共有4款，推薦D24榴槤芝士脆撻和D24榴槤菠蘿油。前者一咬開，即有榴槤芝士流心，味道香甜濃郁；後者造型迷你，中間夾著的牛油加入榴槤果蓉，神還原港式菠蘿油，玩味十足！
鹹食共4款，分別有馬來西亞喇沙榴槤蝦多士、榴槤吞拿魚他他墨西哥薄餅、D24榴槤炸波波配辣肉腸、榴槤燉雞湯。其中榴槤蝦多士，用上自家製的喇沙醬，配以榴槤果肉搽在多士上，再加上爽口彈牙蝦仁，層次豐富！另外，D24榴槤炸波波配辣肉腸，外層炸得香脆、中間有榴槤流心，加上辣肉腸中和榴槤膩感，味道平衡。
想清清味蕾？食客還可以額外加錢柯打水果皇后特飲，以山竹水及玫瑰糖漿調製，清甜解膩，又可中和榴槤熱毒。
巨型榴槤吉祥物打卡位！再送精品＋吉隆坡機票
Pier 1929除了有270度無敵大海景外，餐廳內更設有多個打卡位供食客留念。門外有巨型榴槤吉祥物，設有沙發位置打卡，食飽亦可以到夢幻花海隧道留倩影，夠曬充實！
另外，每位食客亦可以憑用餐收據只要完成簡單遊戲有機會換領榴槤精品：榴槤造型斜孭袋、榴槤造型頸枕和峇迪繪畫套裝，更可以參與抽獎，有機會贏取AirAsia香港來回吉隆坡雙人機票（名額4個），有得食又有得拎，榴槤愛好者不要錯過喇！同時，Pier 1929的中庭位置亦會舉辦「Monster Durian異想世界市集」，有多個攤位售賣東南亞風情產品，假日不妨一逛！
Pier 1929榴槤放題有哪款榴槤？
Pier1929任食榴槤約5款，詳請按此。
Pier 1929榴槤放題何時完結？
榴槤放題一連11日舉行，詳請按此。
