尖沙咀日式燒肉店$8食牛舌芯！全港最平 每人可叫一碟
廣告
尖沙咀日式燒肉店「驚安燒肉商店」最近推出了超抵優惠，只需$8就可以食到牛舌芯，而且可以一人叫一碟！餐廳其他招牌菜式包括九宮格拼盤、蟹黃海膽月見飯、韓式牛大腸等，同樣值得推介，即睇！
尖沙咀日式燒肉店$8食牛舌芯！
位於尖沙咀的驚安燒肉商店近日宣佈決定取消午市時段，只於晚市時間營業，同時推出$8全港最平牛舌芯優惠，以答謝食客一直以來的支持。牛舌芯切得薄薄的，輕輕烤過後香氣四溢，口感爽滑，每位顧客都可以點一碟，原價$88/碟，現只需$8就食到，性價比超高！
其他菜式同樣值得一試，當中必試其招牌九宮格拼盤，包括了和牛三角腩、牛五花等多種肉類，肉質鮮美，還附有小卡片介紹每種肉的特色。另推介蟹黃海膽月見飯，有豐富的蟹膏和絲絲蟹肉，配上鮮甜的海膽，每一口都是爆炸的鹹香和海膽的鮮甜。韓式牛大腸由店員現場烤制，逼出肉質的焦香和油花，啖啖滋味！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方圖片
